1 Mansɛnu 9:15 - ALLALA KUMƐ

¹⁵ Mansa Silamɛni ya mɔgɛnu fɔrɔsɛ Mari Bato-Bɔn anubɛ a nyɛrɛta bolɔn sɔ tinɛ. Hali a ya mɔgɛnu fɔrɔsɛ ka lɛnbɛn-lɛnbɛnya-rasiginɛ rakɛ soe tele-bɔɛ wara la. Wo kɔma, a ya anu fɔrɔsɛ ka soe tarɛ sɔ. Hali tonbon sawɛ kɛ, Hesɔ wo, Magidɔ wo, anubɛ Kisari, a ya anu fɔrɔsɛ ka wonu sɔ a kurɛ la.

1 Mansɛnu 9:15 ပူးပေါင်းရင်းမြစ်များ

1 Mansɛnu 11:27

Murutiyɛ wo mara nya min, lunyɛ do, wo tumɛ Mansa Silamɛni ye lɛnbɛn-lɛnbɛnya-rasiginɛ wo rakɛla Yerusalɛm tele-bɔɛ wara la ka tarɛ lawuli tun,

1 Mansɛnu 12:4

“I fa Mansa Silamɛni ya ma bira boloko-yogomɛ-kɛ ka a lagbɛlɛya ma kuma. Ni ile ya do bɔ dunɛ la ma ye ka ma kun-nadiya, i ya ko-wo-ko fɔ ma ye, ma si wo ma.”

1 Mansɛnu 3:1

Furu-nyɔgɔnyɛ donta Mansa Silamɛni anubɛ Iyipiti mansɛ tɛma alako ka anu tɛmɛ lakandan. Mansa Silamɛni nara Iyipiti mansɛla dunmusi wo la a fa Dawudala luyi ma. Dunmusi wo tora nyɔ ha Mansa Silamɛni ya ata luyi labɔ. A ya ata mansaya-bɔn sɔ anubɛ Mari Bato-Bɔn anubɛ tarɛ min mininɛ Yerusalɛm soe ma.

1 Mansɛnu 4:12

Ahiludila den Beyana ye Teyanaka anubɛ Magidɔ soenu kun na. A ye Bɛti-Seyan sigisɔn-nyamanɛ kun na fanan min bi Saraten soe dafɛ, Yɛsɛreli soe dugula wara la. Ala sigisɔn-nyamanɛ wo le ye tala furr, ha ka ta ke Abɛli-Mɛhola soe anubɛ Yokameyam soe ma.

1 Mansɛnu 5:13

Wo kɔma, Mansa Silamɛni ya mɔgɔ waga bi-sawa (3,000) bi ka bɔ Isirɛla mɔgɛnu tɛma ka anu ma fɔrɔsɔya-wɔli-kɛlɛnu na.

1 Mansɛnu 9:10

Mansa Silamɛni ya san mogan de bɔ Mari Bato-Bɔn anubɛ a nyɛrɛta bolɔn sɔ tinɛ. A ya so-kun mogan di Taya Mansa Hairam ma Kalili nyamanɛ rɔ kamasɔrɔn ale ya Mansa Silamɛni madɛnbɛ fɛrannu anubɛ sɛnɛ do la Mari Bato-Bɔn sɔ-koe rɔ.

1 Mansɛnu 9:24

Iyipiti mansɛla dunmusi yirindira Mansa Dawudala luyi ma ka ta a halala-bɔn la ala kei Mansa Silamɛni ya min sɔ a ye. Wo kɔma, Mansa Silamɛni ya lɛnbɛn-lɛnbɛnya-rasiginɛ rakɛ Yerusalɛm soe tele-bɔɛ wara la.

2 Mansɛnu 12:20

Simɛyatila den Yosakari anubɛ Somarila den Yɛhosabadi, wonu ya yanfɛ don Mansa Yohasi ma, ado ata mɔgɔ-ba do le wonu na. Anu ya a faga lɛnbɛn-lɛnbɛnya rakɛnɛ kuma bɔn la tele-bɔɛ wara la. Anu bi kan tinɛ min kelela Sila, wo warata-kilɛ la, bɔn wo sɔnɛ nyɔ le. Anu ya a togon Mansa Dawudata halala-luyi ma Yerusalɛm soe burɔ. Ala den Hamasa sigira a gbɛ rɔ.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 9:27

Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

1 Ko-Kɔrɔta-Karan 20:4

Wati tenbinɛ, kɛlɛ do taranta Filisitinu anubɛ Isirɛla mɔgɛnu tɛma Kisari soe burɔ. Wati wo rɔ, Husayi kɛ Sibɛkayi ya Filisiti mɔgɔ-yan-bɛ do faga min tɔgɛ Sepeyai. Kɛ mara nkɛkuna, Isirɛla mɔgɛnu ya Filisitinu nɔ.

1 Ko-Kɔrɔta-Karan 6:67

Anu ya soe minnu sɔrɔn nyɔ rɔ, wonu tɔgɛ le kɛnu na, anuna lakisi-soe Sɛkɛm min bi Ifɛrɛm kɔnkɔ-nyamanɛ rɔ wo, Kisari wo,

2 Ko-Kɔrɔta-Karan 35:22

Kɔnɔ Mansa Yosaya yisi sɔnɛ a kɛlɛ-koe la sokesoke! Mansa Niko ara Allata kumɛ min fɔ a ye wo la, ale Mansa Yosaya ma a wɔlɔ matɔlɔ wo la. A ya a nyɛrɛ mayɛlɛma ka ta Niko kɛlɛ tinɛ Magidɔ lɛɛ rɔ.

2 Ko-Kɔrɔta-Karan 8:1

Mansa Silamɛni ya san mogan de kɛ Mari Bato-Bɔn anubɛ ata bolon-sɔɛ kun na.

Yaburi 51:18

E, Alla, i ni ko-nyimɛ kɛ mata so-karantan ye, Yerusalɛm, kɔni. I ni a tarɛ sɔ kura kɛ tun.

Sakaraya 12:11

Wo wati wa ke, a ko anu si di Yerusalɛm soe burɔ iko anu ya a ma nya min Hedadi-Rimɔn soe burɔ Magidɔ lɛɛ rɔ.

Yasowa 10:33

Anu bi Lesi mɔgɛnu kɛlɛla tumɛ min, Mansa Horam min bi Kisari, wo nara ka Lesi mɔgɛnu dɛnbɛ kɛlɛ kɛla kɔnɔ Yasowa anubɛ ala kɛlɛ-dannu ya mɔgɛ bɛɛsi faga. Anu fenfen ma to anu niyi la.

Yasowa 11:1

Kɛlɛ min mara dugula wara la, Hesɔ Mansa Yebin ya wo wara-koe lamɔɛn tumɛ min, a ya kilaya-lakalamɛ lata a dafɛ-mansɛnu ma ko anu ni anu nadɛn Isirɛla mɔgɛnu kɛlɛ-koe la. Kilayɛ wo kera mansɛ kɛnu ma, Medon mansɛ min tɔgɛ Yobabu, anubɛ Simirɔn mansɛnu anubɛ Akisafu mansɛnu anubɛ mansɛ minnu bi kantɔ-kɔnkɔ-nyamanɛ rɔ anubɛ mansɛ minnu bi Yorodan lɛɛ Kalili dalɛ dugula Dɔɔ soe tɔgɔfɛ. Kumɛ wo kera Kenan mansɛnu ma minnu bi Yorodan bɛ tɔnkɔn filɛ bɛɛ rɔ anubɛ Amora mansɛnu anubɛ Hɛti mansɛnu anubɛ Perasa mansɛnu anubɛ Yebusi mansɛnu minnu bi kɔnkɔ-gburukulinu kuma anubɛ Hefa mansɛnu minnu siginɛ Hɛrɔman kɔnkɔ-wɛ kɔrɔ Misipa nyamanɛ rɔ.

Yasowa 16:10

Ifɛrɛm bɔnsɔn ma Kenan mɔgɛnu gben Kisari soe rɔ fɔ ka anu ma anuna yɔɔnnu na. Ha bi, wonu bi nyɔ.

Yasowa 16:3

Dan wo le tara ha tele-yigi wara la Yefɛleti mɔgɛnu bi kan min ha ka ke Bɛti-Hɔrɔn soe ma min bi kɔnkɛ kɔrɔ. Ka bɔ nyɔ, dan wo le tara ha Kisari soe. Anuna dan kɛ mara kɔgɔ-yi la.

Yasowa 17:11

Manasa ya soe donu sɔrɔn Isakari anubɛ Asɛrata nyamanɛnu tɔ. A ya soe minnu sɔrɔn, wo le kɛnu na, Bɛti-San, Ibiliyam, Dɔɔ min bi kɔgɔ-yi tina, Ɛndɔ, Teyanaka anubɛ Magidɔ ka wo sa anu dafɛ-so-nɛnu kuma.

Yasowa 19:36

Adama, Rema, Hesɔ,

Yasowa 21:21

Sɛkɛm min bi Ifɛrɛmta kɔnkɔ-nyamanɛ rɔ wo, (lakisi-soe le wo la) Kisari wo,

Kɛlɛ-Kurugbɛnu 1:29

Ifɛrɛm bɔnsɔn-mɔgɛnu ma Kenan kɛnu gben Kisari soe burɔ. Kenan kɛ wonu sigini tora Ifɛrɛm bɔnsɔn-mɔgɛnu tɛma.

Kɛlɛ-Kurugbɛnu 4:2

Kenan Mansa Yebin min siginɛ Hesɔ soe burɔ, Mari sɔnta ko wo ni Isirɛla mɔgɛnu nɔ. Mansɛ wota kɛlɛ-den-kun-tigi Sisara, min siginɛ Harosɛti-Hagoyim soe burɔ,

Kɛlɛ-Kurugbɛnu 5:19

“Kenan mansɛnu nara ma kɛlɛ yi do dafɛ min bi Teyanaka soe anubɛ Magidɔ soe tɛma kɔnɔ anu ma ke tala mala nɔnfuli fenfen na anu bolo.

Kɛlɛ-Kurugbɛnu 9:20

Kɔnɔ ni wo lara a la ko wo ma ko-nyima ma anu na, alamɛ tɛ bɔra Abimɛlɛki bolo ka Sɛkɛm anubɛ Bɛti-Melo so-burɔ-mɔgɛnu mintan gburr! Alamɛ tɛ bɔra sorɔ-mɔgɛ wonu bolo ka Abimɛlɛki fanan mintan gburr!”

Kɛlɛ-Kurugbɛnu 9:6

Sɛkɛm mɔgɛnu anubɛ Bɛti-Melo sorɔ-mɔgɛnu ya anu nadɛn kan-tina-kelen Sɛkɛm soe burɔ anuna kɔlɔma-kuru-latankanɛ kɔrɔ. Anu ya Abimɛlɛki ma mansɛ la nyɔ.