1 Mansɛnu 9:3 - ALLALA KUMƐ

³ Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

1 Mansɛnu 9:3 ပူးပေါင်းရင်းမြစ်များ

1 Mansɛnu 8:29

I wara kan tinɛ kɛ min yabɔ i bato-koela ko la, i yandi Mari, i ni i fonde to bɔn kɛ ko su-ni-tele. Nba, woletɔ Mari, n ba n ya-lamunun bɔn kɛ la tumɛ min, i ni i wɔlɔ matɔlɔ nta madiyalɛ la n bi min nakɛla i ma.

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Ko-Kɔrɔta-Karan 33:7

A ya bɛsɛ do sigi Mari Bato-Bɔn la, ado Mari ara a fɔ Mansa Dawuda anubɛ ala den Mansa Silamɛni ye nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Ko-Kɔrɔta-Karan 6:40

“E, nta Alla, ma wa i rakele tumɛ min, i ni kinikini mabɛ ila mɔgɛnu ma ka i wɔlɔ matɔlɔ ma di-kɛ-kan la kan-tina-yabɔnɛ kɛ rɔ.

Ɛsira 6:12

Alla min ya Yerusalɛm kɛ yabɔ a bato-tinayɛ la, min ba a fɔ ko a ye bato tinɛ wo tinyana ka n kuman-kan lafɛya, alamɛ Alla ya wo wara-koe layigi, a mansa wo, a sibolo wo. Nde, Mansa Dariyasi kan le kɛ la, ado wo ni a bira gben!”

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Yaburi 116:1

Mari keninɛ n bolo bawo a ye a wɔlɔ matɔlɔla nta madiyali-kan la.

Yaburi 34:17

Mɔgɔ-latelennɛ wa Mari rakele, a si a wɔlɔ matɔlɔ a la. A si anu kunyɛ bɔ anuna tɔrɔyɛnu tɔ.

Yaburi 65:3

ka a tɛgɛ anu hakɛnuna ko ma. Ma hakɛnu ba nɔ-ko sɔrɔn ma ma, i si ma makoto.

Yaburi 66:19

Kɔnɔ Alla ya n kan lamɔɛn ka a wɔlɔ matɔlɔ nta madiyali-kan la.

Bɔ-Koe-Iyipiti 20:11

Nde, Mari le ya san-kole dan anubɛ dugu-kole anubɛ kɔgɔ-yi anubɛ fan min bɛɛsi ye duninya rɔ. N ya wo bɛɛ dan tele wɔrɔ le kɔrɔ ka n sulen a tele wɔrɔnfila nyɔgɛ ma. Woletɔ nde, Mari ya nta duwɛ to a tele wɔrɔnfila nyɔgɛ ma ka a ma tele-sɛnimɛ la.

Bɔ-Koe-Iyipiti 29:44

“N si nta bɔn anubɛ saraka-mintan-tinɛ wo sɛninya wo nya na le ka Aruna anubɛ ala den-keinu sɛninya fanan alako anu ni saraka-masɔ-wɔlɛ kɛ n ye.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 7:10

Mari ko wo bole si to ko sufa kɛnu tɔ minnu gbo a ye, wo kɔma, wo ni na sɔ a yakɔrɔ yan? A ko ale ara a bato-tinɛ min yabɔ kɛ, wo si ke nala sɔla yan ka a bato, wa? Wole miri ko wo ara kanan, nyɛ? Wo kanannɛ alako wo ni fɛrɛ sɔrɔn ko sufa kɛnu ma-tinɛ, wa?

Daniyɛli 9:23

Kebi i ya ila mataralɛ dabira wati min, Alla ya ila matarali-kan wo lamɔɛn. I di a ye woletɔ ko-rayirɛ min kera i ye, n bara na ka wo kɔrɛ yira i la.

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Yɔni 11:42

N ya a lɔn ko i wɔlɔ matɔlɔnɛ n na tuma-wo-tuma kɔnɔ n bi kɛ fɔla mɔgɛ kɛnu denuna ko la yan. Woletɔ anu si la a la ko ile le ya n sɔ.”

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Tɔn-Fɔɛ-Fila-Nyɔgɛ 11:12

Wota Mari Alla nyɛrɛ le nyamanɛ wo fɛ-birala san mumɛ bɛɛ kɔrɔ.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:21

Mari ya kolo-fan minnu di wo ma, wo si ke le ka anu faga ka anu boso ka anu dɔn wola bɔnnu na bawo Alla bato-tinɛ wo fɛ-yan.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

1 Yɔni 5:14

Wo le ya a to, yisi-latɛgɛ ye ma bolo Alla yala ko ni ma ya a matara fenfenna ko la, ale sako ye min na, a si ma kan lamɔɛn,