1 Mansɛnu 8:5 - ALLALA KUMƐ

⁵ Wo kɔma, Mansa Silamɛni anubɛ Isirɛla mɔgɛ bɛɛ ladɛnta tɔn-kenkirɛ yarɔ. Anu ya sagɛ anubɛ ninki min nyɔgɛ ma sarakɛ la, anu ma wonu yatɛ lɔn bawo anu siya kati!

1 Mansɛnu 8:5 ပူးပေါင်းရင်းမြစ်များ

2 Samuwɛli 6:13

Tɔn-kenkirɛla dununɛnu ya anu kin-fa-nya wɔrɛ bi min kɛ, Mansa Dawuda ya anu nasɔ. A ya ninki-den-tɔlɔni kelen bi ka wo sa tura kelen kuma sarakayɛ la Mari ye.

1 Mansɛnu 12:32

Mansa Yɛrabowami ya a fɔ ala nyamanita-mɔgɛnu ye ko anu ni ladiyɛ do dabira ka a sanka Yuda mɔgɛnutɛ ma min si kɛ anuna san karɛ segin nyɔgɛ, tele tan-ni-loli ma. Mansa Yɛrabowami nyɛrɛ-nyɛrɛ ya tele wo yabɔ a nyɛrɛ ma ka sarakɛnu bɔ wulɔn. Wo tele nyɛrɛ kenɛ, a ya saraka-masɔlɛnu sigi Bɛtɛli soe burɔ minnu ya sarakɛnu bɔ saraka-bɔ-tinɛ kuma ninki-dannuna muninyɛ wonu ye. A ya ladiyɛ wo dabira Isirɛla mɔgɛnu ye ka le.

1 Ko-Kɔrɔta-Karan 16:1

Mansa Dawuda ya fani-bɔn min sɔ tɔn-kenkirɛ wola ko la, anu tara kenkirɛ wo sigi bɔn wo la. Anu ban wo la, anu ya saraka-mintantɛ anubɛ yisi-kima-sarakɛnu bɔ Alla ye.

2 Ko-Kɔrɔta-Karan 1:6

Anu ya kolo-fan waga kelen (1,000) mintan Bato-Bɔn yarɔ saraka-mintan-tinɛ ka Mari bato.

Yowɛli 1:18

Ninkinu bi wundana bawo bin sa anu bolo anu si min dɔn, ado hali sagɛnu, a gbɛlɛ anu kuma.