1 Mansɛnu 7:15 - ALLALA KUMƐ

¹⁵ Huram ya sɛnbɛrɛn-kɔn fila ladan silɛɛ la. Wo kelen-kelen yanyɛ ya nunkan-nya tan-ni-segin bɔ. Ala minɛ ya bolo-bira-nya bi-sawa ani wɔrɔ bɔ.

1 Mansɛnu 7:15 ပူးပေါင်းရင်းမြစ်များ

1 Mansɛnu 7:16

A ya sɛnbɛrɛn-kɔn filɛ kɛnu kun-tɛma-sorenu nadan silɛɛ la. Anu kun-tɛma-sore wonuna yanyɛ, nunkan-nya loli-loli.

1 Mansɛnu 7:21

A ya sɛnbɛrɛn-kɔn filɛ wonu sɔ Bato-Bɔn dandan-kɔrɛ tɔnkɔn filɛ bɛɛ rɔ. Sɛnbɛrɛn-kɔn min bi dugula wara la, anu ya wo tɔgɔ sa “Allata Fanka.” Doi min bi kantɔ-wara la, anu ya wo tɔgɔ sa “Allata Sɛnbɛ.”

1 Mansɛnu 7:41

Huram ya min bɛɛ ladan, wo le kɛnu na. A ya sɛnbɛrɛn-kɔn fila anubɛ anu kun-tɛma-sorenu nadan.

2 Mansɛnu 25:13

Mari Bato-Bɔn sɛnbɛrɛn-kɔn minnu nadannɛ silɛɛ la wo, kenkirɛ minnu nadannɛ silɛɛ la wo, yi-sigi-kunan min nadannɛ silɛɛ la wo, Babilɔn kɛlɛ-dannu ya wonu tinya ka ta silɛɛ wonu na anu bolo.

1 Ko-Kɔrɔta-Karan 18:8

Wo kɔma, Tebahati soe anubɛ Kuni soe minnu bi Mansa Hadadisa kɔrɔ, Mansa Dawuda ya sila-siyaman bi nyɔ-mɔgɛnu bolo. (Yarɔma, Mansa Silamɛni si silɛɛ kɛnu ma yi-sigi-kunan anubɛ sɛnbɛrɛn-kɔn anubɛ miran donu na Alla Bato-Bɔnla ko la.)

Yɛrɛmaya 27:19

Babilɔn Mansa Nɛbukanasa tara Yahoyakimna den Yuda Mansa Yɛhoyasin na Babilɔn tumɛ min, anubɛ Yuda anubɛ Yerusalɛm mɔgɔ-banu, a ya Bato-Bon-miran donu to a kɔma, anubɛ bolon-miran donu anubɛ Yerusalɛm fen-kolomɛ donu. Wo donu denu bi a sɛnbɛrɛn-kɔnnu wo, a sila-yi-sigi-kunan-wɛ wo, a yi-sigi-kunan sigi-kenkirɛnu wo, anubɛ a Bato-Bon-miran donu, a ya wonu to a kɔma Yerusalɛm.

Yɛrɛmaya 52:13

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Yɛrɛmaya 52:17

Mari Bato-Bon-sɛnbɛrɛn-kɔn minnu nadannɛ silɛɛ la wo, kenkirɛ minnu nadannɛ silɛɛ la wo, yi-sigi-kunan min nadannɛ silɛɛ la wo, Babilɔn kɛlɛ-dannu ya wonu tinya ka ta silɛɛ wonu na anu bolo.

Yɛrɛmaya 52:21

Sɛnbɛrɛn-kɔn wonu takɛn. Anuna yanyɛ ya nunkan-nya tan-ni-segin tan-ni-segin bɔ. Sɛnbɛrɛn-kɔn wonu kunna-sɛnu latugunnɛ anu na. Anuna minɛ mara nunkan-nya tan-ni-fila tan-ni-fila. Anu burɔ takolɔn, ado wo silɛɛ min bi a ma, wo da-gbengbe mara sibiri talɛ la. Kunna-sɛ wonuna yanyɛ nunkan-nya loli-loli. Kunna-sɛ wonu nafoonɛ sila-yalɛnu na. Kɔn-gbɔɛ min tɔgɛ pamakarani, anu ya wola muninyɛ ladan silɛɛ la. Wonu tugunnɛ kunna-sɛ wonu na.

Isikiyɛli 40:49

Dandan-kɔrɛ wo lɔngbɔn bɛnta nunkan-nya mogan ma. Wo kɔnɛ bɛnta nunkan-nya tan-ni-fila ma. Yɛlɛdɛ ya a labila dandan-kɔrɛ ma. Sɛnbɛrɛn-kɔn fila sɔnɛ don-da-wɛ wo la.