1 Mansɛnu 9:27 - ALLALA KUMƐ

²⁷ Mansa Hairam ya hɛnkilima-siyaman nana minnu kusan wɔlila kulɔn wonu tɔ alako wonu ni kofu Mansa Silamɛnita kulun-tawɔli-kɛlɛnu ma.

1 Mansɛnu 9:27 ပူးပေါင်းရင်းမြစ်များ

1 Mansɛnu 10:11

(Mansa Hairamna kulɔn minnu nara ka bɔ Ɔfiri nyamanɛ rɔ, wonu nara sɛnɛ-siyaman na anu tɔ nun. Wo kɔma, ale kulun kelan kɛnu denu nara kɔlɔma-hakikɛnu anubɛ dugu-kɔrɔ-nɔnfulinu na anu tɔ ka bɔ Ɔfiri nyamanɛ rɔ.

1 Mansɛnu 5:6

Woletɔ a fɔ ila mɔgɛnu ye ko anu ni kɔlɔma-kuru-wɛ donu tɛgɛ n ye Lɛbanan nyamanɛ rɔ. Nna wɔli-kɛlɛnu anubɛ ita wɔli-kɛlɛnu si wɔlɛ kɛ anu nyɔgɔn fɛ. N si ila wɔli-kɛlɛnu sara iko i ye a fɔla n ye nya min. I ya a lɔn ko nna mɔgɛnu ma kusan kɔlɔma tɛgɛla iko ila mɔgɛnu.”

1 Mansɛnu 5:9

Nna wɔli-kɛlɛnu si na kɔlɔma wonu na ka ta anu na kɔgɔ-yi dafɛ. Nba, anu si anu kiri anu nyɔgɔn ma ka anu nata yi kuma. I ye kan tinɛ min yirala n na kɔgɔ-yi dafɛ, nna wɔli-kɛlɛnu si anu nafulen nyɔ. Ita mɔgɛnu si kɔn wonu maduni. Ileta wɔlɛ ye min na dɔrɔn, ka nta bonna-mɔgɛnu de-nyini.”

1 Mansɛnu 9:26

Mansa Silamɛni ya kulun-belebele-siyaman nadan Kɔgɔ-Yi-Wulan bolɔn doi kɔnkɔn la Iseyɔn-Kiba soe dafɛ min bi Ilati soe telen tɔ Idɔm nyamanɛ rɔ.

Isikiyɛli 27:8

Taya kɛnuna kulun-wurelɛnu bɔra Saidon anubɛ Arifadi soenu tɔ. A nyɛrɛta boloma-wɔli-kɛlɛnu mara mɔgɔ-banu na kulɔn rɔ.