1 Mansɛnu 8:26 - ALLALA KUMƐ

²⁶ Woletɔ Isirɛlata Mari Alla, ila kumɛ bɛɛsi ni bɔ a la iko i ya a fɔ n fa Dawuda ye nya min nun.

1 Mansɛnu 8:26 ပူးပေါင်းရင်းမြစ်များ

1 Mansɛnu 8:23

A ya Alla matara, a ko, “E, Isirɛlata Mari Alla, i nyɔgɔn sa san-kole anubɛ dugu-kole rɔ! Mɔgɛ minnu bi tagamana ila kilɛ fɛ anu yisi gbɛnɛ la, i ye ila lanyiri latɔnbagayala anu ye ka ila keninteyɛ yira anu na.

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

1 Ko-Kɔrɔta-Karan 17:23

“Nba, Mari Alla, a sɔgɛ ye n na, i ni ila sarama-kan latɔnbagaya mabɛ n kegeyɛnu ye iko i wara a fɔ nya min nun.

2 Ko-Kɔrɔta-Karan 1:9

E, Mari Alla, i ya lanyiri min kiri n fa ye nun, alamɛ wo kanbalita. I wara n ma mansɛ la mɔgɛ minnu kuma, wonu siya ha n ma anu dan-natɛgɛ lɔn.

Yaburi 119:38

Ila lanyiri latɔnbagaya nde, ila wɔli-kɛlɛ ye. I ya ila sereya-biralɛnu yili-madiya min na, wo le kɛ la.

Yaburi 119:49

I miri, i wara nde, ita wɔli-kɛlɛ yili-madiya min kɛ. Yili-madiyɛ wo le ya a ma, n yigi sara i kuma.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Bɔ-Koe-Iyipiti 24:10

Anu ya anuta Alla yen. Alla sɔra kan min, anu ya nyɔ fanan yen, a matɛgɛnɛ iko safaira. Safaira wo, kuru-da-gbɛlɛ do le wo la min matɛgɛnɛ iko san-kolo-bilolamɛ.

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Aiseya 45:3

Mari ko fen-kolomɛ minnu dogonnɛ pinpi rɔ, a si wonu di a ma. Wo kɔma, ale si a lɔn ko Mari le Mari la. A si a lɔn fanan ko Isirɛlata Alla ya a sereka-tɔgɛ rakele.

Yɛrɛmaya 11:5

A ko wo si a ma, ale fanan ni a waralɛ latɔnbagaya min kirinɛ ma benbanu ye. A si nyamani-hakikɛ di anu ma, ki-fannu si nanfa kan min kubukubu, ado ma ye nyɔ le kɛ la kaka. Nde, Yɛrɛmaya ko, “Mari, ale le wo la.”

1 Samuwɛli 1:17

Ilayi ko, “Ta. I ni i yisi-kimɛ. I wara Isirɛlata Alla matara min na, alamɛ a ya wo di i ma.”