1 Mansɛnu 8:58 - ALLALA KUMƐ

⁵⁸ A ni ma dɛnbɛ alako ma yɛ ni to ale la ka ala tɔnnu bira iko a ya a fɔ ma benbanu ye nya min.

1 Mansɛnu 8:58 ပူးပေါင်းရင်းမြစ်များ

1 Mansɛnu 8:59

Alamɛ mata Mari Alla fonde tora nna mataralɛ kɛnu ko burubukai! A ni to mabɛ Isirɛla mɔgɛnu dɛnbɛna ma makoenu na tele-wo-tele.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 119:36

Ita tɔnnu-bira-sɔgɛ ladon n yisi rɔ. Wo fisa n ye nɔnfulu-wa-sɔrɔn ko.

Keninteya-Siginu 1:4

N bi! Ma ni ta ma kun fɛ pon! I ni ma nna mansɛ la ka ta n na i bolo konko la. Ma si ma nyɔgɔn-diya bɔ. Ma ni tunu keninteyɛ rɔ pɔɛ! Ni i diyara musi bɛɛ ye, i kana tɛrɛna wo la.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:45

anu bɔɛ Iyipiti nyamanɛ rɔ. A ye a karanna anu ye tumɛ min, wo ya a taran, anu bi Yorodan bɛ dafɛ Bɛti-Piyɔri soe da kɔrɔ. Dugi kan tinɛ wo ye Amora Mansa Saihɔn le bolo nun. Wo siginɛ Hɛsibɔn soe burɔ nun.

Tɔn-Fɔɛ-Fila-Nyɔgɛ 6:1

Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

Filipai 2:13

Ado nfan, Alla ye wɔlila wole rɔ wati bɛɛ alako a ni diya wo ye ka a sako kɛ, ado a ye sɛnbɛ dila wo ma ka wo ma.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

Yasowa 24:23

Yasowa ya a fɔ anu ye tun ko, “Awa kaka, wo ni wola bɛsɛnu nakɛ a rɔ ka Isirɛlata Mari Alla bato wo yisi bɛɛsi la.”