1 Mansɛnu 9:28 - ALLALA KUMƐ

²⁸ Anu si ta kulɔn wonu na nyamanɛ do rɔ min tɔgɛ Ɔfiri. Anu bɔra sɛnɛ min na nyamanɛ wo rɔ, wola gbiliyɛ anubɛ fui-fan bɔrɔ kɛmɛ fila anubɛ bɔrɔ tan rakɛn de!

1 Mansɛnu 9:28 ပူးပေါင်းရင်းမြစ်များ

Ko-Dabirɛnu 10:29

Ɔfiri wo, Hafila wo, anubɛ Yobabu. Yokitanla dan le kɛnu na.

1 Mansɛnu 10:11

(Mansa Hairamna kulɔn minnu nara ka bɔ Ɔfiri nyamanɛ rɔ, wonu nara sɛnɛ-siyaman na anu tɔ nun. Wo kɔma, ale kulun kelan kɛnu denu nara kɔlɔma-hakikɛnu anubɛ dugu-kɔrɔ-nɔnfulinu na anu tɔ ka bɔ Ɔfiri nyamanɛ rɔ.

1 Mansɛnu 10:14

Yilanu taranta duti dila Mansa Silamɛni ma min kɛ, ale fanan bi tɔnɛ sɔrɔnna anuna yilayɛ fɛ. Arebiya mansɛnu bi a sanbala. Hali ata sigisɔn-mansɛnu minnu bi Isirɛla nyamanɛ rɔ, wonu bi hinala a la. Min sanɛ wo kuma, san-bo-san Mansa Silamɛni si sɛnɛ sɔrɔn minna gbiliyɛ anubɛ fui-fan bɔrɔ kɛmɛ sawa, bɔrɔ bi-sawa ani bɔrɔ sawa (333) rakɛn de!

1 Mansɛnu 22:48

Isirɛla Mansa Ehasaya ara a fɔ Yuda Mansa Yɛhosafati ye nun ko ata keminɛnu ni kofu Mansa Yɛhosafatila keminɛnu ma kulɔn rɔ kɔnɔ ale mansɛ ya a ban. Mansa Yɛhosafati ya kulɔnnu nadan minnu bi tala nun sɛnɛ bi tinɛ Ɔfiri nyamanɛ rɔ. Kɔnɔ kulɔn kɛnu ma ta bawo anu tinyanta Iseyɔn-Kiba soe dafɛ.

1 Ko-Kɔrɔta-Karan 1:23

Ɔfiri wo, Hafila wo, anubɛ Yobabu. Yokitanla dan le kɛnu na.

1 Ko-Kɔrɔta-Karan 29:4

N ya fan minnu bɔ n nyɛrɛ gbu rɔ, wonu yatɛ le kɛnu na. N bara sɛnɛ-hakikɛ min bɔ, wola gbiliyɛ anubɛ fui-fan bɔrɔ waga kelen ani kɛmɛ lolila (1,500) gbiliyɛ rakɛn de! N bara wodi-gbɛ min bɔ, wola gbiliyɛ anubɛ fui-fan bɔrɔ waga sawa ani kɛmɛ lolila (3,500) gbiliyɛ rakɛn de! N ya wo bɛɛ labɔ alako ka Bato-Bɔn dandan yamatogon wonu na.

2 Ko-Kɔrɔta-Karan 8:18

Mansa Hairam ya kulun-belebelenu nata ale Mansa Silamɛni ma nyɔ rɔ anubɛ ala kulun-tawɔli-kɛlɛnu. Wonubɛ mansɛta kɛlɛ-den-kunyɛnu tara Arabu nyamanita soe do rɔ min tɔgɛ Ɔfiri. Anu bɔra sɛnɛ minnu na nyamanɛ wo rɔ, wola gbiliyɛ anubɛ fui-fan bɔrɔ kɛmɛ fila anubɛ bɔrɔ tan-ni-loli (215) rakɛn de! Anu nara wo don Mansa Silamɛni bolo.

2 Ko-Kɔrɔta-Karan 9:10

(Hairamna kulun-tawɔli-kɛlɛnu anubɛ Mansa Silamɛnita kulun-tawɔli-kɛlɛnu nara ka bɔ Ɔfiri nyamanɛ rɔ. Wonu nara sɛnɛ-siyaman na kulɔn wonu tɔ. Wo kɔma, ale kulun kelan kɛnu denu nara kɔlɔma-hakikɛnu anubɛ dugu-kɔrɔ-nɔnfulinu na anu tɔ ka bɔ Ɔfiri nyamanɛ rɔ.

Yobu 22:24

I ni ila sɛnɛ lakɛ a rɔ gbangban rɔ. I ni ila sɛnɛ-hakikɛ lafili tungban rɔ.

Yobu 28:16

Hali sɛnɛ-bɛrɛ anubɛ kuri minnu dɛ gbɛlɛ ha ka a dan-natenbi, wonu mɔlɔn ti ke hɛnkilimayɛtɛ rɔ.

Yaburi 45:10

Ile mansala kɔnya-kurɛ, i tole masɔ nta kumɛ kɛ la. I ni nyina ita mɔgɛnu ko hali i fata kebilɛ.

Yaburi 45:9

Musi minnu bi wɔlila i ye, mansa-dan le wonu na. Ile mansɛla bara-musi makirinɛ sɛnɛ-bɛrɛ le la. A sɔnɛ ila mansaya-waganɛ bolo-nyimɛ rɔ.

Makawandili Kumɛnu 2:8

Nyamanɛ bɛɛ minnu bi nta sɛnbɛ kɔrɔ, n ya wonuna sɛnɛ anubɛ anuna wodi-gbɛnu nadɛn kan-tina-kelen n nyɛrɛ ye. Finabanu anubɛ yelebanu taranta n matɔgɔla. Keinu yɛ si bɔ musi minnu na, n ya wo siyaman nadɛn n nyɛrɛ ye.

Aiseya 13:12

A toe minnu bi tola, wonu yen-koe si gbɛlɛya iko sɛnɛ ka bɔ Ɔfiri nyamanɛ rɔ.