1 Mansɛnu 5:3 - ALLALA KUMƐ

³ “I ya a lɔn ka a tɛgɛ kɛlɛ-nyagbɛ ma, n fa Dawuda ma fɛrɛ sɔrɔn ka bɔn sɔ ata Mari Alla ye. Ha Alla ara a yoge bɛɛsi nɔ, a ma ke Mari Bato-Bɔn sɔla.

1 Mansɛnu 5:3 ပူးပေါင်းရင်းမြစ်များ

1 Mansɛnu 8:19

Kɔnɔ ale Mari ya a fɔ ko n fa kana bɔn wo sɔ fɔ a nyɛrɛta dan, wo le si ata Bato-Bɔn sɔ a ye.”

1 Ko-Kɔrɔta-Karan 22:8

Kɔnɔ Mari ya a fɔ n ye ko n ya kɛlɛ-siyaman kɛ ka mɔgɔ-siyaman faga. Bawo n bara yele-siyaman nabɔ, woletɔ a ma sɔn n ni a Bato-Bɔn sɔ.

1 Ko-Kɔrɔta-Karan 28:2

Mansa Dawuda ya a lakɔɛnma ka a fɔ anu ye ko, “Nna nyamanita-mɔgɛnu, wo ni wo tole masɔ n na. A sɔgɛ ye n na nun, n ni bɔn sɔ Marita tɔn-kenkirɛla ko la. Wo si ma mata Mari Alla mayigi tinɛ la. N bara fen-siyaman nadɛn nun bɔn wo sɔ-koe rɔ.

1 Ko-Kɔrɔta-Karan 28:3

Kɔnɔ ale Alla ko nde ti bɔn wo sɔ bawo n bara kɛlɛ-kurugbayɛ kɛ ka yele-siyaman bɔ.

2 Ko-Kɔrɔta-Karan 9:4

Mansɛ ye dɔn-fan sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya ale mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

Nihɛmaya 5:17

Tele-wo-tele, n bi Yahudiya mɔgɔ kɛmɛ ani mɔgɔ bi-loli anubɛ anuna kun-tiginu de-nyinina n barɛ. Kumanato, minnu bi nala n bara ka bɔ nyamani-gbɛrɛkɛnu tɔ mala foolɛ rɔ.

Nihɛmaya 5:18

Tele-wo-tele, n si tura kelen, saga-hakika wɔrɔ ani sisi-siyaman faga mɔgɛnu ye. Tele-tan wo tele-tan, n si na minni-fen-kurɛ la anu ye. A bɛnta, kun-tigi ni min nyɔgɔn sɔrɔn, n ma wo makele mɔgɛnu na bawo dunɛ kolo anu kuma.

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 8:6

I ya fan min bɛɛsi ladan, i ya hadama-dan ma wonu kun-tigi la,

Malakayi 4:3

Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

1 Kɔrɛnti 15:25

ado a fɛrɛ sa fɔ Kirasiti ni kun-tigiyɛ kɛ ha Alla ni a yoge bɛɛsi ladon a kin kɔrɔ.

Ɛfɛsa 1:22

Alla ya fan bɛɛ sa Kirasiti tontɛ kɔrɔ ko a ni ma fan bɛɛ kun-tigi la dɛnkɛninya-mɔgɛnu ye.

Tɔn-Fɔɛ-Fila-Nyɔgɛ 14:5

mina wo, yinkiyankɛ wo, sensɛ wo, anubɛ firala-baa.

Yasowa 10:24

Yasowa ya Isirɛla kei bɛɛ kele. A ya a fɔ ala kɛlɛ-den-kun-tiginu ye ko, “Wo ni wo kian sɔ mansɛ kɛnu kan kuma alako ka anu namiliya.”