1 Mansɛnu 8:9 - ALLALA KUMƐ

⁹ Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si sarama-kan kiri anu nyɔgɔn tɛma nya min.

1 Mansɛnu 8:9 ပူးပေါင်းရင်းမြစ်များ

1 Mansɛnu 8:21

N bara kan tinɛ do rabɛn bɔn wo burɔ tɔn-kenkirɛ anubɛ kuru-walan filɛ wonu si to kan min. Ma benba Isirɛla mɔgɛnu bɔra Iyipiti tumɛ min, a ya sarama-kan sɛbɛ kuru-walan minnu ma, wonu denu sanɛ kenkirɛ wo burɔ.”

2 Ko-Kɔrɔta-Karan 5:10

Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti nyamanɛ rɔ tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si lanyiri kiri anu nyɔgɔn tɛma nya min.

2 Ko-Kɔrɔta-Karan 5:9

Mɔgɛ tenbi bɔn don-dɛ wo burɔ, a si a bi-kɔlɔma wonu sungban yen Sɛnima-Sɛnima-Tinɛ rɔ bawo anu yan. Kɔnɔ ni mɔgɛ ye luyi ma, a ti ke anu yenna. (Ha bi, wonu bi nyɔ.)

Bɔ-Koe-Iyipiti 13:21

Tele rɔ, Mari ye anu yarɔ banda-fin-gbɛ rɔ ka kilɛ yira anu na. Suyi rɔ, Mari ye anu yarɔ iko ta-mɛlan alako anu ni anu kin kɔrɛ yen.

Bɔ-Koe-Iyipiti 14:24

Banda-ka-da-pinpi ma, Mari ya a kolan bɛn Iyipiti kɛlɛ-dannu ma ka bɔ banda-fin-gbɛ anubɛ ta-mɛlan rɔ. A ya Iyipiti kɛlɛ-dannu kɔndɔfili pirikali!

Bɔ-Koe-Iyipiti 16:10

Aruna ya kumɛ dabira anu ye tumɛ min, anu ya anu yɛ lata wula-yan la. Tiriyante wo rɔ, anu ya Marita wan-belebele yen banda-finyɛ rɔ.

Bɔ-Koe-Iyipiti 16:33

Musa ya a fɔ Aruna ye ko, “I ni dɔn-fan kɛ pani-kunbɛ-nya kelen namara kan-tina-sɛnimɛ rɔ Marita Fani-Bɔn la alako ma kegeyɛnu si a yen nya min.”

Bɔ-Koe-Iyipiti 25:16

N bi nala tɔn sɛbɛla kuru-walan filɛ minnu ma, i ni wonu sa kenkirɛ wo rɔ.

Bɔ-Koe-Iyipiti 25:21

N bi nala kuru-walan filɛ minnu dila ile Musa ma, i si wonu sa kenkirɛ wo burɔ ka kenkirɛ wo da latogon anu ma.”

Bɔ-Koe-Iyipiti 40:20

A ya tɔn-walan filɛ wonu sa tɔn-kenkirɛ wo rɔ. A ya a bi-kɔlɔmanu don bolo-kalama-dɛɛnnu woe rɔ ka a da latogon.

Isikiyɛli 10:4

Marita wan-takanɛ bɔra nima-fan wonu kuma ka ta a sɔ Bato-Bɔn don-dɛ la. Wo kɔma, banda-fin-gbɛ tara Bato-Bɔn lafa pen! Kata wo mumɛ burɛ rafara Allata wan-takɛ la waran!

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.

Yilan-Yilan Koe 17:10

Mari ya a fɔ Musa ye tun ko, “Arunata sewuri wo bi ka a lasɛgi a gbɛ rɔ kenkirɛ kɔrɔ. I si a lamara nyɔ habadan! Isirɛla mɔgɛnu si to anu hɛnkili lamirila sewuri kɛ ma ko anu kana murutiyɛ lawuli tun! Ni anu ya murutiyɛ lawuli tumɛ min, anu dama si faga tɛrr!”

Yilan-Yilan Koe 9:15

Anu banta Marita Fani-Bɔn sɔla tele min tɔ, Mari ya ata banda-fin-gbɛ layigi ka a sɔ ata Bɔn wo kuma. Suyi rɔ, Marita tamasere wo si malan iko tɛ. Tele rɔ, a si gbɛ iko banda-fin-gbɛ.

Tɔn-Fɔɛ-Fila-Nyɔgɛ 31:26

“Allata tɔn-kitabu kɛ bi ka a sa wota Mari Allata tɔn-kenkirɛ burɔ. Kitabu wo si to sanɛ nyɔ ka ma sereyɛ la wole Isirɛla mɔgɛnu kan ma.

Tɔn-Fɔɛ-Fila-Nyɔgɛ 4:13

A ya a fɔ wo ye wo si ata sarama-kan bira nya min. A ya ata tɔn tan minnu sɛbɛ kuru-walan fila ma, wo ni wonu natɔnbagaya.

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.

Lankɛnimayɛ 15:8

Allata gbiliyɛ anubɛ ata sɛnbɛ ya a Bato-Bɔn lafa ta-sisi la. Mɔgɔ-wo-mɔgɔ ti ke donna a Bato-Bɔn wo la ha melika wɔrɔnfilɛta fitina wɔrɔnfilɛ da ni fa.