1 Mansɛnu 5:9 - ALLALA KUMƐ

⁹ Nna wɔli-kɛlɛnu si na kɔlɔma wonu na ka ta anu na kɔgɔ-yi dafɛ. Nba, anu si anu kiri anu nyɔgɔn ma ka anu nata yi kuma. I ye kan tinɛ min yirala n na kɔgɔ-yi dafɛ, nna wɔli-kɛlɛnu si anu nafulen nyɔ. Ita mɔgɛnu si kɔn wonu maduni. Ileta wɔlɛ ye min na dɔrɔn, ka nta bonna-mɔgɛnu de-nyini.”

1 Mansɛnu 5:9 ပူးပေါင်းရင်းမြစ်များ

1 Mansɛnu 3:12

Woletɔ n bi nala hɛnkili anubɛ lɔnnɛ dila i ma tɛban! Mɔgɔ-wo-mɔgɔ ti hɛnkili sɔrɔn duninya rɔ ka ke i rɔ.

1 Mansɛnu 4:20

Kɛ wati rɔ, Yuda nyamanita-mɔgɛnu anubɛ Isirɛla nyamanita-mɔgɛnu siya iko ba-kɛnkɛn. Anu sewanɛ bɛrɛkɛ! Anu bi fen-dɔn anubɛ tolɔn kun na.

1 Mansɛnu 5:10

Mansa Hairam ya kɔlɔma siyaman di Mansa Silamɛni ma ha a wasara.

1 Mansɛnu 5:8

Nba, Mansa Hairam ya kilayɛ lata Mansa Silamɛni ma tun ko, “I ya kilayɛ min nana n ma, n bara wo lamɔɛn. I ya min bɛɛsi fɔ sarakanɛ rɔ, n si wo bɛɛ ma. N si kɔlɔma-kuru-wɛ wonu nyini i ye.

1 Mansɛnu 9:27

Mansa Hairam ya hɛnkilima-siyaman nana minnu kusan wɔlila kulɔn wonu tɔ alako wonu ni kofu Mansa Silamɛnita kulun-tawɔli-kɛlɛnu ma.

2 Ko-Kɔrɔta-Karan 1:15

Sɛnɛ anubɛ wodi-gbɛ raboroko-barakanɛ ata wati rɔ. Fɛrɛn-da-gbɛlɛ, wonu bi nyɔ duk! Kurukurun ti a ban, tarali ti a ban.

2 Ko-Kɔrɔta-Karan 2:16

Nna wɔli-kɛlɛnu si kɔlɔmanu tɛgɛ Lɛbanan kɔnkɛnu ma ka ta anu na kɔgɔ-yi dafɛ. Anu si anu kiri anu nyɔgɔn ma iko bɛndɛ ka anu nata yi kuma fɔ Yapa soe tɛgɛn-dɛ la. Ileta mɔgɛnu si anu bi nyɔ ka ta anu na Yerusalɛm soe burɔ.”

2 Ko-Kɔrɔta-Karan 9:22

Mansa Silamɛni mara fen-tigi anubɛ hɛnkilimɛ la ka tenbi mansɛ bɛɛ la duninya rɔ.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Yobu 32:8

Kɔnɔ Alla Sɛnbɛ-Bɛɛ-Tigita niyi min bi mɔgɛ rɔ, wo le si hɛnkili di mɔgɔ ma.

Makawandili Kumɛnu 1:16

N ya a fɔ n nyɛrɛ ma, n ko, “N ya hɛnkilimayɛ anubɛ ko-kɔrɔ-lɔn-burɛ anubɛ a kɔmɛ bɛɛ lɔn. N mankan ara ta wuu, ado mansa fɔlɔtɛ minnu bara sɔ n yarɔ Yerusalɛm soe burɔ, nta hɛnkilimayɛ anubɛ ko-kɔrɔ-lɔn kolo wo bɛɛtɛ ko.”

Isikiyɛli 27:17

Fui-fen wo, liyi wo, ɔlifi-tulu wo, anubɛ kɛnɛ wo, Isirɛla anubɛ Yuda kɛnu ya wonu felen Taya kɛnu ma.

Kɛwɔlɛnu 12:20

Mansa Hɛrodi diminyara Taya anubɛ Saidon so-burɔ-mɔgɛnu ma kati! Kɔnɔ anuna nyamanita-mɔgɛnu bi anuna dɔn-fannu sɔrɔnna Mansa Hɛrodila nyamanɛ le tɔ. Woletɔ anu ya anu nadɛn ka ta Hɛrodi yen. Bilasita min bi Hɛrodila mɔgɔ-ba do la, anu ya wo fɔlɔn ma anu yatigi la bawo wo le kun-tigiyɛ la nyɔ. Wo kɔma, anubɛ Bilasita tara Hɛrodi wara ka a madiya ni a si kɛlɛ ban.

Tɔn-Fɔɛ-Fila-Nyɔgɛ 3:25

I yandi, Mari, a ma, n ni Yorodan bɛ tɛgɛ. N ni dugu-hakikɛ wo yen n yɛ la bɛ kɔgɔma. N ni kɔnkɔ-nyamani-hakikɛ wo yen n yɛ la anubɛ Lɛbanan kɔnkɛnu.’ ”