1 Mansɛnu 9:24 - ALLALA KUMƐ

²⁴ Iyipiti mansɛla dunmusi yirindira Mansa Dawudala luyi ma ka ta a halala-bɔn la ala kei Mansa Silamɛni ya min sɔ a ye. Wo kɔma, Mansa Silamɛni ya lɛnbɛn-lɛnbɛnya-rasiginɛ rakɛ Yerusalɛm soe tele-bɔɛ wara la.

1 Mansɛnu 9:24 ပူးပေါင်းရင်းမြစ်များ

2 Samuwɛli 5:7

Tele wo nyɛrɛ rɔ, Mansa Dawuda ya a fɔ ala keminɛnu ye ko, “Mɔgɛ do ye yan tɔ, Yɛbusi kɛnu gbo min ye iko nde, hali ka anu faga? Woletɔ wo ni bɔ yirɔ-kilɛ la ka ta fiyɔn anubɛ namarɛ kɛnu faga.” (Ni i ya a lamɔɛn ko, “Fiyɔn anubɛ namarɛnu ti don Mari Bato-Bɔn la,” kumɛ wo dabirara yan de!) Yɛbusi kɛnuta soe, tarɛ mininɛ min ma, anu ya wo bi anu bolo tumɛ min, Mansa Dawuda sigira nyɔ ka nyɔ kele “Dawudaya.” Nyɔ-tɔgɛ le fanan Sayɔn. Mansa Dawuda ya soe wo lakoloya ka a dabira lɛnbɛn-lɛnbɛnya rakɛ tinɛ tele-bɔɛ wara la ha ka ke tarɛ burɔ so fɔlɔtɛ ma.

1 Mansɛnu 11:27

Murutiyɛ wo mara nya min, lunyɛ do, wo tumɛ Mansa Silamɛni ye lɛnbɛn-lɛnbɛnya-rasiginɛ wo rakɛla Yerusalɛm tele-bɔɛ wara la ka tarɛ lawuli tun,

1 Mansɛnu 3:1

Furu-nyɔgɔnyɛ donta Mansa Silamɛni anubɛ Iyipiti mansɛ tɛma alako ka anu tɛmɛ lakandan. Mansa Silamɛni nara Iyipiti mansɛla dunmusi wo la a fa Dawudala luyi ma. Dunmusi wo tora nyɔ ha Mansa Silamɛni ya ata luyi labɔ. A ya ata mansaya-bɔn sɔ anubɛ Mari Bato-Bɔn anubɛ tarɛ min mininɛ Yerusalɛm soe ma.

1 Mansɛnu 7:8

Anu ya wo sufa bɔn sɔ Mansa Silamɛni ye kiti fɔ tinɛ wo kɔma. Mansɛ ya Iyipiti mansɛla dunmusi min furu, a ya a halala-bɔn kɛ sufa sɔ wo ye fanan.

2 Ko-Kɔrɔta-Karan 32:5

Tarɛ kan tinɛ min kerinɛ nun, a ya wonubɛ nyamani-kumafɛlɛn-bɛndɛ-layan-bɛ donu nadan. Wo kɔma, a ya tarɛ do mini tarɛ wo ma tun alako nyɔ ni taran fanka rɔ. Tarɛ min bi lɛnbɛn-lɛnbɛnya rakɛ tinɛ dafɛ tele-bɔɛ wara la Yerusalɛm so-kɔrɛ la, a ya nyɔ fanan nadan fanka rɔ. Wo kɔma, a ya tanbɛ anubɛ nɛgɛ-walan-siyaman nadan.

2 Ko-Kɔrɔta-Karan 8:11

Mansa Silamɛni ya Iyipiti mansɛla dunmusi min furu nun, a ya wo bɔ a fa Mansa Dawudata luyi ma ka wo lata a halala-bɔn la, a ya min sɔ ala musi wo ye. A ya a fɔ ko, “A ma bɛn, musi kɛ ni to Isirɛlata Mansa Dawudata luyi ma bawo ni tɔn-kenkirɛ ye kan min nun, nyɔ sɛninyani de!”