1 Mansɛnu 6:7 - ALLALA KUMƐ

⁷ Anu ya bɔn sɔ kuru-kundi minnu na, anu ya wonu malɛsɛ anu bɔra kan min, alako mɔgɔ kana kuri-malɛsɛ-kan lamɔɛn bɔn sɔ tinɛ rɔ.

1 Mansɛnu 6:7 ပူးပေါင်းရင်းမြစ်များ

1 Mansɛnu 6:6

Konko kɔrɔtɛ wonu kɔnɛ, nunkan-nya loli, konko tɛmatɛ, nunkan-nya wɔrɔ, konko-kumatɛ, nunkan-nya wɔrɔnfila. Anu ya Bato-Bɔn nyɛrɛ dandan ladɔgɔya tala san ma, alako konko wonu si tugun Bato-Bɔn la nya min. Anu ma konko wonu kundulasɛnu don Bato-Bɔn dandan rɔ fɔ ka anu sa dandan wo ma.

1 Mansɛnu 6:8

Konko wonu kɔrɔtɛ bonda-dɛ tora Bato-Bɔn dugula wara la. Anu ya yɛlɛ tinɛ ladan ka bɔ konko wonu kɔrɔtɛ ma ha ka ta ke a kumatɛ ma.

Bɔ-Koe-Iyipiti 20:25

Kɔnɔ anu ba wuli saraka-mintan-tinɛ kɛ sufa sɔla n ye kuri la tumɛ min, anu kana kuru-malɛsɛnɛnu bi ka anu ma a sɔ-fan la. Ni anu ya a lɛsɛ numuya-miran la, anu bara kuri wonu kɔsɔ.

Hɛnkilimaya-Kumɛnu 24:27

Yanni mɔgɛ ni bɔn sɔ, sɛnɛ fɔlɔn sa.

Aiseya 42:2

A ti seren-seren mɔgɛ ma, ado a ti kuma a yisi ma. A ti nyɛɛ nyama ma barɛ rɔ.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

2 Kɔrɛnti 5:5

Alla ara ma rabɛn mayɛlɛma-koe kɛ la. A ara ala Ni-Sɛnimɛ di ma ma alako ma ni a lɔn bɛrɛbɛrɛ-wɛ-kɛ ko a ara fan kɛnu bɛɛ rabɛn malela ko la.

Kɔlɔsi 1:12

ye baraka birala n Fa Alla ye sewɛ rɔ. A ara ko-rabɛn-kɛ ko wo ni wotɛ sɔrɔn min maranɛ ala mɔgɛnu ye, ado wo siginɛ ata mansaya-waan kɔrɔ.

Yemesi 1:20

ado mɔgɔta diminyɛ ti Allala telenbagayɛ labɔ gbɛ ma iko a ya a latɛgɛ nya min.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,