1 Mansɛnu 5:7 - ALLALA KUMƐ

⁷ Mansa Hairam ya Mansa Silamɛnina sarakanɛ wo lamɔɛn tumɛ min, a sewara bɛrɛkɛ! A ya a fɔ ko, “Gbiliyɛ ni di Mari ma min ya den-hɛnkilimɛ di Mansa Dawuda ma ka a ma kun-tigi la Isirɛla mɔgɛnu kun na.”

1 Mansɛnu 5:7 ပူးပေါင်းရင်းမြစ်များ

Ko-Dabirɛnu 33:5

Isɔ ya a yɛ lata a dɔgɛ kɔma kilɛ la ka musu-nyama anubɛ den-siyamɛ kɛnu mafɛlɛn, a ko, “Yakoba, yonna mɔgɛ ye kɛ damasi la?” Yakoba ko, “Alla le ya ko-nyimɛ kɛ n ye ka dan kɛ dama di nde, ila wɔli-kɛlɛ ma.”

1 Mansɛnu 1:48

Ale mansɛ nyɛrɛ ya a fɔ ko Isirɛlata Mari Alla ni tanto bawo a ara mɔgɛ do yabɔ ka a ma mansɛ la ale Mansa Dawuda nyɛrɛ yala.”

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

1 Mansɛnu 3:9

Awa, i ni hɛnkili di n ma alako n si ke nya min ka mɔgɛ wonu kiti ka ko-nyimɛ anubɛ ko-yogomɛ dan-nafarɛ lɔn. Ni wo ma, n si ke mɔgɔ-sɛrɛ-wɛ kɛnu kitila kama ka mansayɛ kɛ?”

1 Mansɛnu 4:7

Wo kɔma, Mansa Silamɛni ya mɔgɔ tan-ni-fila yabɔ ka anu ma sigisɔn-mansɛnu na Isirɛla nyamanɛ rɔ. Kɛnuta wɔlɛ le ka dɔn-fan makele anu nyɛrɛta sigisɔn rɔ ale mansɛ anubɛ ala mɔgɛnu ye. Karɛ-wo-karɛ, mɔgɔ-ba kɛ kelen si na dɔn-fan la mansɛ ye iko kelen. Anu si wo ma san-bo-san.

1 Mansɛnu 5:6

Woletɔ a fɔ ila mɔgɛnu ye ko anu ni kɔlɔma-kuru-wɛ donu tɛgɛ n ye Lɛbanan nyamanɛ rɔ. Nna wɔli-kɛlɛnu anubɛ ita wɔli-kɛlɛnu si wɔlɛ kɛ anu nyɔgɔn fɛ. N si ila wɔli-kɛlɛnu sara iko i ye a fɔla n ye nya min. I ya a lɔn ko nna mɔgɛnu ma kusan kɔlɔma tɛgɛla iko ila mɔgɛnu.”

1 Mansɛnu 5:8

Nba, Mansa Hairam ya kilayɛ lata Mansa Silamɛni ma tun ko, “I ya kilayɛ min nana n ma, n bara wo lamɔɛn. I ya min bɛɛsi fɔ sarakanɛ rɔ, n si wo bɛɛ ma. N si kɔlɔma-kuru-wɛ wonu nyini i ye.

Yaburi 137:6

Ni n yili ma to i ko, ka, ni n ma Yerusalɛm ma nta sewa-so-wɛ la ka tenbi kan tinɛ bɛɛ la, alamɛ n nagan nɔrɔta n naganagan la map! N kana sigi sa tun!

Hɛnkilimaya-Kumɛnu 10:1

Den-hɛnkilimɛ si a ma, a sɔrɔnbagɛnu ni sewa kɔnɔ den-hɛnkilibɔnɛ si a ma, a sɔrɔnbagɛnu yisi ma ni gboya.

Hɛnkilimaya-Kumɛnu 13:1

Den-hɛnkilimɛ si a fala kawandili-kan bira kɔnɔ mɔgɛ min si mɔgɔ mayɛlɛn, wo ti kawandili-kan bira.

Hɛnkilimaya-Kumɛnu 15:20

Den-hɛnkilimɛ si a ma, a sɔrɔnnɛnu ni sewa kɔnɔ kuntan si yoo anu ma.

Hɛnkilimaya-Kumɛnu 23:24

Mɔgɔ-latelennɛ fa si sewa le. Ni a taranta mɔgɔla dan mara le hɛnkilimɛ la, wo si a ma, a fa ni a wasi a la.

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.