1 Mansɛnu 4:33 - ALLALA KUMƐ

³³ A ya kɔlɔmanu bara-koe fɔ ka a dabira a kinama-wɛ ma ha ka a sigi a dɔgɔmɛnu na. Kɔlɔma-kinama-wɛ minnu bi Lɛbanan nyamanɛ rɔ, a kumara wonu bara-koe rɔ. Hali bin-fɛran minnu bi fɛrɛnna dandan ma, a kumara wonu fanan bara-koe rɔ. A sogo wo, a kanbanma-fen wo, a gboloma-fen wo, a yi-kɔrɔ-fen wo, a kumara wonu damasi wara-koe rɔ.

1 Mansɛnu 4:33 ပူးပေါင်းရင်းမြစ်များ

1 Mansɛnu 4:32

A ya hɛnkilimaya-kuma waga sawa (3,000) fɔ. Wo kɔma, a ya bɛti waga kelen ani bɛti loli (1,005) sɛbɛ.

1 Mansɛnu 4:34

Duninya-mansɛ bɛɛ ya ata mɔgɔ lata ka anu tole masɔ Mansa Silamɛnita hɛnkilimaya-kumɛnu na bawo anu bara Mansa Silamɛnita hɛnkilimayɛ mankan lamɔɛn.

2 Mansɛnu 19:23

fɔ a ye kilayɛnu nanala ka a nyɛrɛ matɔgɔ. A ko Mansa Sɛnakaribu ye a fɔla ko anubɛ ala kirindinu ya Lɛbanan kɔnkɔ-layan-bɛnu nɔ ka kɔlɔma-layan-bɛnu nawuya nyɔ hali ka ta gbɔngbɔn-makilannɛ bɛɛ kɔrɔ.

Yaburi 51:7

N hakɛ bɔ n ma alako n ni gbɛ. N mayesi. N ni gbɛ ka tenbi bɛgi-gbɛ la.

Yaburi 92:12

Mɔgɔ-telennɛnu bara-koe si yɛlɛ fulufele, iko tin-kuri. Anu si to koloyala iko kɔlɔma-hakikɛ minnu bi Lɛbanan nyamanɛ rɔ.

Bɔ-Koe-Iyipiti 12:22

Kɔlɔma min tɔgɛ hisɔpu, wo ni wo bolɔn donu bi. Wo ya kolo-fen-yele minnu kɛ mirannu tɔ, wo ni hisɔpu bolɔn wonu bi ka anu nayigi yele wo rɔ ka a susa bonda-dɛ tɔnkɔn filɛ ma anubɛ dɛ kumɛ. Mɔgɔ-wo-mɔgɔ kana bɔ bɔn la ha sɔgɔma.

Keninteya-Siginu 4:8

N sisirɔ-musi, na, ma ni bɔ Lɛbanan kɔnkɛnu kɔrɔ yan. Ma ni bɔ Amana anubɛ Hɛrɔman kɔnkɛnu kɔrɔ yarɛnu anubɛ kulinu bi kan min.

Keninteya-Siginu 5:15

A worenu tagbɛlɛ iko kuri-sɛnbɛrɛn-kɔn minnu sɔnɛ sɛnɛ-bɛrɛ kuma. A mansa-kɛ-bɔɛ kɛnɛ burun iko bandan!

Saraka-Masɔlɛnuta Tɔnnu 14:51

A si sɔgɔ-kundunɛ wo bi anubɛ yili-kolo-wulan anubɛ kɔlɔma wo bolɔn ka wonu nayigi yele anubɛ yi wo rɔ. Kona doi min kɛndɛ tora, a si wo bi ka a layigi yele anubɛ yi wo rɔ. A si yele wo do bi min basannɛ yi la ka a pusen bɔn wo ma iko wɔrɔnfila.

Yilan-Yilan Koe 19:18

Mɔgɛ min sɛninyanɛ iko tɔn ya a fɔ nya min, wo si kɔlɔma-wurumɛ wo kelen tɛgɛ a la min tɔgɔ hisɔpu. A si kɔlɔma wo bi ka a sungban sɔ yi wo rɔ. Wo kɔma, a si yi wo sosa mɔgɔ-sɛninyabɛlɛ wo ma kɔlɔma wo la.

Yilan-Yilan Koe 24:6

Anuna fani-bɔnnu sɔnɛ tala anu sansan-yili ma iko tin-kurinu. Anu kin iko nakɔɛ minnu bi bɛ dafɛ. Anu kin iko lɛnkɛ-gbɔngbɔn Marita nakɔɛ rɔ iko bandan-kuru-wɛ min bi yi dala.

Hiburunu 9:19

Nɛbi Musa ya tɔn bɛɛ rakaran mɔgɛnu ye iko a sɛbɛnɛ Allata tɔn rɔ nya min. Wo kɔma, a ya tura-yele bi anubɛ baa-yele ka wonu tabasan yi la. A ya yanba-kunyɛ bi min tɔgɛ hisɔpu anubɛ saga-siyi anu bara min nawulen alako a si yele wo purupuru Tɔn-Kitabu anubɛ mɔgɛ bɛɛ ma nya min.