1 Mansɛnu 5:11 - ALLALA KUMƐ

¹¹ Mansa Silamɛni fanan ya dɔn-fan di Hairam ma. A ya fui-fan bɔrɔ waga bi-loli (50,000) di anu ma. A ya tulu-durɔmu waga fila, durɔmu kɛmɛ sawa (2,300) di anu ma. San-bo-san, a tora dɔn-fan kɛ nyɔgɔn dila a ma.

1 Mansɛnu 5:11 ပူးပေါင်းရင်းမြစ်များ

1 Mansɛnu 4:22

Mansa Silamɛni anubɛ ala bonna-mɔgɛnu duruta dɔn-fen min nyɔgɔn dɔnna ala bɔn la tele kelan kɔrɔ, wonu yirika le kɛ la. Anu si dɛgɛ-munke bɔrɔ kɛmɛ ani bɔrɔ bi-loli (150) dɔn. Anu si dɛgɛ-munku-hakikɛ bɔrɔ bi-wɔrɔnfila ani bɔrɔ wɔrɔnfila (77) dɔn.

1 Mansɛnu 5:10

Mansa Hairam ya kɔlɔma siyaman di Mansa Silamɛni ma ha a wasara.

1 Ko-Kɔrɔta-Karan 2:6

Pɛrɛsi fɛrɛn-nyɔgɛ Seraha ya den-kei mɔgɔ loli sɔrɔn, Simiri wo, Itan wo, Himan wo, Kalikoli wo, anubɛ Darada.

1 Ko-Kɔrɔta-Karan 6:29

Lifayila den Mɛrari sɔrɛnu denu bi kɛnu na. Mɛrarila den-kei Mehali ya Libini sɔrɔn. Libini ya Simayi sɔrɔn. Simayi ya Yusa sɔrɔn.

2 Ko-Kɔrɔta-Karan 2:10

N si anuna kɔndɔn labɔ. N si fui-fan-subolo fila di ila kɔn-tɛgɛlɛnu ma. N si a subolo kelan bɔrɔ waga bi-loli ani bɔrɔ kɛmɛ fila (50,200) di anu ma. N si wo nyɔgɔn yirika di anu ma a su doi fanan tɔ. N si nɔnbɔ-gbɔ-yi durɔmu waga fila ani durɔmu kɛmɛ sawa (2,300) di anu ma ka Ɔlifi-tuli durɔmu waga fila ani durɔmu kɛmɛ sawa (2,300) di anu ma fanan.”

2 Ko-Kɔrɔta-Karan 9:22

Mansa Silamɛni mara fen-tigi anubɛ hɛnkilimɛ la ka tenbi mansɛ bɛɛ la duninya rɔ.

Yaburi 88:1

E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Yaburi 89:1

E, Mari, n si to ila hinɛ-sigi sala tolon! N si to ila telenbagayɛ wara-koe rakaranna dɛɛ!

Kɛwɔlɛnu 12:20

Mansa Hɛrodi diminyara Taya anubɛ Saidon so-burɔ-mɔgɛnu ma kati! Kɔnɔ anuna nyamanita-mɔgɛnu bi anuna dɔn-fannu sɔrɔnna Mansa Hɛrodila nyamanɛ le tɔ. Woletɔ anu ya anu nadɛn ka ta Hɛrodi yen. Bilasita min bi Hɛrodila mɔgɔ-ba do la, anu ya wo fɔlɔn ma anu yatigi la bawo wo le kun-tigiyɛ la nyɔ. Wo kɔma, anubɛ Bilasita tara Hɛrodi wara ka a madiya ni a si kɛlɛ ban.