1 Mansɛnu 8:6 - ALLALA KUMƐ

⁶ Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melika wonuna muninyɛ kɔrɔ Sɛnima-Sɛnima-Tinɛ rɔ.

1 Mansɛnu 8:6 ပူးပေါင်းရင်းမြစ်များ

2 Samuwɛli 6:17

Anu ya tɔn-kenkirɛ wo ladon ka a sigi a sigi-tinɛ rɔ fani-bɔn wo la, Mansa Dawuda ya min nadan kenkirɛ wo ye. A ya saraka-mintantɛ anubɛ yisi-kima-sarakɛnu bɔ Mari ye.

2 Samuwɛli 6:2

Mansa Dawuda tara wonu na tɔn-kenkirɛ bi-tinɛ Yirɔm soe burɔ Yuda nyamanɛ rɔ, ado Mari Alla Sɛnbɛ-Bɛɛ-Tigi mayigi-tinɛ le melikala muninya filɛ wonu tɛmɛ la minnu bi tɔn-kenkirɛ wo kuma. Mari tɔgɛ le kenkirɛ wo kuma.

1 Mansɛnu 6:27

Anu ya melika wonu sɔ Sɛnima-Sɛnima-Tinɛ burɔ. Anu kanbannu tafulennɛ ka konko wo kɔnɛ ratɛgɛ. Anu kanban filɛ doi tugura anu nyɔgɔn na bon-kole tɛma.

1 Mansɛnu 8:3

Isirɛla kun-tiginu nara tumɛ min, saraka-masɔlɛnu tara tɔn-kenkirɛ bi tinɛ.

1 Mansɛnu 8:4

Anu ya a bi ka ta a la Mari Bato-Bɔn dafɛ. Lifayi bɔnsɔn-mɔgɛnu anubɛ saraka-masɔlɛnu tara Marita Fani-Bɔn nyɛrɛ bi anubɛ a miran bɛɛsi ka ta anu to Bato-Bɔn la.

1 Mansɛnu 8:7

Anu kanbannu bi tɔn-kenkirɛ anubɛ a bi-kɔlɔmanu kuma.

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

2 Ko-Kɔrɔta-Karan 5:7

Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melikanuna muninyɛ wonu kɔrɔ Sɛnima-Sɛnima-Tinɛ rɔ.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Aiseya 37:16

“E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Isikiyɛli 10:5

Hali mɔgɛ tenbi kata kɔma, i si nima-fan wonu kanban-tagbesi-kan lamɔɛn. A kuman-kan kolo iko Alla Sɛnbɛ-Bɛɛ-Tigi kan.

Isikiyɛli 41:4

A ya bon-burɔ-konko wo suman, a kɔnɛ anubɛ a lɔngbɔn, nunkan-nya mogan-mogan. Bon-burɔ-konko kɛ ye konko-wɛ kɔma. Wo kɔma, a ya a fɔ n ye ko, “Sɛnima-Sɛnima-Tinɛ le yan na.”

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.