1 Mansɛnu 5:6 - ALLALA KUMƐ

⁶ Woletɔ a fɔ ila mɔgɛnu ye ko anu ni kɔlɔma-kuru-wɛ donu tɛgɛ n ye Lɛbanan nyamanɛ rɔ. Nna wɔli-kɛlɛnu anubɛ ita wɔli-kɛlɛnu si wɔlɛ kɛ anu nyɔgɔn fɛ. N si ila wɔli-kɛlɛnu sara iko i ye a fɔla n ye nya min. I ya a lɔn ko nna mɔgɛnu ma kusan kɔlɔma tɛgɛla iko ila mɔgɛnu.”

1 Mansɛnu 5:6 ပူးပေါင်းရင်းမြစ်များ

Ko-Dabirɛnu 10:15

Hamala den Kenan wo ya den mɔgɔ fila sɔrɔn, ala den-kei-sarɛ Sadon anubɛ Hɛti.

1 Mansɛnu 10:26

Mansa Silamɛni ya kirindi min sɔrɔn, waga kelen, kɛmɛ nani (1,400). A ya kɛlɛ-kɛ-soee min nadɛn a nyɛrɛ ye, waga tan-ni-fila (12,000). A ya donu namara Yerusalɛm soe burɔ. A ya donu namara soe donu tɔ.

1 Mansɛnu 5:7

Mansa Hairam ya Mansa Silamɛnina sarakanɛ wo lamɔɛn tumɛ min, a sewara bɛrɛkɛ! A ya a fɔ ko, “Gbiliyɛ ni di Mari ma min ya den-hɛnkilimɛ di Mansa Dawuda ma ka a ma kun-tigi la Isirɛla mɔgɛnu kun na.”

1 Mansɛnu 9:19

Wo kɔma, a ya anu fɔrɔsɛ ka soe wonu sɔ, a si a bolo-fannu namara kan min anubɛ a si ala kirindinu anubɛ ala soeenu namara kan min. A wa wuli a halala-wɔli-wo-wɔli mala Yerusalɛm soe burɔ, a si mɔgɛnu fɔrɔsɛ ka wo ma. A si ala mɔgɛnu nawɔli ala nyamanɛ wo bɛɛ rɔ. Hali Lɛbanan nyamanɛ rɔ, a ya ala mɔgɛnu nawɔli nyɔ.

1 Mansɛnu 9:27

Mansa Hairam ya hɛnkilima-siyaman nana minnu kusan wɔlila kulɔn wonu tɔ alako wonu ni kofu Mansa Silamɛnita kulun-tawɔli-kɛlɛnu ma.

1 Ko-Kɔrɔta-Karan 22:4

Saidon kɛnu wo, Taya kɛnu wo, wonu nara kɔlɔma-gbondon-hakika-siyaman na ka wonu don Mansa Dawuda bolo.

2 Ko-Kɔrɔta-Karan 1:14

A ya kirindi waga kelen ani kɛmɛ nani (1,400) kundɛn anubɛ so waga tan-ni-fila (12,000) nyini fanan ala kɛlɛ-dannu ye. A ya donu namara Yerusalɛm soe burɔ. Wo kɔma, a ya donu nata soe doinu tɔ.

2 Ko-Kɔrɔta-Karan 2:10

N si anuna kɔndɔn labɔ. N si fui-fan-subolo fila di ila kɔn-tɛgɛlɛnu ma. N si a subolo kelan bɔrɔ waga bi-loli ani bɔrɔ kɛmɛ fila (50,200) di anu ma. N si wo nyɔgɔn yirika di anu ma a su doi fanan tɔ. N si nɔnbɔ-gbɔ-yi durɔmu waga fila ani durɔmu kɛmɛ sawa (2,300) di anu ma ka Ɔlifi-tuli durɔmu waga fila ani durɔmu kɛmɛ sawa (2,300) di anu ma fanan.”

2 Ko-Kɔrɔta-Karan 2:8

Bawo n ya a lɔn ko ila kɔn-tɛgɛlɛnu kusan kosɛbɛ, woletɔ a sɔgɛ ye n na, i ni kɔlɔma-subolo sawa lana n ma ka bɔ Lɛbanan gbɔngbɔnnu tɔ, sida wo, saiparasi wo, anubɛ yunipa. N tabɛnni de ka nta mɔgɛnu nata ila mɔgɛnu dɛnbɛn tinɛ

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Yaburi 29:5

Mari kuman-kan si kɔlɔma-belebele-wɛnu takerikeri. Katarala Lɛbanan kɔlɔmanu ma minnu tagbɛlɛ gbon!

Sakaraya 11:12

Nde, Sakaraya ya a fɔ anu ye ko, “Ni n sara-sɔgɛ ye wo la, wo ni n sara. Ni n sara-sɔgɔ sa wo la, awa, tana ma.” Wo le ya a ma, anu ya n sara wodi-gbɛ-gbu bi-sawa pe la.

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

Ɛfɛsa 4:7

Ma dama ara kɔ-fan do sɔrɔn Mari bolo kɔnɔ bɛɛtɛ ye a dan na iko Kirasiti ya a rabɛn nya min.

Tɔn-Fɔɛ-Fila-Nyɔgɛ 17:16

Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!