1 Pita 1:12 - ALLALA KUMƐ

¹² Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

1 Pita 1:12 ပူးပေါင်းရင်းမြစ်များ

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Aiseya 32:15

Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Daniyɛli 10:1

Pasiya Mansa Sairasila mansayɛ san sawa nyɔgɛ ma, Alla ya koe do yira nde, Daniyɛli la. N tɔgɛ le fanan Bɛlitisasa. Sarakanɛ wo, tonyɛ le kɔnɔ a ragbɛ ma di. Yanni n ni kɛ nya-yen, Mari ya ko-rayirɛ kɛ n ye.

Daniyɛli 12:13

“Ile Daniyɛli, i ni ma telenbagɛ la i siyi-tele-bɛɛ kɔrɔ. I wa ban fagala tumɛ min, i si i lasɔ tun wati-laban ka ila kɔntɔ-diya-fan sɔrɔn.”

Daniyɛli 12:9

A ya n yabi ko, “Daniyɛli, ta i ye bawo kumɛ kɛ si to gbundi rɔ ha watila ban.

Daniyɛli 2:19

Wulɔn suyi nyɛrɛ rɔ, Alla ya ko-dogonnɛ ragbɛ Daniyɛli ye ka kiyo wonubɛ a kɔrɛ yira a la. Daniyɛli ya Arinyɛnɛ-Tigi Alla matɔgɔ ko,

Daniyɛli 2:22

Koe minnu nya-yen ma di anubɛ koe minnu dogonnɛ, ale le ye wonu nabɔla gbɛ ma mɔgɛ ye. Hali pinpirɔ-koenu, wonu bi gbɛ ma ale bolo bawo ale mayiginɛ wan-takanɛ rɔ.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 8:13

Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Maraka 16:15

A ya a fɔ anu ye ko, “Wo ta duninya kan tinɛ bɛɛ rɔ ka kibara-nyimɛ lake mɔgɛ bɛɛ ma.

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 2:26

A ara a lɔn Allata Ni-Sɛnimɛ baraka rɔ nun ko a ti faga fɔ a wa Mari Allata-Mɔgɔ-Yabɔnɛ yen.

Luka 9:6

Karan-dannu tagamanta so-mɛsɛ bɛɛ rɔ ka kibara-nyimɛ-kawandili bɔ anubɛ ka mɔgɛnu dandan kan tinɛ wo bɛɛ rɔ.

Yɔni 15:26

“Dɛnbɛnɛ-kɛlɛ-dogbɛrɛ si na ka bɔ n Fa Alla warɛ, Allata Ni-Sɛnimɛ, kɔni. Wo le si tonyɛ lagbɛ wo ye Alla wara-koe rɔ. N si a sɔ ka bɔ n Fa Alla warɛ. Nba, a si nde fanan wara-koe fɔ wo ye.

Kɛwɔlɛnu 10:44

Pita ye kumala tumɛ min, min bɛɛ tole masɔnɛ wo kumɛ la, Allata Ni-Sɛnimɛ yigira wonu dama kuma.

Kɛwɔlɛnu 16:10

Pɔli ya ko-rayirɛ wo yen nya min wo, ma ya ma rabɛn ka ta Masidoniya bawo ma lara a la ko Alla le ya ma kele kibara-nyimɛ kawandili bɔ tinɛ nyɔ-mɔgɛnu ye.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Kɛwɔlɛnu 4:31

Anu banta Alla matarala tumɛ min, anu nadɛnnɛ kan min, nyɔ yɛrɛyɛrɛnta. Anu dama fara Allata Ni-Sɛnimɛ la. Anu ya Allala-kuma-fɔɛ dabira yisi-latɛgɛ rɔ.

Kɛwɔlɛnu 4:8

Pita fanɛ Allala Ni-Sɛnimɛ la min kɛ, a ya Isirɛla kun-tiginu anubɛ mɔgɔ-banu yabi ko,

Kɛwɔlɛnu 8:25

Pita anubɛ Yɔni ban sereyɛ bɔla tumɛ min ka Marila kumɛ lake, anu sɛgira Yerusalɛm. Anu sɛgimatoe, anu ya kibara-nyimɛ-kawandili bɔ Samariya so siyaman tɔ kilɛ la.

Romu 1:15

Woletɔ a sɔgɛ ye n na bɛrɛkɛ ka kibara-nyimɛ lake wole Romu kɛnu fanan ma.

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

Romu 10:15

Ado nfan, mɔgɛ si sarakanɛ wo lake kama, ni mɔgɔ ma anu sɔ? Iko a sɛbɛnɛ Allala kitabu rɔ nya min, a ko, “Mɔgɔ wa kilayɛ yen nala kibara-nyimɛ la a bolo, wo di mɔgɛnu ye.”

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

2 Kɔrɛnti 1:22

A ara ma ma atɛ la ka ata tamasere sigi ma kuma, ata Ni-Sɛnimɛ, kɔni. A ya wo ladon ma yisi rɔ alako min bɛɛ ye a bolo ma ye, ale Allata Ni-Sɛnimɛ le wo kun-fɔlɛ la.

2 Kɔrɛnti 6:6

Ma ara a yira ko Allata wɔli-kɛlɛ le ma la mala sɛninyɛ fɛ, mala lɔnnɛ fɛ, mala munyɛ fɛ, mala nyimayɛ fɛ, anubɛ mala keninteya-bɛrɛ fɛ Allata Ni-Sɛnimɛ baraka rɔ.

Kalesiya 1:12

N ma a sɔrɔn mɔgɔ bolo, ado n ma wo karan mɔgɔ bolo. Yisa Kirasiti nyɛrɛ, wo le ya a labɔ gbɛ rɔ n ye.

Kalesiya 1:16

A ya a latɛgɛ ko a ni ala dan labɔ gbɛ rɔ n ye. A ko n ni ala kibara-nyima-kawandili bɔ wole sibolo-gbɛrɛnu ye, ado n ma ta mɔgɔ-wo-mɔgɔ wara alako n ni hɛnkili sɔrɔn.

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.

1 Pita 1:25

Kɔnɔ Allala kumɛ tonɛ habadan!” Ado nfan, kibara-nyimɛ min kawandili bɔra wo ye, wo le kɛ la.

1 Pita 4:6

Wo le ya a ma, Kirasitita kibara-nyimɛ lakera mɔgɔ-faganɛnu fanan ma nun. Wo mara bawo anu bi anu kɛndɛ la tumɛ min, Alla ara anu kiti iko a si mɔgɛ bɛɛ kiti nya min. A sɔgɛ ye Alla la nun ka fɛrɛ di anu ma alako anu ni taran anu niyi la ale fɛ.

Lankɛnimayɛ 5:11

Wo kɔma, n ya n yɛ lata. N ya melikanu kan lamɔɛn. Wonu yatɛ ti ke lɔnna! Anu sɔra mansaya-sigi-fan anubɛ dali-fen nani anubɛ kɛmɔgɛnuna foolɛ rɔ.