1 Mansɛnu 7:25 - ALLALA KUMƐ

²⁵ Wo kɔma, a ya tura tan-ni-filala muninyɛ ladan ka yi-sigi-kunan wo sigi wonu kuma. Wonu fanan nadanta silɛɛ le la. Tura sawa wonu yɛ lamununnɛ kantɔ-waralɛ la. Sawɛ doi fanan yɛ lamununnɛ tele-yigi waralɛ la. Sawɛ doi fanan yɛ lamununnɛ dugula waralɛ la. Sawɛ doi yɛ lamununnɛ tele-bɔɛ waralɛ la. Anu kan-kɔ sɔnɛ anu nyɔgɔn na yi-sigi-kunan wo kɔrɔ.

1 Mansɛnu 7:25 ပူးပေါင်းရင်းမြစ်များ

1 Mansɛnu 7:26

Yi-sigi-kunan wo da-gbengbe si bira kelen bɔ. Huram ya a da-gbole ladan iko yi-lafɛ. A da-gbole firɔnnɛ iko yi-yawore-fere dɛ firɔnnɛ ye nya min. Yi-durɔmu-nya kɛmɛ fila si kun a rɔ.

1 Mansɛnu 7:44

A ya tura tan-ni-filala muninyɛ ladan anubɛ yi-sigi-kunan-kinama kelen min bi sigila turɛ wonu kuma.

2 Mansɛnu 16:17

Mansa Ehasi ya yi-sigi-kunannu bɔ anu sigi-kenkirɛnu kuma ka kenkirɛ wonu wayan. Wo kɔma, a ya sila-kunan-belebele-wɛ bɔ tura tan-ni-filala muninyɛ kuma minnu nadannɛ silɛɛ la. A ya kunan-belebele wo sigi kurinu denu kuma.

Yɛrɛmaya 52:20

Mansa Silamɛni ya fan minnu nadan silɛɛ la wo, a sɛnbɛrɛn-kɔn filɛ wo, a yi-sigi-kenkirɛ wo, a yi-sigi-kunan wo, anubɛ kunan-wɛ wo siginɛ tura tan-ni-fila minnu kuma wo, wonu gbili ha mɔgɔ ti anuna gbiliyɛ dan lɔn.

Isikiyɛli 1:10

Anu yakɔrɔ nanɛ kɛnu, anu yarɔtɛ, hadama-den-yakɔrɛ le wo la. Anu bolo-nyimɛ waralɛ, yara-yakɔrɛ le wo la. Anu bolo-maran waralɛ, tura-yakɔrɛ le wo la. Anu kɔmɛ, kokɛ-yakɔrɛ le wo la.

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

1 Kɔrɛnti 9:9

Ma ara a karan Nɛbi Musala tɔn rɔ ko, “Sara-ninki tenbi fui-fan tɛnna, i kana a dɛ makiri.” Wo ma a yen Alla hɔnnɛ sara-ninkinu na nya min?