1 Mansɛnu 6:1 - ALLALA KUMƐ

¹ San kɛmɛ nani san bi-segin (480) ara tenbi kebi Isirɛla mɔgɛnu bɔra Iyipiti. A san kɛmɛ nani, san bi-segin nyɔgɛ wo karɛ fila nyɔgɛ ma, Mansa Silamɛni ya Bato-Bɔn sɔɛ dabira. Wo ya a taran, Silamɛnina mansayɛ ara san nani bɔ Isirɛla nyamanɛ kun na.

1 Mansɛnu 6:1 ပူးပေါင်းရင်းမြစ်များ

1 Mansɛnu 6:2

Mansa Silamɛni ye Mari Bato-Bɔn min sɔ tinɛ, wo lɔngbɔn ya nunkan-nya bi-wɔrɔ bɔ. A kɔnɛ ya nunkan-nya mogan bɔ. A sɔɛ ya nunkan-nya bi-sawa bɔ.

1 Mansɛnu 6:37

Mansa Silamɛni ya san wɔrɔnfila le bɔ a sɔ tinɛ. Ala mansayɛ san nanɛ karɛ fila nyɔgɛ ma, anu ya Bato-Bɔn wo kurukɛ. Ala mansayɛ san tan-ni-kelan karɛ segin nyɔgɛ ma, anu ya Bato-Bɔn wo laban iko anu miri ye a ma nya min.

1 Ko-Kɔrɔta-Karan 29:19

Mari, i ni yili-latɛgɛ di nna den Silamɛni ma. Wo si a ma, a ni ita kumɛ bira, ado n bara miran min bɛɛsi ladɛn Bato-Bɔn sɔ-koe rɔ, a si wonu bi ka bɔn sɔ i ye.”

1 Ko-Kɔrɔta-Karan 6:10

Yohenan ya Asaraya sɔrɔn min ya saraka-masɔ-wɔlɛ kɛ Mansa Silamɛnita Bato-Bon-sɔnɛ la.

2 Ko-Kɔrɔta-Karan 3:3

Mansa Silamɛni ya Bato-Bɔn wo min kurun Mari ye, a kɔnɛ nunkan-nya mogan, a lɔngbɔn nunkan-nya bi-wɔrɔ.

Ɛsira 5:11

“Anu ya a fɔ ma ye ko Alla min bi san-kole anubɛ dugu-kole kuma ko wota wɔli-kɛlɛ le anu denu na. Anu ko anu benbanu ya San-Kole-Alla ladiminya min kɛ, wo le ya a ma, Alla ya anu kunyɛ don Babilɔn Mansa Nɛbukanasa bolo, Kaladiya kɛ, kɔni. Anu ko Nɛbukanasa le ya anuta Bato-Bɔn tinya, anuta mansa-makawanɛ do ya min sɔ kɔrɔma la nun. Wo kɔma, a tara anu denu na Babilɔn nyamanɛ rɔ. Anu ko anu bi San-Kole-Alla wo leta Bato-Bɔn sɔla tun.

Yaburi 78:69

Ala Bato-Bɔn min sɔnɛ sɛnbɛ rɔ iko a warɛ Arinyɛnɛ, a ya wo sɔ nyɔ le. A ya a sɔ fanka rɔ iko dugu-kole. A latankani de dɛɛ! Ko-wo-ko ti ma a la.

Bɔ-Koe-Iyipiti 12:41

A san bi-sawa nyɔgɛ wo tele laban ma yɔ, anu ya Iyipiti nyamanɛ boloka wulɔn le.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Isikiyɛli 41:1

Wo kɔma, ko-rayirɛ wo rɔ, kei wo tara n na Bato-Bɔn bon-bɛ konko-wɛ la, Sɛnima-Tinɛ, kɔni. A ya nyɔ-don-dɛ wo suman, a kɔnɛ, nunkan-nya tan, a da-gbengbela-birɛ, nunkan-nya wɔrɔ-wɔrɔ, ka bɔ a don-dɛ da-gbengbe wo ma, ka ta dandan doi ma nunkan-nya loli le a fan filɛ la. A ya Sɛnima-Tinɛ nyɛrɛ fanan suman. A lɔngbɔn bɛnta nunkan-nya bi-nani ma, a kɔnɛ bɛnta nunkan-nya mogan ma.

Hegayi 1:8

Wo ni yɛlɛ gbɔngbɔnnu kɔrɔ ka kɔlɔmanu malɛsɛ nyɔ ka na nde, Marita Bato-Bɔn sɔ. Ni wo ya wo ma, n si gbiliyɛ sɔrɔn wo bolo. Wo si a diya don n tɔ.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Yilan-Yilan Koe 1:1

Isirɛla mɔgɛnu bɔɛ Iyipiti nyamanɛ rɔ, wo san fila nyɔgɛ, karɛ filɛ, a tele fɔlɛ ma, Mari kumara Musa ye Sinayi wulɛ rɔ Marita Fani-Bɔn burɔ.

Kɛwɔlɛnu 13:19

A ya sibolo wɔrɔnfila halaki Kenan nyamanɛ rɔ ka anuta dugi di ma benbanu ma.

Kɛwɔlɛnu 7:47

kɔnɔ ala den Mansa Silamɛni le ya bɔn sɔ a ye.

1 Kɔrɛnti 6:19

Wo ma a lɔn ba, ko wo fɛrɛ-bɔnkɛ, Allata Ni-Sɛnimɛta bato-bɔn le? Alla ya ata Ni-Sɛnimɛ min di wo ma, wo siginɛ wole le tɔ, ado wo sa wo nyɛrɛ bolo. Allatɛ le wole la.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Kɔlɔsi 2:7

Wo ni wo suli layigi ale rɔ pon, iko kɔlɔma ye suli layigila dugi la nya min! Wo si a ma, wo si sɛnbɛ sɔrɔn ale rɔ. Wo sɛnbɛ ni don wola dɛnkɛninyɛ rɔ iko wo karanta nya min. Ka a tɛgɛ a ara min ma wo ye, wo ni to baraka birala a ye dɛɛ!

Hiburunu 11:10

Alla ya soe min kurukɛ fanka rɔ ka a sɔ gben, Iburayima ye wo makɔnɔna alako a si sigi nyɔ nya min.

Hiburunu 9:11

Fen-nyimɛ minnu bi nyɔ kaka, Kirasiti nara tumɛ min, a nara saraka-masɔla-kun-tigi-wayɛ la wonu denu kuma. A ye wɔlila fani-bɔn min na, wo kolo, ado a kanbalita feu! Mɔgɔ ma a ladan, ado duninya kɛta ma wo la.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

Kɛlɛ-Kurugbɛnu 11:26

A san kɛmɛ sawɛ le kɛ la, Isirɛla mɔgɛnu siginɛ Hɛsibɔn soe wo, Arɔra soe wo, anubɛ wo dafɛ-so-mɛsɛnu tɔ anubɛ soe minnu bi Anɔn bɛ dafɛ tala. Wo ma wo miri anu bi-koe ma ma bolo fɔ bi, wa?