1 Mansɛnu 8:32 - ALLALA KUMƐ

³² E, Mari, i ni i wɔlɔ matɔlɔ san-kole rɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko ala hakɛ ye nya min ka tonya-tigi wo yo sa iko ata yoe ye nya min.

1 Mansɛnu 8:32 ပူးပေါင်းရင်းမြစ်များ

2 Samuwɛli 22:21

“Mari ya n sara nta telenbagayɛla ko la. A ara ata duwɛ layigi n kuma bawo fɛɛ sa n na.

1 Mansɛnu 2:32

Mari si dunɛ wo sigi Yohabu kuma bawo a ya mɔgɔ-telenni fila faga, Nɛrila den Abina anubɛ Yɛtala den Amasa, kɔni. (Isirɛla mɔgɛnuna kɛlɛ-den-kunyɛ le Abina kɛ la nun. Yudala mɔgɛnuna kɛlɛ-den-kunyɛ le Amasa kɛ la nun.) N fa ma ko lɔn kɛnu faga-koe rɔ, ado mɔgɔ filɛ kɛnu fisa Yohabu ko.

1 Mansɛnu 2:33

Woletɔ dunɛ wo si to sigila Yohabu anubɛ ala kebilɛ kuma habadan! Kɔnɔ Mansa Dawuda anubɛ ata kebilɛ minnu bi sigila a gbɛ rɔ, wonu si to yisi-kimɛ sɔrɔnna Mari bolo habadan!”

Ɛsita 9:25

Wo kɔma, Ɛsita tara mansɛ taran. A ya sereya do sɛbɛ. Heman ya gbɛrɛ min nasigi Yahudiyanu ye, anubɛ ala dannu birara wo le la ka anu dun mɔgɔ dun tinɛ wo la, a nyɛrɛ ya min nadan ala bɔn dafɛ.

Yaburi 18:25

Ni min ya a telen Mari ye, Mari si a telen wo tigi ye. Fɛɛ sa mɔgɔ min na, ale si ko-nyimɛ le dɔrɔn kɛ wo ye.

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Bɔ-Koe-Iyipiti 23:7

Mɔgɔ kana tɔgɛ sa a ta-nyɔgɛ la. Wo kana mɔgɔ-magbalanɛnu faga. Ni min ya wo sufa ma, nde, Mari si wo tigi yiliki.

Bɔ-Koe-Iyipiti 34:7

N si nta nyimayɛ yira mɔgɔ waga siyaman na. N si mɔgɛnu makoto anuna hakɛ-yogomɛnu na. Hakɛ-tigi minnu si anu ban n na, n si wonu tɔrɔ. Hali anuna dannu ha ka ta a sigi anu tolo-birɛnu na anubɛ anu tolo-bira-sɔɛnu, n si wonu fanan tɔrɔ.”

Hɛnkilimaya-Kumɛnu 1:31

Woletɔ wo ara yili min sɔ wo nyɛrɛ la, wo ye saganna wo le la. Wo si wola ko-yogomɛnu gberela-yi min.

Hɛnkilimaya-Kumɛnu 17:15

Ka yo-tigi yiliki anubɛ ka mɔgɔ-yilikinɛ boloka, wo fenfen ma di Mari ye.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Isikiyɛli 18:20

Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Yilan-Yilan Koe 5:27

Ni a ya yɛlɛnyɛ kɛ, yi-dankanɛ wo si ma dumɛ la a burɔ. Wo kɔma, karɛ la ti to a la. A si ma dankatoe la ala mɔgɛnu tɛma.

Romu 2:13

Ka tɔn-kitabu wara-koe lamɔɛn dɔrɔn, wo ti mɔgɔ latelen Alla ye. Kɔnɔ ka ata tɔn-kitabu bira, wo le si mɔgɔ latelen Alla ya la.

Romu 7:9

Yanni n ni tɔn wara-koe lamɔɛn, n bi n niyi la nun. Kɔnɔ n ya tonyɛ lɔn tumɛ min, hakɛ wulita n yisi rɔ ha n fagara,

Tɔn-Fɔɛ-Fila-Nyɔgɛ 25:1

“Ni Isirɛla mɔgɔ fila sɔsɔra, anu si ta kiti-tɛgɛlɛnu bara. Ni kiti-tɛgɛlɛnu ya kumɛ wo mafɛlɛn, mɔgɔ kelan yo, mɔgɔ kelan yiliki,

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.