1 Pita 1:22 - ALLALA KUMƐ

²² Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 1:22 ပူးပေါင်းရင်းမြစ်များ

Yɔni 15:17

Woletɔ n bi a fɔla wo ye ko wo ni wo nyɔgɔn keni.”

Yɔni 15:3

“N ya karan min fɔ wo ye, wo la ara telen wo fɛ kaka.

Yɔni 17:17

Anu dantɛgɛnɛ i ma ka a tɛgɛ ila kumɛ ma min bi tonyɛ la.

Yɔni 17:19

N bara n nyɛrɛ dantɛgɛ i ma anuna ko la alako anu fanan ni ma itɛ la fasai!

Kɛwɔlɛnu 15:9

A ma dan-nafarɛ don mabɛ anu tɛma hali! Anu dɛnkɛninyara min kɛ, woletɔ a ya anu makoto anu hakɛ ma.

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.

Romu 1:5

Alla ara fɛrɛ di nde, Pɔli ma Yisa baraka rɔ ko n ni ma ata kilayɛ la. A ya wo ma alako sibole bɛɛ ni la ale Yisa la ka ala kumɛ bira.

Romu 2:8

Kɔnɔ donu si anu nyɛrɛ keni dɔrɔn ka anu ban ko-telennɛ-kɛ-koe ma. Koe minnu ma telen, anu bilanɛ wonu denu fɛ. Alla si ala diminyɛ anubɛ ala mɔninyɛ rawuya wonu kuma.

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!

2 Kɔrɛnti 6:6

Ma ara a yira ko Allata wɔli-kɛlɛ le ma la mala sɛninyɛ fɛ, mala lɔnnɛ fɛ, mala munyɛ fɛ, mala nyimayɛ fɛ, anubɛ mala keninteya-bɛrɛ fɛ Allata Ni-Sɛnimɛ baraka rɔ.

Kalesiya 3:1

Wole Kalesiya kɛnu, kuntan le wole la! Nfen bara don wo rɔ? Yisa Kirasiti fagara kɔlɔma ma nya min, n bara wo labɔ gbɛ ma wo ye feu!

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Kalesiya 5:7

Wola dɛnkɛninyɛ ye tala yarɔ nun a kin na, ado ni min ya wo kunyɛ bɔ tonyɛ wo kɔrɔ, wo ma ko-nyimɛ kɛ.

Ɛfɛsa 4:3

Wo ara ma na kelan la Allata Ni-Sɛnimɛ baraka rɔ min kɛ, wo ni wo raya ka to kan kelen tɔ yisi-kimɛ rɔ, ado yisi-kimɛ wo si wo latugun wo nyɔgɔn na.

Filipai 1:9

Nta madiyalɛ le kɛ la ko wola keninteyɛ ni to koloyala dɛɛ! Wo ni lɔnnɛ anubɛ hɛnkili-kanbalinɛ sɔrɔn wo bɛɛ rɔ.

1 Tɛsalonaika 3:12

Alamɛ Mari ya wola keninteyɛ lakoloya wo nyɔgɔn ye anubɛ mɔgɛ bɛɛ ye dɛɛ! A ni to a lakoloyala iko matɛ koloyanɛ wole wara la nya min.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

1 Timoti 1:3

N bi a fɛ, i ni to Ɛfɛsa soe burɔ iko n ya i madiya nya min wo tumɛ n bi tala Masidoniya nyamanɛ rɔ. Mɔgɛ donu bi mɔgɛnu karanna foninya-dinanu ma nyɔ. A fɔ anu ye ko anu ni fara wo la.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

1 Timoti 5:2

Musu-kɔrɛnu bira iko i nanu. Fonike-musumɛnu bira iko i tirisan-musinu sɛninyɛ bɛɛ rɔ.

2 Timoti 1:14

Tonyɛ min kerifanɛ i la, i ni wo lamara Allala Ni-Sɛnimɛ-sɛnbɛ baraka rɔ min siginɛ i yisi rɔ.

Hiburunu 11:8

Dɛnkɛninyɛ le fɛ, Iburayima ya Allata kumɛ bira ka ta nyamani-gbɛrɛ rɔ, Alla ya lanyiri kiri minna ko la ko a si wo di a ma. A yirindira ka bɔ a nyɛrɛta nyamanɛ rɔ, hali a ma a lɔn a ye tala kan min.

Hiburunu 13:1

Wo ni to wo nyɔgɔn kenina iko a bɛnta na-kelen-nyɔgɛnu ni anu nyɔgɔn keni nya min Kirasiti rɔ.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

Yemesi 1:21

Wo ni ko-latinyanɛ bɛɛ boloka anubɛ kɛ-nya-yoge bɛɛ. Wo ni sɔnnaya Alla ye ka ala kumɛ bira min siginɛ wo yisi rɔ, ado kumɛ wo si ke wo kisila le.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

1 Pita 2:17

Wo ni mɔgɛ bɛɛ gbiliya. Wo ni wo ta-nyɔgɛ dɛnkɛninya-mɔgɛnu keni. Wo ni kilan Alla la ka nyamani-tigi gbiliya.

1 Pita 3:1

Musinu fanan ni sɔnnaya anuna keinu ye wo nya na le. Woletɔ ni minna kei dɛnkɛninyani ma Allala kumɛ ma, a si yɛlɛma ka dɛnkɛninya ala musi wo kɛ-nyala ko la. Hali a ma fenfen fɔ

1 Pita 3:20

Wo tumɛ Nowa ye kulɔn ladanna, Alla ya a munyu mɔgɔ wonu kɔrɔ kati, bawo anu ma sɔn ala kumɛ birala. Mɔgɔ siyaman ma don kulɔn wo rɔ fɔ anu mɔgɔ segin pe minnu kisira yi-fɛ wo ma,

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 4:17

Kiti-tɛgɛ-dabira-wati ara ke. Nba, Alla si ala mɔgɛnu fɔlɔn kiti. Ni kiti gbɛlɛ da si bira male le ma, a laban si ma kama worɔ wonu kuma minnu ma Allala kibara-nyimɛ bira?

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

2 Pita 1:7

Wo ni diyanayɛ sa wota Alla-yala-kilan kuma. Wo ni keninteyɛ sa wola diyanayɛ kuma.

1 Yɔni 3:11

Wo ya karan min bara-koe namɔɛn kebi fɔlɔfɔlɔ, wo le kɛ la—ma ni ma nyɔgɔn keni wona.

1 Yɔni 3:23

Alla ya tɔn minnu di ma ma, wo le kɛnu na—ma ni dɛnkɛninya ala den Yisa Kirasiti tɔgɛ ma ka ma nyɔgɔn keni iko Kirasiti ya a fɔ ma ye nya min.

1 Yɔni 4:12

Mɔgɔ ma Alla yen fɔlɔn. Kɔnɔ ni ma ya ma nyɔgɔn keni, Alla ara sigi ma yisi rɔ. Ala keninteyɛ ara kanbali male wara la.

1 Yɔni 4:20

Ni mɔgɛ ko a ara Alla keni, hali wo, a na-kelen-nyɔgɛla ko lamaranɛ a yisi rɔ, foninya-fɔlɛ le wo tigi la. Ma ara ma na-kelen-nyɔgɛ min yen, ni ma ma wo keni, Alla don, ma ma min yen bɛ? Ma si a fɔ kama ko ma ye wo kenina?

1 Yɔni 4:7

N diyana-mɔgɛnu, ma ni ma nyɔgɔn keni bawo keninteyɛ bɔnɛ Alla le bolo. Keninteyɛ ye min bolo, Allala dan le wo tigi la. A ya Alla lɔn.

Lankɛnimayɛ 2:4

Kɔnɔ min bi n kɔntɔ wo kan ma, wo le kɛ la. Keninteyɛ min bi nde anubɛ wole tɛma nun fɔlɔ, wo keninteyɛ sa wo tɛma kaka.