1 Mansɛnu 6:5 - ALLALA KUMƐ

⁵ A ya konkonɛnu tugun bon-kinamɛ tɔnkɔn sawɛ ma tala. Konko wonu sɔnɛ ye tala anu nyɔgɔn kuma sawa-sawayɛ ma.

1 Mansɛnu 6:5 ပူးပေါင်းရင်းမြစ်များ

1 Mansɛnu 6:31

Anu ya Sɛnima-Sɛnima-Tinɛ wo kankan filɛ ladan iko sɔpu dɛ ka anu kun tɛmɛ lamosɔ. Anu ya wonu nadan ɔlifi fɛrɛn-hakikɛnu na.

1 Mansɛnu 6:6

Konko kɔrɔtɛ wonu kɔnɛ, nunkan-nya loli, konko tɛmatɛ, nunkan-nya wɔrɔ, konko-kumatɛ, nunkan-nya wɔrɔnfila. Anu ya Bato-Bɔn nyɛrɛ dandan ladɔgɔya tala san ma, alako konko wonu si tugun Bato-Bɔn la nya min. Anu ma konko wonu kundulasɛnu don Bato-Bɔn dandan rɔ fɔ ka anu sa dandan wo ma.

1 Ko-Kɔrɔta-Karan 23:28

Donu si to Aruna kegeyɛnu dɛnbɛna saraka-masɔ-wɔlɛ la. Anu si Bɔn wonubɛ a fɛ le sɛninya woletɔ ni fan minnu sɛninyanɛ, wonu ti kɔsɔ iko tɔn ya a fɔ nya min.

1 Ko-Kɔrɔta-Karan 28:11

Mansa Dawuda ya Bato-Bɔn sɔ-bole yira ala den Silamɛni na. A fen namara tina wo, a konko wo, katarala Sɛnima-Sɛnima-Tinɛ ma, hakɛ yama si togon kan min.

1 Ko-Kɔrɔta-Karan 9:26

Kun-tigi nanɛ minnu bi makandannɛ kɛnu kuma, Lifayi le wonu na. Wonu denu bi Bato-Bon-konkonu fɛ-birala anubɛ fan minnu namaranɛ nyɔ.

2 Ko-Kɔrɔta-Karan 31:11

Anu ya dɔn-fen namara tinɛnu nadan Bato-Bɔn burɔ iko mansɛ ya a fɔ anu ye nya min.

2 Ko-Kɔrɔta-Karan 4:20

Lɛnpu anubɛ a sigi-fan nadannɛ sɛnɛ la. Wonu bi malanna Sɛnima-Sɛnima-Tinɛ wara la iko a fɔnɛ a ye nya min.

2 Ko-Kɔrɔta-Karan 5:7

Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melikanuna muninyɛ wonu kɔrɔ Sɛnima-Sɛnima-Tinɛ rɔ.

2 Ko-Kɔrɔta-Karan 5:9

Mɔgɛ tenbi bɔn don-dɛ wo burɔ, a si a bi-kɔlɔma wonu sungban yen Sɛnima-Sɛnima-Tinɛ rɔ bawo anu yan. Kɔnɔ ni mɔgɛ ye luyi ma, a ti ke anu yenna. (Ha bi, wonu bi nyɔ.)

Nihɛmaya 10:37

Ma si na mala dɔn-fen kun-fɔlɛ dɛgɛ-munkenu na saraka-masɔlɛnu bara. Wo kɔma, ma si ta minni-fen-sarakɛnu anubɛ tuli anubɛ kɔn-gbɔ-su bɛɛ la saraka-masɔlɛnu bara. Ma si mala yakanu bi mala togodɛnu na ka ta anu to Lifayinu ma minnu si yaka makele mala sɛnɛnu tɔ.

Nihɛmaya 12:44

Anu bi yakanu namarala Bato-Bon-konko minnu na, a fui-fen wo, a ki-fen wo, anu ya mɔgɛ donu sigi wonu kun na. Wonuta wɔlɛ ma fenfen na fɔ ka yakanu makele mɔgɛnu bolo saraka-masɔlɛnu anubɛ Lifayinu ye sɛnɛnu tɔ soenu dafɛ iko tɔn ya a fɔ nya min. Yuda nyamanita-mɔgɛnu sewara saraka-masɔlɛnu anubɛ Lifayinu na

Yaburi 28:2

N tenbi dila i dala n dɛnbɛn-koe rɔ, i ni a lamɔɛn. N ba n bole rasagan san ma i madiya tinɛ ita Bato-Bon-sɛnimɛ wara la, i ni nna madiyali-kan lamɔɛn.

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Keninteya-Siginu 1:4

N bi! Ma ni ta ma kun fɛ pon! I ni ma nna mansɛ la ka ta n na i bolo konko la. Ma si ma nyɔgɔn-diya bɔ. Ma ni tunu keninteyɛ rɔ pɔɛ! Ni i diyara musi bɛɛ ye, i kana tɛrɛna wo la.

Yɛrɛmaya 35:2

A ko n ni ta kuma Rɛkabu kebilɛ ye. N ni anu bi ka ta anu na Bato-Bon-konko do la ka nɔnbɔ-gbɔ-yi di anu ma.

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Isikiyɛli 40:17

Kei wo ya n nabɔ tele-bɔɛ tenbi-bolɔn wara la ka ta n na kata burɔ. Konko bi-sawa ye kata wo burɔ. Kurinu sanɛ konko bi-sawɛ wonu yarɔ kilɛ ma tala.

Isikiyɛli 40:44

Wo kɔma, a tara n na Bato-Bon-luyi ma. Bon-ni fila sɔnɛ Bato-Bon-luyi ma nyɔ. Kelen sɔnɛ kantɔ-don-dɛ wara la, a yɛ lamununnɛ dugu la. Kelen sɔnɛ dugula don-dɛ wara la, a yɛ lamununnɛ kantɔɛ la.

Isikiyɛli 41:4

A ya bon-burɔ-konko wo suman, a kɔnɛ anubɛ a lɔngbɔn, nunkan-nya mogan-mogan. Bon-burɔ-konko kɛ ye konko-wɛ kɔma. Wo kɔma, a ya a fɔ n ye ko, “Sɛnima-Sɛnima-Tinɛ le yan na.”

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.