1 Pita 1:1 - ALLALA KUMƐ

¹ Nde, Pita le ye kɛdi kɛ sɛbɛla, Yisa Kirasiti ya nde min sɔ, ala kilayɛ, kɔni. N bi a lakela wole Allala mɔgɔ yabɔnɛnu ma minnu manɛ iko kɛlɛ-kɔrɔ-maburilɛnu. Wo nyɛnsɛnnɛ Ponta anubɛ Kalesiya anubɛ Kapadosiya anubɛ Esiya anubɛ Baitiniya nyamanɛnu tɔ.

1 Pita 1:1 ပူးပေါင်းရင်းမြစ်များ

Ɛsita 3:8

Wo kɔma, Heman ya a fɔ Mansa Sakasi ye ko, “Sibole donu basannɛ ila nyamanɛ kɛ la. Wonuta namunyɛ anubɛ mɔgɔ-wo-mɔgɔta ma kɛn. Min sanɛ wo kuma, ile nyɛrɛta tɔn siginɛnu, anu sa sɔnna wonu bira-koe ma. A ma bɛn, mɔgɔ-sufa wonu ni to anu niyi la ila nyamanɛ kɛ rɔ.

Yaburi 44:11

I sɔnta ma kan-natɛgɛ-koe ma iko sagɛ. I wara ma ranyɛnsɛn nyamanɛ doinu tɔ.

Isikiyɛli 6:8

“N si a ma, donu ni bɔ muri kɔrɔ ka anu tanyɛnsɛn sibolo-gbɛrɛnu tɛma.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Matiyu 10:2

Kilaya tan-ni-filɛ wonu tɔgɛ le kɛnu na. Saimon (min tɔgɔ fanan Pita) anubɛ wo na-kelen-nyɔgɛ Anduru anubɛ Sɛbɛdila den Yemesi, wonubɛ wo na-kelen-nyɔgɛ Yɔni.

Matiyu 24:22

Kɔnɔ Alla ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Alla si do bɔ tele wonu na ala mɔgɔ-yabɔnɛnuna ko la.

Matiyu 4:18

Yisa ye tagamana Kalili dalɛ dafɛ tumɛ min, a ya na-kelen-nyɔgɔma fila yen, Saimon (min tɔgɛ fanan Pita) anubɛ Anduru. Wonu bi yɛgɛ birala yalɛ la dalɛ rɔ bawo anu denuta wɔlɛ le wo la.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Yɔni 11:52

ado a sa fagala Yahudiyanu dɔrɔnna ko la. Kɔnɔ a si faga alako Allala mɔgɛ bɛɛ min tanyɛnsɛnnɛ, a si wonu nadɛn kan-tina-kelen ka anu ma kelen na.)

Yɔni 7:35

Yahudiyanuna kun-tiginu ya a fɔ anu nyɔgɔn ye ko, “A ye tala mintɔ, male ti a yen kan min? A si ta sibolo-gbɛrɛnu karan anuna soenu tɔ mala mɔgɛnu siginɛ kan min?

Kɛwɔlɛnu 18:2

A ya Yahudiya do taran nyɔ, a tɔgɛ Akuwila. A sɔrɔnta Ponta nyamanɛ rɔ. Anubɛ ala musi Purusila na-san le nun ka bɔ Itali nyamanɛ rɔ bawo Romu Nyamani-Kun-Tigi-Ba Kalodiyasi ara a fɔ nun ko Yahudiya bɛɛ ni bɔ Romu soe burɔ. Pɔli tara anu kɔndɔn tinɛ.

Kɛwɔlɛnu 18:23

A mɛra nyɔ doni. Wo kɔma, a tara Kalesiya anubɛ Parigiya nyamanɛnu tɔ ka nyɔ-dɛnkɛninya-mɔgɛ bɛɛ sɛnbɛ don.

Kɛwɔlɛnu 19:10

A tora anu fɛ san fila kɔrɔ. Woletɔ mɔgɛ min bɛɛ siginɛ Esiya nyamanɛ rɔ, a Yahudiya wo, a sibolo-gbɛrɛ wo, bɛɛ ya Marita kumɛ lamɔɛn.

Kɛwɔlɛnu 6:9

Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.

Kɛwɔlɛnu 8:4

Marita mɔgɛ minnu nyɛnsɛnta, wonu tara kan tinɛ bɛɛ kawandili-bɔɛ la.

1 Kɔrɛnti 16:19

Chɔchi minnu bi Esiya nyamanɛ rɔ, wonu bi wo kɔndɔnna. Akuwila anubɛ Purusila anubɛ chɔchi-mɔgɛ minnu nadɛnnɛ anuna bɔn la, wonu bi wo kɔndɔnna bɛrɛkɛ Mari tɔgɔ rɔ.

2 Kɔrɛnti 1:8

Nba, n na-kelen-nyɔgɛnu, ma ya tɔrɔyɛ min sɔrɔn Esiya nyamanɛ rɔ, ma ye a fɛ ka wo lalɔn wo la. Dunɛ minnu sara ma kuma, wonu kolo, ado anu gbili. Ma yigi bɛɛ tɛgɛra ko ma ti to ma niyi la.

Kalesiya 1:2

Mabɛ ma na-kelen-nyɔgɔ dɛnkɛninya-mɔgɛ min bɛɛ ye yan, ma ye wole Kalesiya dɛnkɛninya-mɔgɛnu kɔndɔnna.

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Ɛfɛsa 2:19

Woletɔ wole sibolo-gbɛrɛnu, mɔgɔ-gbɛrɛ ma wo la tun, ado sundan ma wo la tun. Wo ara ma duguran la kaka Allata mɔgɛnu tɛma. Wo ye Allata denbayɛ rɔ gbɛ!

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 32:26

A bɛnta nun, Mari ni wo lato dogbe, woletɔ mɔgɛnu ti anu miri wo ma tun.

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.

2 Timoti 1:15

Iko i ya a lɔn nya min, min bɛɛ ye Esiya nyamanɛ rɔ, wonu bara anu kan-kɔ sɔ n na katarala Faigɛla anubɛ Hɛmogɛnisi ma.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Yemesi 1:1

Alla anubɛ Mari Yisa, Allata-Mɔgɔ-Yabɔnɛla wɔli-kɛlɛ, Yemesi le ye kɛdi kɛ sɛbɛla. N bi Allala mɔgɛ bɛɛ kɔndɔnna minnu nyɛnsɛnnɛ duninya kan tinɛ bɛɛ rɔ.

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”