1 Mansɛnu 8:63 - ALLALA KUMƐ

⁶³ Mansa Silamɛni ya ninki waga mogan-ni-fila (22,000) anubɛ saga waga kɛmɛ kelen ani saga waga mogan (120,000) ma yisi-kima-sarakɛnu na. Mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

1 Mansɛnu 8:63 ပူးပေါင်းရင်းမြစ်များ

1 Ko-Kɔrɔta-Karan 29:21

Wo banda kɛ, anu ya saraka-siyaman bɔ Mari ye. Wo kɔma, anu ya saraka-soge wo do di mɔgɛnu ma. Anu ya tura waga kelen bi anubɛ saga-yigi waga kelen anubɛ saga-den waga kelen. Anu ya kɛ dama ma saraka-mintantɛ la. Wo kɔma, anu ya nɔnbɔ-gbɔ-yinu ma kɔ-fan la.

2 Ko-Kɔrɔta-Karan 15:11

Anu nara kolo-fan minnu na ka bɔ kɛlɛ rɔ, wo tele nyɛrɛ rɔ, anu ya sarakɛ wonu denu bɔ Mari ye. Anu ya ninki kɛmɛ wɔrɔnfila (700) anubɛ saga waga wɔrɔnfila (7,000) bɔ Mari ye.

2 Ko-Kɔrɔta-Karan 2:4

N bi nala Bato-Bɔn sɔla alako ka nta Mari Alla gbiliya. Nyɔ si ma kan-tina-sɛnimɛ la mabɛ nna mɔgɛnu si a bato kan min. Ma si isɛnti-hakikɛnu mintan nyɔ. Ma si to biredi-sɛnimɛ dila a ma nyɔ fanan. Ma si to saraka-mintantɛnu dila a ma sɔgɔma ani wurɛ la. Sulen-Tele wo, Karɛ-Kurɛ-Ladɛn wo, anubɛ a tele-sɛnima-toenu, ma si to sarakɛ wonu mintanna a ye ka mata Mari Alla gbiliya. Mata Mari Alla ko fɔ ma ni kɛnu ma Isirɛla nyamanɛ rɔ habadan!

2 Ko-Kɔrɔta-Karan 30:24

Mansa Hɛsakaya ya tura waga kelen (1,000) anubɛ saga waga wɔrɔnfila (7,000) labɔ ala nyamanita-mɔgɛnu ye. Ala mɔgɔ-banu ya tura waga kelen (1,000) anubɛ saga waga tan (10,000) sa mansatɛ wo kuma. Saraka-masɔla-wa-siyaman ya anu nyɛrɛ sɛninya iko tɔn ya a fɔ nya min.

2 Ko-Kɔrɔta-Karan 7:4

Wo kɔma, Mansa Silamɛni anubɛ ala nyamanita-mɔgɛnu ya sarakɛnu bɔ Mari ye.

2 Ko-Kɔrɔta-Karan 7:5

Mansa Silamɛni ya ninki waga mogan-ni-fila (22,000) ma sarakɛ la. Wo kɔma, a ya saga waga kɛmɛ ani saga waga mogan (120,000) ma yisi-kima-sarakɛ la fanan. Ale mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

Ɛsira 6:15

Mansa Dariyasila mansayɛ san wɔrɔ nyɔgɛ ma, karɛ min tɔgɛ Adari wo tele sawa nyɔgɛ ma, anu ya Bato-Bɔn wo laban.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Yaburi 30:1

Mari, n si i tanto bawo i wara n nakisi. I ya a ma, n yogenu ma yɛlɛn n ma.

Isikiyɛli 36:38

Bi ma, soe minnu tinyata, wonu na si fa mɔgɛnu na iko Yerusalɛm na si fa saraka-sagɛnu na nya min ladɛn-wati rɔ. Wo kɔma, anu ni to a lɔnna wo le ma ko nde le Mari la.”

Isikiyɛli 45:17

A saraka-mintanta wo, a fui-fen-saraka wo, a minni-saraka wo, mansɛ wo le ye sarakɛ wonu bɔla Isirɛla mumɛ bɛɛ ye. Anu ba anu kundɛn Karɛ-Tele-Fɔlɛ-ladiyɛ rɔ anubɛ Sulen-Tele ma anubɛ ladiyɛ toenu ma, mansɛ wo ye tola sarakɛ wonu bɔla. Wo bɛɛ si ma Isirɛla hakɛ-yamatogon-fan la.

Maika 6:7

Ni ma nara saga waga-siyaman na Mari ye, wo si a hɛnɛ? Ni ma nara tuli la, kurukurun ti min ban, tarali ti min ban, wo si a ma, Mari ni sewa ma la, wa? Ni ma ya mala den fɔlɛnu ma sarakɛnu na Mari ye, wo si a ma, ma hakɛ ma ni koto, wa?”

Yɔni 10:22

Alla-Bato-Bɔn dantɛgɛ-tumɛ ma, wo ladiyɛ kɛra Yerusalɛm dafere-kima-wati le ma nun.