1 Pita 1:10 - ALLALA KUMƐ

¹⁰ Alla si na kisi-koe min di wo ma, nɛbinu ya wo lakɔrɔsi ka a fɛsɛfɛsɛ a kilɛ fɛ. Alla ara duwɛ min tabɛn wo ye, nɛbi wonu denu ya wɔlɔyiyɛ kɛ wola ko la.

1 Pita 1:10 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Hɛnkilimaya-Kumɛnu 2:4

I ni a nyini iko mɔgɛ si dugu-kɔrɔ-nɔnfuli nyini nya min. I ni to a nyinina iko mɔgɛnu bi wodi nyinina nya min.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Hegayi 2:7

A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Sakaraya 6:12

A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

Matiyu 13:17

Wo ni wo hɛnkili to kɛ ko! Wo ye min yenna, a sɔgɛ ye nɛbi siyaman anubɛ Allata mɔgɔ siyaman na nun ka wo yen kati! Kɔnɔ anu ma ke a yenna. Wo ye min namɔɛnna kɛ, anu denu ma ke wo lamɔɛnna.

Matiyu 26:24

ado nde, Hadama-dan si faga iko a sɛbɛnɛ Allata kitabu rɔ nya min kɔnɔ gbalo-belebele ye mɔgɛ wo kuma, min si nde, Hadama-dan don n yogenu bolo tɔ! A fisa nun, hali mɔgɛ wo ma sɔrɔn nun!”

Luka 10:24

ado n bi tonyɛ fɔla wo ye, wo ye min yenna, a sɔgɛ ye nɛbi siyaman anubɛ mansa siyaman na nun ka wo rayen kɔnɔ anu ma fɛrɛ sɔrɔn ka wonu tayen. Wo ara min namɔɛn, anu bi a fɛ ka wo lamɔɛn nun kɔnɔ anu denu ma ke wo lamɔɛnna.”

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Yɔni 7:52

Anu ya a yabi ko, “Kalili kɛ le ile fanan na, wa? I ni ta Allata kitabu karan, i si a lɔn ko nɛbi ti bɔ Kalili sigisɔn rɔ mumɛ!” [

Kɛwɔlɛnu 10:43

Nɛbi bɛɛ ya ala koe fɔ ko mɔgɔ-wo-mɔgɔ wa dɛnkɛninya a ma, Alla si wo makoto a hakɛ ma ale tɔgɛ sɛnbɛ baraka rɔ.”

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

Kɛwɔlɛnu 7:52

Nɛbi kelen bɛrɛn sa nyɔ nun, wo benbanu ma min tɔrɔ. Wo sa! Allala kilayɛ minnu ya ala wɔli-kɛla-telennɛ na-koe fɔ, kebi wati-yan, anu ya wonu faga. Nba kaka, wole ara a don a yogenu bolo tɔ ka a faga.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 11:40

bawo Alla ara a latɛgɛ ma ye nun ko ka ko-nyima-nyimɛ rabɛn male ye min tenbira wo la. Alla ye a fɛ, mabɛ wonu ni kanbali ma nyɔgɔn fɛ.

1 Pita 1:11

Kirasitila Niyi min bi anu tɔ, wo ya wati wola koe fɔ anu ye. Kirasiti si na tɔrɔyɛ minnu sɔrɔn anubɛ gbiliyɛ min si bɔ tɔrɔyɛ wo kɔma, anu ya wo bɛɛ faranfasi. Anu ya anu taya wati wo lɔn-koe ma anubɛ a si na nya min.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!