1 Mansɛnu 5:1 - ALLALA KUMƐ

¹ Mansa Hairam min siginɛ Taya soe burɔ, Mansa Dawuda diyana-mɔgɛ le wo la nun. Wo ya a lamɔɛn tumɛ min ko Mansa Silamɛni bara ma mansɛ la a fa Dawuda gbɛ rɔ, a ya ala mɔgɔ-ba donu nata Mansa Silamɛni kɔndɔn tinɛ.

1 Mansɛnu 5:1 ပူးပေါင်းရင်းမြစ်များ

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

2 Samuwɛli 5:11

Mansa Hairam min siginɛ Taya soe burɔ, wo ya kilayɛnu nata anubɛ ala bon-sumalɛ donu anubɛ ala bon-tuwalɛ donu alako wonu ni ta Mansa Dawudala bolɔn sɔ. Wonu tamatoe, anu tara anuta nyamanita kɔlɔma-nɛ donu na anu bolo.

2 Samuwɛli 8:10

a ya Mansa Dawuda sanba fen-siyaman na ka a wɔlibɔ ala nɔlɛla ko la. Ale fanan kɛlɛ-nyɔgɛ le Mansa Hadadisa wo la nun. Sɛnɛ wo, wodi-gbɛ wo, silɛɛ wo, a ya wonu don ala den Yɔram bolo alako ala dan wo nyɛrɛ ni ta Mansa Dawuda sanbɛ wonu na.

1 Mansɛnu 10:25

San-bo-san, min ba wuli tala bɔla a wara, wo si a sanba. Donu si ta wodi-gbɛ la, donu si ta sɛnɛ la, donu fanan si ta duruku-ba la, donu si ta kɛlɛ-kɛ-fan la, donu si ta kɛnɛ la, donu si ta soeenu na, donu si ta sofɛlɛnu na anu bolo.

1 Mansɛnu 5:10

Mansa Hairam ya kɔlɔma siyaman di Mansa Silamɛni ma ha a wasara.

1 Mansɛnu 5:13

Wo kɔma, Mansa Silamɛni ya mɔgɔ waga bi-sawa (3,000) bi ka bɔ Isirɛla mɔgɛnu tɛma ka anu ma fɔrɔsɔya-wɔli-kɛlɛnu na.

1 Ko-Kɔrɔta-Karan 14:1

Mansa Hairam min siginɛ Taya soe burɔ, wo ya kilayɛnu nata ala bon-sumalɛ donu anubɛ bon-tuwalɛ donu ma Mansa Dawuda dɛnbɛ tinɛ alako wonu ni ta mansɛla bɔn sɔ. Wonu tamatoe, anu tara anuta nyamanita-kɔlɔma-nyima-wɛ donu na anu bolo.

2 Ko-Kɔrɔta-Karan 17:11

ado Filisiti donu nara wodi-gbɛ anubɛ fen-koloma-siyaman na a ye. Arabu donu nara saga waga wɔrɔnfila ani saga kɛmɛ wɔrɔnfila (7,700) la anubɛ baa waga wɔrɔnfila ani baa kɛmɛ wɔrɔnfila (7,700) la ka wonu di ale mansɛ ma.

2 Ko-Kɔrɔta-Karan 2:3

Mansa Silamɛni ya kilayɛ lata Mansa Hairam ma min siginɛ Taya soe burɔ. A ya a fɔ ko, “I ya kɔlɔma-hakikɛ minnu su mayira n fa Mansa Dawuda ma nun, a ya ala bolɔn ladan wonu na. A sɔgɛ ye n na, i ni wo sufanu mayira nde fanan ma.

2 Ko-Kɔrɔta-Karan 9:26

Ka a bi Yufereti bɛ ma ka ta a sigi Filisitinuna nyamanɛ la ha ka ta ke Isirɛla anubɛ Iyipiti dan ma, ale le ye tɛngbɛnya wo mansɛ bɛɛ kun na.

Ɛsira 4:20

Tonyɛ le, mansa-makawanɛ donu bi nyɔ nun. Sɛnbɛ ye anu na Yufereti bɛ tele-yigi damasi kun na nun. Anu taranta duti makelela nyɔ-mɔgɛnu bolo.

Yaburi 45:12

Taya so-burɔ-mɔgɛnu si na i fandɛnu na. A nɔnfulu-tiginu si a ma, wo ni to kan kelen tɔ.

Yaburi 72:8

Ala mansayɛ si a bi kɔgɔ-yi-tonke doi ma ha ka ta ke kɔgɔ-yi-tonke doi la. A si a bi Yufereti bɛ ma ha ka ta ke duninya-dan ma.

Yaburi 80:12

Sansan min donnɛ nɔnbɛ kɛ ma, nfenna ile Alla ara wo keri? Mɔgɔ-wo-mɔgɔ tenbi tenbila, a si nɔnbɛ kɛ gbɔɛ do keri.

Aiseya 23:1

Sarakanɛ le kɛ la Taya kɛnuna ko la. Wole kulun-tawɔli-kɛlɛ minnu bi kɔgɔ-yi kuma, wo ni wo dɛ bolobɔ di-kɛ-tinɛ. Wo bɔra Taya soe min tɔ, wo ara kasara pɔ! Nyɔ-bɔnnu wo, a kulun-nasɔ-tinɛ wo, wo bɛɛ ara tinya pɔ! Wo wa sɛgi ka bɔ Saiparasi tumɛ min, wo si a mankan lamɔɛn.

Isikiyɛli 19:11

A bolɔnnu fasa ha anu mara mansaya-kɔnnu na. Nɔnbɛ wo yɛlɛta furr, ha a tugura san-kole la. Ka a tɛgɛ a yanbɛla siyayɛ anubɛ ala yanyɛ ma, mɔgɛ bɛɛ ya a yen.

Emɔsi 1:9

“Mari ko wole Taya kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma. Wo ya lanyiri min kiri wo nyɔgɔn tɛma, wole ma wo kan wo latɔnbagaya.

Yilan-Yilan Koe 24:7

Anu si yiri ka siyaya. Anu kegeyɛnu si taran nyamani-siyaman tɔ. Anuna mansɛ si fanka sɔrɔn ka tenbi Amalɛki Mansɛ Ekagi la. Ata mansaya-sɛnbɛ si koloya ka ke kan-tina-siyaman tɔ.

Luka 7:5

bawo mala mɔgɛnu di a ye kati! A kelen pe le ya mala dina-bɔn sɔ ma ye.”

Tɔn-Fɔɛ-Fila-Nyɔgɛ 20:11

Ni wo tara minnu kɛlɛ tinɛ, anu ni tarɛ dɛ laka ka dɛgɛ min wo ye yona, wo si anu ma wola yɔɔnnu na ka anu nawɔli kosɛbɛ!

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.