1 Mansɛnu 9:1 - ALLALA KUMƐ

¹ Mansa Silamɛni banta Mari Bato-Bɔn anubɛ a nyɛrɛta bolɔn sɔla tumɛ min anubɛ a miriya ye min bɛɛ ma,

1 Mansɛnu 9:1 ပူးပေါင်းရင်းမြစ်များ

1 Mansɛnu 3:1

Furu-nyɔgɔnyɛ donta Mansa Silamɛni anubɛ Iyipiti mansɛ tɛma alako ka anu tɛmɛ lakandan. Mansa Silamɛni nara Iyipiti mansɛla dunmusi wo la a fa Dawudala luyi ma. Dunmusi wo tora nyɔ ha Mansa Silamɛni ya ata luyi labɔ. A ya ata mansaya-bɔn sɔ anubɛ Mari Bato-Bɔn anubɛ tarɛ min mininɛ Yerusalɛm soe ma.

1 Mansɛnu 6:37

Mansa Silamɛni ya san wɔrɔnfila le bɔ a sɔ tinɛ. Ala mansayɛ san nanɛ karɛ fila nyɔgɛ ma, anu ya Bato-Bɔn wo kurukɛ. Ala mansayɛ san tan-ni-kelan karɛ segin nyɔgɛ ma, anu ya Bato-Bɔn wo laban iko anu miri ye a ma nya min.

1 Mansɛnu 7:1

San tan-ni-sawa dɛgɛdɛgɛ, Mansa Silamɛni ye a halala-bɔn sɔla.

1 Mansɛnu 7:2

A ya bɔn fɔlɔtɛ min sɔ a nyɛrɛ ye, anu ya a tɔgɔ sa “Lɛbanan Gbɔngbɔn,” bawo a ya wo ladan kɔlɔmanu na minnu bɔra Lɛbanan nyamanɛ rɔ. Bɔn wo lɔngbɔn, nunkan-nya kɛmɛ, a kɔnɛ, nunkan-nya bi-loli, a sɔɛ, nunkan-nya bi-sawa. Sɛnbɛrɛn-kɔnnu sɔnɛ ye tala gbaranda nani-nani ma. Kundulasɛnu sanɛ sɛnbɛrɛn-kɔn wonu kuma tala. Anu ya fɛrɛn-hakikɛnu sa kundulasɛ wo bɛɛ kuma. A tɔnkɔn kelan, sɛnbɛrɛn-kɔn tan-ni-loli sɔnɛ fɛran wonu kuma. A tɔnkɔn doi, sɛnbɛrɛn-kɔn tan-ni-loli sɔnɛ fɛran wonu kuma. Sɛnbɛrɛn-kɔn tan-ni-loli sɔnɛ a tɛma fanan. Wo bɛɛ lakofunɛ sɛnbɛrɛn-kɔn bi-nani ani sɛnbɛrɛn-kɔn loli.

1 Mansɛnu 7:51

Mansa Silamɛni ban Mari Bato-Bɔn sɔla, a fa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, wodi-gbɛ-mirannu wo, sɛnɛ-mirannu wo, anubɛ fen-kolomɛ donu. A ya wo bɛɛ sa fen namara tinɛnu tɔ Mari Bato-Bɔn la.

1 Mansɛnu 8:66

Wo banda kɛ, a tele segin nyɔgɛ ma, mansɛ ya nyama latenbi. Anu ya mansɛ wɔlɔbɔ. Anu dama kɔntɔ-diyanɛ tara anu barɛnu tɔ kamasɔrɔn Mari Alla ara ko-nyimɛ min bɛɛ kɛ Mansa Dawuda anubɛ Isirɛla mɔgɛ bɛɛ ye.

1 Mansɛnu 9:10

Mansa Silamɛni ya san mogan de bɔ Mari Bato-Bɔn anubɛ a nyɛrɛta bolɔn sɔ tinɛ. A ya so-kun mogan di Taya Mansa Hairam ma Kalili nyamanɛ rɔ kamasɔrɔn ale ya Mansa Silamɛni madɛnbɛ fɛrannu anubɛ sɛnɛ do la Mari Bato-Bɔn sɔ-koe rɔ.

1 Mansɛnu 9:19

Wo kɔma, a ya anu fɔrɔsɛ ka soe wonu sɔ, a si a bolo-fannu namara kan min anubɛ a si ala kirindinu anubɛ ala soeenu namara kan min. A wa wuli a halala-wɔli-wo-wɔli mala Yerusalɛm soe burɔ, a si mɔgɛnu fɔrɔsɛ ka wo ma. A si ala mɔgɛnu nawɔli ala nyamanɛ wo bɛɛ rɔ. Hali Lɛbanan nyamanɛ rɔ, a ya ala mɔgɛnu nawɔli nyɔ.

2 Ko-Kɔrɔta-Karan 7:1

Mansa Silamɛni ban matarali-kɛ wo la, tɛ bɔra san-kole rɔ ka sarakɛ wo dama mintan gburr! Marita wan-belebele wo ya waan raka Bato-Bɔn burɔ waran!

2 Ko-Kɔrɔta-Karan 7:11

Mansa Silamɛni ban Bato-Bɔn anubɛ a nyɛrɛta bolɔn ladanna iko ala miriyɛ ye nya min,

2 Ko-Kɔrɔta-Karan 8:1

Mansa Silamɛni ya san mogan de kɛ Mari Bato-Bɔn anubɛ ata bolon-sɔɛ kun na.

2 Ko-Kɔrɔta-Karan 8:6

Beyalati soe wo, ale mansɛ bolo-fannu namaranɛ soe minnu tɔ wo, ala kirindinu anubɛ ala soeenu namaranɛ soe minnu tɔ wo, a ya wonu sɔ-kurɛ-kɛ tun. Bɔn sɔ-koe-miriya min bɛɛ ye Mansa Silamɛni la nun, a ya wo bɛɛ ma Yerusalɛm soe burɔ anubɛ Lɛbanan nyamanɛ rɔ anubɛ a ya mansayɛ kɛ sigisɔn min bɛɛ kuma.

Makawandili Kumɛnu 2:10

N diyana-koe bɛɛ kɛra n ye. N hɛnkili ye koe min bɛɛ ko, n ya wo bɛɛ lakɔrɔsi. N ya nɔnfulu-tigiyɛ min sɔrɔn nna wɔlɛ la, wo ya n hɛnɛ, ado wo le mara n sarɛ la.

Makawandili Kumɛnu 2:4

N bara kabana-ko-siyaman kɛ. N ya bɔnnu sɔ n nyɛrɛ ye ka ki-fen-siyaman ki.

Makawandili Kumɛnu 6:9

Wo ragbɛlɛ. Wo mani de iko mɔgɛ tenbi fɔnyɔ birala. Yanni mɔgɔ yɛ ni to bɔla fan bɛɛ la tuma-wo-tuma, a fisa, min bi a bolo, wo ni a hɛnɛ.