1 Mansɛnu 7:50 - ALLALA KUMƐ

⁵⁰ Wo kɔma, a ya yi-lafɛnu anubɛ lɛnpu-ladufen-fannu nadan anubɛ yi-bi-mirannu. A ya isɛnti-bi-fannu anubɛ ta-kɔ-mirannu nadan. A ya Sɛnima-Sɛnima-Tinɛ dɛ-bira-fannu anubɛ a da-wɛ-bira-fannu nadan. Wo bɛɛ ladanta sɛnɛ la.

1 Mansɛnu 7:50 ပူးပေါင်းရင်းမြစ်များ

2 Mansɛnu 12:13

Kɔnɔ anu ti wodi wo don fenfen tɔ min nadannɛ sɛnɛ anubɛ wodi-gbɛ la iko yi-lafɛ wo, ta-ladufen-fan wo, miran wo anubɛ burinu.

2 Mansɛnu 25:15

Miran minnu nadannɛ sɛnɛ anubɛ wodi-gbɛ la, a ta-kɔ-miran wo, anubɛ a daganɛnu wo, anu tara wonu fanan na.

Bɔ-Koe-Iyipiti 25:29

Wo ni sɛnɛ do bi ka a ladan piletinu na anubɛ yi-lafɛnu anubɛ panɛnu, wo si minni-sarakɛ kɛ minnu tɔ.

Bɔ-Koe-Iyipiti 25:38

Wo ni lɛnpu wo saraba-tɛgɛ-fannu nadan sɛnɛ la anubɛ a pani-talɛɛnɛnu.

Bɔ-Koe-Iyipiti 27:3

Wo ni saraka-mintan-tinɛ wo fɛ-miran bɛɛsi ladan silɛɛ la, a bugura-makɔ-fen wo, a sɔbulu wo, a yele-purupuru-miran wo, a sogo-sɔgɔ-fen wo, anubɛ a ta-kɔ-miran.

Yɛrɛmaya 52:19

Miran minnu nadannɛ sɛnɛ anubɛ wodi-gbɛ la, a yi-kɛ-fen wo, a ta-kɔ-miran wo, a yele-purupuru-miran wo, a bugura-makɔ-fen wo, a lɛnpu-sigi-fen wo, a isɛnti-mintan-fen wo, a yi-lafɛnu, anu tara wonu fanan na.

Isikiyɛli 41:4

A ya bon-burɔ-konko wo suman, a kɔnɛ anubɛ a lɔngbɔn, nunkan-nya mogan-mogan. Bon-burɔ-konko kɛ ye konko-wɛ kɔma. Wo kɔma, a ya a fɔ n ye ko, “Sɛnima-Sɛnima-Tinɛ le yan na.”

Saraka-Masɔlɛnuta Tɔnnu 16:12

a si ta-wɔlɔn do bi ka bɔ saraka-mintan-tinɛ rɔ. Wo kɔma, a si isɛnti-munke bolo-nya fila bi anubɛ ta-wɔlɔn wo ka ta anu na Sɛnima-Sɛnima-Tinɛ rɔ.

Sakaraya 14:20

Wo wati rɔ, hali soeenu kanna-tɛlan, anu si a sɛbɛ tɛlan wonu ma ko, “Dantɛgɛnɛ Mari Ma.” Hali fen-te-daga minnu bi Bato-Bɔn la, wonu sɛninyanɛ si taran iko saraka-mintan-tinɛ mirannu bi nya min.