1 Mansɛnu 8:50 - ALLALA KUMƐ

⁵⁰ E, Mari, i yandi, i ni kinikini ila mɔgɔ-murutiyanɛnu ma. I ni a ma, anu yogenu ni anu bira boloko-nyimɛ-kɛ ka kinikini anu ma fanan

1 Mansɛnu 8:50 ပူးပေါင်းရင်းမြစ်များ

2 Ko-Kɔrɔta-Karan 30:9

Ni wo sɛgira Mari ma, kɛlɛ tara wo na-kelen-nyɔgɛ minnu na, anu si kinikini anu ma ka anu nasɛgi wo ma. Mari Alla fanɛ ko-nyimɛ anubɛ kinikinɛ la. Ni wo nara a ma, a si sɔn wo la ka wo bira tun.”

2 Ko-Kɔrɔta-Karan 33:13

Alla ya ala matarali-kan wo lamɔɛn. A ya a ma, a sɛgira a warɛ Yerusalɛm ka ma mansɛ la tun. Wo ya a yira Mansa Manasa la ko Mari le Alla la.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Yaburi 106:46

A ya a ma, anu tɔrɔyalɛ wonu kinikinita anu ma.

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Bɔ-Koe-Iyipiti 3:21

“N si a ma, wole, nta mɔgɛnu ni gbiliyɛ sɔrɔn Iyipiti kɛnu bolo ka diya anu ye kati! Wo wa wuli bɔla Iyipiti nyamanɛ rɔ tumɛ min, wo bolo-kolɔn ti bɔ nyɔ.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Kɛwɔlɛnu 7:10

Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.