1 Mansɛnu 7:45 - ALLALA KUMƐ

⁴⁵ Wo kɔma, a ya dagɛnu anubɛ bugura-makɔ-fannu anubɛ yi-bi-miran-mɛsɛ donu nadan. Huram ya miran min bɛɛ ladan Mansa Silamɛni ye Mari Bato-Bɔnla ko la, wo bɛɛ ladannɛ silɛɛ le tɔ. Wo bɛɛ manunkunɛ pinapina!

1 Mansɛnu 7:45 ပူးပေါင်းရင်းမြစ်များ

2 Mansɛnu 25:14

Mari Bato-Bon-miran min bɛɛsi ladannɛ silɛɛ la, a sɔbulu wo, a bugura-makɔ-fen wo, a saraba-tɛgɛ-fen wo, a yele-bira-fen wo, a isɛnti-mintan-fen wo, anu tara wo dama la.

Bɔ-Koe-Iyipiti 27:3

Wo ni saraka-mintan-tinɛ wo fɛ-miran bɛɛsi ladan silɛɛ la, a bugura-makɔ-fen wo, a sɔbulu wo, a yele-purupuru-miran wo, a sogo-sɔgɔ-fen wo, anubɛ a ta-kɔ-miran.

Bɔ-Koe-Iyipiti 38:3

A ya saraka-mintan-tinɛ wo fɛ-miran bɛɛsi ladan silɛɛ la, bugura-makɔ-fannu wo, sɔbulunu wo, yele-purupuru-mirannu wo, sogo-sɔgɔ-lunyɛnu wo, anubɛ ta-kɔ-mirannu.

Yɛrɛmaya 52:18

Mari Bato-Bon-miran min bɛɛsi ladannɛ silɛɛ la, a sɔbulu wo, a bugura-makɔ-fen wo, a saraba-tɛgɛ-fen wo, a yele-purupuru-miran wo, a isɛnti-mintan-fen wo, anu tara wo dama la.

Saraka-Masɔlɛnuta Tɔnnu 8:31

Musa ya a fɔ Aruna anubɛ ala den-keminɛnu ye ko, “Wo ni saga-yigi kɛ soge bi ka ta a la Marita Fani-Bon-dɛ la. Wo wa ban a tela nyɔ, wo si biredi wo bi min bi sende wo rɔ ka anubɛ wo dɔn anu nyɔgɔn fɛ. Tɔn le kɛ la Mari ya min fɔ.

Sakaraya 14:21

Dagɛ min bɛɛsi ye Yuda anubɛ Yerusalɛm, dagɛ wonu dantɛgɛnɛ si to Mari Sɛnbɛ-Bɛɛ-Tigi ma. Saraka-bɔlɛnu si dagɛ kɛnu ma saraka sogo-te-fan la. Wo wati wa ke, yila-wo-yila ti taran Mari Sɛnbɛ-Bɛɛ-Tigi Bato-Bɔn la.