1 Mansɛnu 6:23 - ALLALA KUMƐ

²³ Anu ya ɔlifi-kɔlɔma donu bi ka fen-kanbannama fila ladan wonu na minnu munta melika la. Anu ya wonu sɔ Sɛnima-Sɛnima-Tinɛ burɔ. Wonu sɔɛ ya nunkan-nya tan bɔ.

1 Mansɛnu 6:23 ပူးပေါင်းရင်းမြစ်များ

Ko-Dabirɛnu 3:24

Wo kɔma, fan minnubɛ melika munta, Alla ya wonu nana Idɛn nakɔɛ wo makandan tinɛ tele-bɔɛ wara la. Kɛlɛ-kɛ-faan min bi malanna iko ta-mɛlan, wo ye firifirila nimaya-kɔlɔma warata-kilɛ la.

1 Mansɛnu 6:24

Melika filɛ wonu kanban kelen si nunkan-nya loli-loli bɔ le. Ka a bi anu kanban-sungban doi ma ka a sigi a kanban doi sungban la, wo ya nunkan-nya tan bɔ. Melikala muninya filɛ wonu bɛɛ rakɛn de! Anu muninyara fanan.

1 Mansɛnu 6:31

Anu ya Sɛnima-Sɛnima-Tinɛ wo kankan filɛ ladan iko sɔpu dɛ ka anu kun tɛmɛ lamosɔ. Anu ya wonu nadan ɔlifi fɛrɛn-hakikɛnu na.

1 Mansɛnu 6:32

Melika wo, tin-kuri wo, kɔn-fere wo, anu ya wonu muninyɛ ladan kankan wonu ma. Anu ya mɔlɔnɛ wo damasi ladan kankan wo ma ka sɛnɛ sa mɔlɔnɛ wo bɛɛsi ma.

Yaburi 18:10

A sigira melika-sufa do la. Wo tora a buri-wɛ kɛla a la fɔnyɔ rɔ duninya kuma.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Aiseya 37:16

“E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Isikiyɛli 41:24

Kankan fila-fila le ye don-dɛ wonu ma. Anu na si ka iko sɔpu dɛ.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.