1 Mansɛnu 6:29 - ALLALA KUMƐ

²⁹ Melika wo, tin-kuri wo, kɔn-fere wo, anu ya wonuna muninyɛ ladan dandan ma. Anu ya mɔlɔnɛ wo damasi ladan Bato-Bon-burɛ wo dandan damasi ma.

1 Mansɛnu 6:29 ပူးပေါင်းရင်းမြစ်များ

1 Mansɛnu 6:28

Anu ya sɛnɛ sa melika wonu ma.

1 Mansɛnu 6:30

Anu ya sɛnɛ sa bon-kole bɛɛsi ma.

1 Mansɛnu 6:32

Melika wo, tin-kuri wo, kɔn-fere wo, anu ya wonu muninyɛ ladan kankan wonu ma. Anu ya mɔlɔnɛ wo damasi ladan kankan wo ma ka sɛnɛ sa mɔlɔnɛ wo bɛɛsi ma.

2 Ko-Kɔrɔta-Karan 3:14

Anu ya yesekara-yalafinyɛ anubɛ yesekara-wulan anubɛ yesekara-bilolamɛ anubɛ linɛn-yesekari wonu bi ka wonu nadan kura-hakikɛ do la Sɛnima-Sɛnima-Tinɛla ko la. Anu ya melikanuna muninyɛ sɔgɔ kura-hakikɛ wo ma.

2 Ko-Kɔrɔta-Karan 3:7

A ya sɛnɛ nɔrɔn a bon-burɔ-dandan anubɛ a kundulasɛnu wo, a kankannu wo, anubɛ a tigin-dɛnu ma. A dandan wo ma, a ya melikanuna muninyɛnu nadan.

Yaburi 103:20

Wole melika-makawanɛnu, wo ni Mari tanto! Wo ye ala tɔnnu birala. A ye kumɛ min fɔla, wo ye wo tole masɔla wonu na.

Yaburi 148:2

Wole melikanu wo, wole Arinyɛnitɔ-kɛlɛ-dannu wo, wo ni Mari tanto.

Yaburi 74:6

Kɔlɔma-malɛsɛnɛ minnu bi Bato-Bɔn la, anu ya wo bɛɛ tinya anuna tɛgɛran anubɛ anuna kundu-wɛnu na.

Bɔ-Koe-Iyipiti 26:1

Anu bi kura-hakikɛ min kelela linɛn, wo ni wo ma nta Fani-Bɔn la. Wo si kurɛ wo walan tan bi ka anu ma nta Fani-Bon-miran do la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 36:8

Kura-hakikɛ min tɔgɛ linɛn, anu ya wo ma Marita Fani-Bɔn la. Anu ya kurɛ wo walan tan bi ka anu ma Marita Fani-Bon-miran do la. Mɔgɛ minnu kusan boloma-wɔlɛ kɛla, wonu ya melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan.

Isikiyɛli 40:16

Konko wo bɛɛ wundannɛ tɛgɛnɛ a ma tala. Wundannɛ fanan tɛgɛnɛ bon-burɔ-dandannu ma. Tɛɛnla muninyɛnu sanɛ a tɛma-kilɛ-dandannu ma.

Isikiyɛli 41:18

Tɛɛn-kuri anubɛ melikala muninyɛnu nadannɛ mɔlɔnɛ kɛnu tɔ. Melikala muninyɛ ladannɛ tɛɛn fila-filɛ tɛma tala anu nyɔgɔn na wo nya le ha ka bɔn burɛ lafoo. Yakɔrɔ filɛ le ye melika kɛ bolo.

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.