1 Mansɛnu 9:25 - ALLALA KUMƐ

²⁵ Mansa Silamɛni ya saraka-mintan-tinɛ min sɔ Mari ye, san-bo-san, a si saraka-mintantɛ anubɛ yisi-kima-sarakɛnu bɔ a kuma kinyama sawa, wo kɔma ka isɛnti fanan mintan Mari ye. Silamɛni tora Mari Bato-Bɔn fɛ-birala a kilɛ fɛ.

1 Mansɛnu 9:25 ပူးပေါင်းရင်းမြစ်များ

1 Mansɛnu 6:14

Mansa Silamɛni banta Bato-Bɔn wo sɔla.

1 Mansɛnu 6:9

Wo kɔma, Mansa Silamɛni ya Bato-Bɔn kole lawuli ka a gbaran fɛrɛn-hakikɛnu na minnu bɔra Lɛbanan nyamanɛ rɔ.

1 Ko-Kɔrɔta-Karan 23:13

Ala sarɛ, Amiram, wo ya Aruna anubɛ Musa sɔrɔn. (Alla ya Aruna anubɛ a kegeyɛnu yabɔ alako anu ni ma ata mɔgɔ-yabɔnɛnu na burubukai! Anu si to sarakɛnu mintanna Mari ye. Anu si to miran-sɛnimɛnu fɛ-birala ka duwa mɔgɛnu ye ale Alla tɔgɛ rɔ.

2 Ko-Kɔrɔta-Karan 29:11

Nna dannu, Mari ara wole minnu yabɔ ka ma isɛnti-mintannɛnu na anubɛ ka sɔ mɔgɛnu yarɔ bato tinɛ, wo ni wo latiriya wo sɛbɛ donna.”

2 Ko-Kɔrɔta-Karan 34:25

A ko anu ya anu ban ale Mari la. A ko anu ya sarakɛnu bɔ anuna bɛsɛnu ye woletɔ ale Mari fonde bɔnɛ Yerusalɛm kɛnu kuma. A ko fenfen sa nyɔ min si ala fondo-bɔɛ makimɛ.

2 Ko-Kɔrɔta-Karan 8:16

Koe min bɛɛsi taranta Mansa Silamɛni sɔndɔmɛ rɔ, a ya wo bɛɛ ma. Ka a bi Bato-Bɔn kurukɛ tinɛ ma ha ka a laban, a ya wo bɛɛ ladan a kilɛ fɛ.

Bɔ-Koe-Iyipiti 30:7

“Aruna ni isɛnti mintan a mintan tinɛ kuma. A tenbi lɛnpu ladufenna sɔgɔma, a ni isɛnti mintan wo wati rɔ.

Bɔ-Koe-Iyipiti 34:23

N ba ban sibolo-gbɛrɛnu gbenna wo yarɔ ka wola nyamanɛ lakoloya tumɛ min, kei bɛɛsi ni ta n bato tinɛ san-bo-san iko sawa. Wo tenbi ladɛn wonu tɔ tumɛ min, wo hɛnkili la ni tɛgɛ ko nde, Alla si a ma, wo yogenu ti wola nyamanɛ bi wo bolo wo kɔma kilɛ la.

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn

Kɛlɛ-Kurugbɛnu 11:40

San-bo-san, tele nanɛ kɔrɔ, Isirɛla sunkurɔnnu kɛnɛna dila wulɛ rɔ alako ka anu miri Kaliyadi kɛ Yɛfɛtala den-sunkurɔn ma.