1 Mansɛnu 8:37 - ALLALA KUMƐ

³⁷ “Ni kondɔnnu anubɛ tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, ni wo ma, fui-fannu ma wa fɔsɔ ka kɛrin, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kasarɛ, hali kiraya-yogomɛ ni anu tɔrɔ, ni anu ya i matara, i ni anu makoto.

1 Mansɛnu 8:37 ပူးပေါင်းရင်းမြစ်များ

1 Mansɛnu 8:38

Ni min nara bɔn kɛ yakɔrɔ ka nimisa a sɔn-yogomɛla ko la ka a bole sigi san ma bɔn kɛ telen tɔ, i ni wo tigi kan lamɔɛn ka wo makoto bawo ile le kelen pe ya mɔgɔ-burɛ lɔn. A bɛnta, i ni min ma mɔgɛ wo la, i si wo ma.

1 Ko-Kɔrɔta-Karan 21:12

san sawɛ kɔnkɔ-fitinɛ wo, karɛ sawa wo ye wo burila wo yogenu kɔrɔ wo, tele sawɛ kiraya-fitinɛ wo. Ale Allata niyi-bɔ-melika si Isirɛla mɔgɛnu faga tele sawɛ wo kɔrɔ. Mari ko, i miri a kilɛ fɛ. I ni ita bi kɛnu tɔ. N ni ta wo fɔ Mari ye.”

2 Ko-Kɔrɔta-Karan 20:9

Anu ya a lɔn ko kɛlɛ wo, kiraya-fitinɛ wo, kɔnkɔ-fitinɛ wo, anubɛ ni tɔrɔya-wo-tɔrɔya ya anu taran, anu si na anu sɔ Bato-Bɔn kɛ yarɔ ka i matara, i si anuna matarali-kan lamɔɛn ka anu dɛnbɛ.

Yaburi 78:46

A ya kondɔnnu natugu anuna dɔn-fannu kun na. Wonu ya anuna dugi makolonya filili!

Yaburi 91:3

Ale le si i latanka ko-dogonni-masibɛ bɛɛ ma. A si i lakanan saya-kirayɛ bɛɛ ma.

Yɛrɛmaya 32:2

Wo ya a taran, Babilɔn kɛlɛ-dannu bi Yerusalɛm kɛnu kɛlɛla. Anu ya nde, Yɛrɛmaya sa yele la mansɛla bolɔn la kata burɔ Yuda nyamanɛ rɔ.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Hegayi 2:17

Mari nyɛrɛ-nyɛrɛ le ya fɔnyɔ wo lana wola ki-fannu kuma nun ka anu nagbala. Ale le fanan ya banda-kole layigi wola ki-fannu kuma ka anu tinya pɔ! Hali wo, wo ma yɛlɛma ka sɛgi a wara la.

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!