1 Mansɛnu 8:34 - ALLALA KUMƐ

³⁴ i ni i wɔlɔ matɔlɔ anu na ka anu makoto anuna hakɛ la. I ya nyamanɛ min di anu benbanu ma, i ni anu nasɛgi nyɔ rɔ tun.

1 Mansɛnu 8:34 ပူးပေါင်းရင်းမြစ်များ

Ko-Dabirɛnu 13:15

I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

1 Mansɛnu 8:33

“Isirɛla mɔgɛnu ba hakɛ kɛ i la tumɛ min, ni wo ya a ma, anu yogenu ni nɔ-ko sɔrɔn anu ma, ni anu nara bɔn kɛ la tumɛ min ka anu famayigi i ye i matara tinɛ anuna hakɛla ko la,

1 Mansɛnu 8:35

“Ni i ya filiyan sɔ kamasɔrɔn ila mɔgɛnu bara hakɛ kɛ i la, ni anu ya anu ya-lamunun kan tinɛ kɛ la ka anu sɔ anuna hakɛ la,

Yaburi 106:46

A ya a ma, anu tɔrɔyalɛ wonu kinikinita anu ma.

Yaburi 106:47

E, mata Mari Alla, ma lakisi. Ma bɔ sibolo-gbɛrɛnu yala, i ni na ma la tun, woletɔ ma si i wɔli-nyimɛ lɔn ka i tɔgɔ-sɛnimɛ tanto.

Yaburi 85:2

I wara ila mɔgɛnu hakɛ makoto. I wara ila mɔgɛnuna ko-yogomɛ bɛɛ yamatogon.

Bɔ-Koe-Iyipiti 6:8

N ya lanyiri kiri nyamanɛ min di-koe rɔ Iburayima anubɛ Isiyaka anubɛ Yakoba ma, n si a ma, anu ni ta anu sigi nyamanɛ wo rɔ. N si nyamanɛ wo ma anu halalɛ la.”

Yɛrɛmaya 31:27

Mari ko wati ye nala, a si Isirɛla anubɛ Yuda nyamanɛnu nafa hadama-dan anubɛ kolo-fannu na.

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Daniyɛli 9:19

E, n tigi, i wɔlɔ matɔlɔ ma la. E, n tigi, ma makoto. E, n tigi, ma makoe kɛnu nyinya. I kana matanbani kɛ woletɔ mɔgɛ bɛɛ si a lɔn ko ile le Alla la, ado i ya a lɔn ko i tɔgɛ ye soe kɛ anubɛ ila mɔgɛnu kuma.”

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Emɔsi 7:2

N ya a yen ko anu bara dɔn-fen-fɛrannu dɔn sa! N ya Alla madiya ko, “I yandi, ila mɔgɛnu makoto. Mɔgɛ kɛnu si ke anu beli-fan sɔrɔnna kama? Fanka sa anu na, ado anu ma siya.”

Tɔn-Fɔɛ-Fila-Nyɔgɛ 30:1

“Wota Mari Alla si wo ranyɛnsɛn wo yogenu tɛma. Hali wo ye tɔrɔyɛ kɛnu tɔ, wo hɛnkili si to wota bi-koe ko duwɛ anubɛ dankɛ tɛma.

Tɔn-Fɔɛ-Fila-Nyɔgɛ 30:4

Hali wo tara duninya-tonko-nanɛ bɛɛ rɔ, wota Mari Alla si wo kundɛn ka na wo la lanyiri-nyamanɛ rɔ.

Yasowa 21:43

Mari ya nyamanɛ wo bɛɛsi di Isirɛla mɔgɛnu ma iko a ya lanyiri kiri anu benbanu ye nya min. Anu tara ka nyamanɛ wo mɔgɛnu kɛlɛ ka anu nɔ. Anu tora nyɔ.