1 Mansɛnu 8:1 - ALLALA KUMƐ

¹ Wo kɔma, Mansa Silamɛni ya Isirɛla mɔgɛnuna kun-tigi damasi kele kan-tina-kelen. A bɔnsɔn-kun-tigi wo, a kebila-kun-tigi wo, a ya wo bɛɛsi kele Yerusalɛm soe burɔ. Mansa Silamɛni ya anu kele alako anu ni ta tɔn-kenkirɛ bi a fa Dawuda halala-soe burɔ min tɔgɛ Sayɔn ka ta a to Mari Bato-Bɔn la.

1 Mansɛnu 8:1 ပူးပေါင်းရင်းမြစ်များ

2 Samuwɛli 6:6

Anu ke Nɛkɔnna gbere-kole ma, sara-ninki minnu bi kirindi wo saganna, wonu ya anu kian latugu. Yusa ya a bole lata ka a tugu tɔn-kenkirɛ la alako a la ni telen.

1 Mansɛnu 2:10

Wo kɔma, Mansa Dawuda ya so-sɛgi-kɛ. Anu ya a togon a halala-luyi ma Yerusalɛm soe burɔ.

1 Mansɛnu 3:15

Nba, Mansa Silamɛni kundenta. A ya a fɔ ko, “Yaga, n bi kiyo le la nun!” A tara Yerusalɛm ka a sɔ tɔn-kenkirɛ yarɔ Marila tɔnnu bi min tɔ. A ya saraka-mintantɛnu bɔ Mari ye anubɛ yisi-kima-sarakɛnu. A ya ladiyɛ ladan ka ata mɔgɔ-banu kele ladiyɛ wo rɔ.

1 Ko-Kɔrɔta-Karan 11:7

Dawuda nara sigi nyɔ min kɛ, anu ya nyɔ kele ko Dawuda halala-luyi.

1 Ko-Kɔrɔta-Karan 15:25

Mansa Dawuda anubɛ Isirɛla mɔgɔ-banu anubɛ ala kɛlɛ-den-kunyɛnu tara Obɛdi-Idɔmla bɔn la Marita tɔn-kenkirɛ bi tinɛ. Anu ya tolon-belebele kɛ a rɔ.

1 Ko-Kɔrɔta-Karan 15:29

Anu ya anu kun nabɔ soe ma tumɛ min, Mansa Sɔlila dunmusi Makali min tora Dawuda ye, wo ya a yɛ labɔ wundan la. A ya mansɛ sewamatoe yen nala a dɔnna a sɛbɛ-kuna-wɛ la. A bɔrɔbɔra a ye.

1 Ko-Kɔrɔta-Karan 15:3

Mansa Dawuda ya Isirɛla mɔgɛ damasi kele Yerusalɛm soe burɔ alako ka ta tɔn-kenkirɛ bi ka na a sigi kan tinɛ wo rɔ a ya min tabɛn ala ko la.

1 Ko-Kɔrɔta-Karan 28:1

Mansa Dawuda ya kilayɛ lata Isirɛla mɔgɔ-ba damasi ma ka anu kele Yerusalɛm soe burɔ. A bɔnsɔn-kun-tigi wo, a kebila-kun-tigi wo, a kɛlɛ-den-kun wo, ala fen-makandanna wo, a kurugba wo, mansɛla-fen-namarala wo, anu damasi kundɛnta Yerusalɛm soe burɔ.

2 Ko-Kɔrɔta-Karan 30:1

Isirɛla mɔgɛnu ma ke Kanan-Ko-Ladiyɛ kɛla a wati-latɛgɛnɛ rɔ san wo karɛ fɔlɛ ma bawo saraka-masɔlɛ minnu sɛninyanɛ, wonu ma siya wo wati rɔ, ado mɔgɔ-siyaman ma na wɛ Yerusalɛm soe burɔ wo tumɛ. Mansɛ anubɛ ala mɔgɔ-banu anubɛ Yerusalɛm kɛnu sɔnta ka saraka-bɔɛ wo to san wo karɛ fila nyɔgɛ la. Mansɛ ya kilayɛnu tanyɛnsɛn Isirɛla anubɛ Yuda nyamanɛ bɛɛ rɔ. A ya kɛdi sɛbɛ Isirɛla nyamanita-mɔgɛ bɛɛ ma katarala Ifɛrɛm anubɛ Manasa bɔnsɔn-mɔgɛnu ma alako ka anu kele ladɛn wo kuma. Anu bi ladɛn wo kɛla alako ka anuta Mari Alla gbiliya.

Ɛsira 3:1

Anu sɛgira san min na, wo karɛ wɔrɔnfila nyɔgɛ ya a taran, Isirɛla mɔgɛnu bara ban anu sigi-bole rabɛnna. Wo kɔma, Isirɛla mɔgɛ bɛɛ ya anu kundɛn Yerusalɛm soe burɔ.

Yaburi 102:21

A ya wo ma le alako wonu ni to a wara-koe fɔla Yerusalɛm soe burɔ. Wonu si to a matɔgɔla nyɔ.

Yaburi 9:11

Mata Mari min bi mansayɛ kɛla Yerusalɛm ata kɔnkɔ-sɛnimɛ kuma, ma ni a tanto-bɛtinu bɔ. A ara koe minnu ma, ma ni wo fɔ sibole bɛɛ ye duninya rɔ.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Yilan-Yilan Koe 1:4

Wo ni mɔgɔ-ba kelen-kelennamɛ-bɛɛ kele ka bɔ bɔnsɔn tan-ni-filɛ bɛɛ rɔ alako anu ni wobɛ Aruna dɛnbɛ mɔgɛnu danna.

Yasowa 23:2

Yasowa ya Isirɛla mɔgɛ bɛɛsi kele, a mɔgɔ-ba wo, a kun-tigi wo, a kiti-tɛgɛla wo. A ya a fɔ anu ye ko,

Yasowa 24:1

Yasowa ya Isirɛla bɔnsɔn bɛɛsi kele Sɛkɛm soe rɔ, katarala a kina wo, a mɔgɔ-ba wo, a kun-tigi wo, anubɛ a kiti-tɛgɛlɛnu ma. Wonu dama nara anu sɔ anu nyɔgɔn fɛ Marila Bɔn yakɔrɔ.

1 Pita 2:6

ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”