1 Mansɛnu 5:4 - ALLALA KUMƐ

⁴ Kɔnɔ kaka, nta Mari Alla ara lafɛrɛ anubɛ yisi-kimɛ di n ma kan tinɛ bɛɛ rɔ. N yoge mumɛ sa tun hali! Sika-wo-sika sa nde rɔ tun kɛlɛ wara-koe rɔ.

1 Mansɛnu 5:4 ပူးပေါင်းရင်းမြစ်များ

2 Samuwɛli 7:5

“Ta a fɔ nna wɔli-kɛla Dawuda ye ko ale ti nna bɔn sɔ.

1 Mansɛnu 11:25

Mansa Silamɛnita wati rɔ, anubɛ Mansa Hedadi mara Isirɛla yogo-bɛrɛbɛrɛ la, ado a ya Mansa Silamɛni yakɔrɔ-mamɔ.

1 Mansɛnu 4:24

Mansa Silamɛni ya kun-tigiyɛ kɛ nyamanɛ wo bɛɛ kun na. Ale le ye Yufereti bɛ tele-yigi waralɛ bɛɛ kun na ka a bi Tifisa soe ma ha ka ta sigi Kesa soe la. Mansɛ min bɛɛ ye Yufereti bɛ tele-yigi wara la, wonu bi ale le kɔrɔ. A ya yisi-kimɛ sɔrɔn a sigi-nyɔgɛ bɛɛsi bolo.

1 Mansɛnu 5:18

Woletɔ Mansa Silamɛnita wɔli-kɛlɛnu anubɛ Mansa Hairamta wɔli-kɛlɛnu, wonubɛ Kibali sigisɔn-mɔgɛnu ya kuri anubɛ kɔlɔmanu nadɛn Bato-Bɔn wo sɔ-koe rɔ.

2 Mansɛnu 18:8

A ya Filisitinu nɔ kɛlɛ rɔ. Anu tara sigi so-wo-so rɔ, a si ta bui anu ma nyɔ. Hali Kesa soe min bi wulɛ la, wonubɛ so-mɛsɛ minnu bi wola foolɛ rɔ, a ya wonu bi.

1 Ko-Kɔrɔta-Karan 22:9

Kɔnɔ hali wo, a ya lanyiri kiri n ye. A ko a si dan di n ma min si mansayɛ kɛ ka nyamanɛ kɛ mara yisi-kimɛ rɔ. A ko yisi-kimɛ si taran dan wonubɛ a yogenu tɛma. A ko n si dan wo kele Silamɛni bawo a ko nyamanɛ kɛ si to yisi-kimɛ rɔ ata wati rɔ.

Ɛsira 4:20

Tonyɛ le, mansa-makawanɛ donu bi nyɔ nun. Sɛnbɛ ye anu na Yufereti bɛ tele-yigi damasi kun na nun. Anu taranta duti makelela nyɔ-mɔgɛnu bolo.

Yaburi 72:7

Alamɛ telenbagayɛ tora koloyala a siyi-tele-bɛɛ kɔrɔ. Fananta karɛ ye gbɛla, alamɛ ala mɔgɛnu tora ko-nyimɛ sɔrɔnna.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Yasowa 15:47

Asadadi anubɛ Kesa fanan dira Yuda bɔnsɔn-mɔgɛnu ma anubɛ anu dafɛ-so-nɛnu ha ka ke Iyipiti yi ma min manɛ dan la ha ka ke kɔgɔ-yi ma.