1 Mansɛnu 8:36 - ALLALA KUMƐ

³⁶ i ni wo lamɔɛn san-kole rɔ ka Isirɛla mɔgɛnu makoto. I ni anu nabila ko-nyimɛ-kɛ la anu si to min kɛla. I ya nyamanɛ min di anu ma, i ni bandɛ lana worɔ tun.

1 Mansɛnu 8:36 ပူးပေါင်းရင်းမြစ်များ

1 Mansɛnu 18:1

Bandɛ lanabɛlitaya san sawa nyɔgɛ ma, Mari ya a fɔ ale Nɛbi Ilaya ye ko, “Ta i nyɛrɛ yira Mansa Ehabu la. N si bandɛ lana.”

1 Mansɛnu 18:41

Nɛbi Ilaya ya a fɔ Mansa Ehabu ye tun ko, “Ta fen dɔn ka i min. N bara bandɛ-na-kan lamɔɛn.”

1 Mansɛnu 18:45

A ma mɛ le fan, bandɛ finta digidigi! Fɔnyɔ donta tugula a rɔ, bandɛ nara kati! Mansa Ehabu ya ala kirindi bi. A ya Yɛsɛreli-so-kilɛ bira.

Yaburi 119:133

I kana sɔn, n ni bui iko i wara n yili-madiya nya min. I kana sɔn, hakɛ ni don n kun na.

Yaburi 119:33

Mari, ita tɔnnu kɔrɔ-bɛrɛbɛrɛnu yira n na alako n ni to anu birala burubukai!

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 25:12

Minnu bi ile Marita tɔnnu birala, a si to wonu makaranna alako anu ni ita kilɛ tagama.

Yaburi 25:8

Mari ye hakɛ-tiginu karanna ka anu natelen bawo Mari telennɛ, ado a sɔn kin.

Yaburi 27:11

Mari, a sɔgɛ ye i la, n ni min ma, i ni n karan wo la. N kunyɛ sɔ kan-tina-latankanɛ la bawo n yogenu siya pɔ!

Yaburi 32:8

Mari ko mɔgɛ ye bilala kilɛ min fɛ, a si a karan wo ma. A si a labila ka a makawandi, ado a si a kumafɛlɛn.

Yaburi 5:8

Mari, i ni telenbagaya-kilɛ yira n na ka a tɛgɛ n yogo-siyamɛla ko ma. I ni n dɛnbɛ alako n ni i sako kɛ.

Yaburi 68:10

wo kɔma, ila mɔgɛnu sigira nyɔ rɔ. Ila kinikini le ya a ma, bolo-kolɔnnu ya anu beli-fannu sɔrɔn.

Yaburi 68:9

Dugi magbalata tumɛ min, i ya banda-yi-siyaman nana a kuma

Yaburi 86:11

Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Yaburi 94:12

Mari, ile ya mɔgɛ min nabila, wo sewani de bɛrɛbɛrɛ-wɛ-kɛ, ile ya min karan tɔn ma, kɔni.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 42:3

I ni madiyali kɛ ma ye alako Mari Alla ni ma munanfaga-kilɛ yira ma la.”

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.