1 Mansɛnu 4:30 - ALLALA KUMƐ

³⁰ Mansa Silamɛni hɛnkili tenbira Iyipiti nyamanita-mɔgɛnu anubɛ kɔrɔn-fɛ-mɔgɛnutɛ la minnu bi Isirɛla tele-bɔɛ wara la.

1 Mansɛnu 4:30 ပူးပေါင်းရင်းမြစ်များ

Ko-Dabirɛnu 25:6

Kɔnɔ yanni Iburayima ni faga, ala musi doinu ya dan minnu sɔrɔn, a ya wonu kɔ a bolo-fan wonu tɔ. Wo kɔma, a ya dan wonu nata nyamani-gbɛrɛ rɔ tele-bɔɛ wara la alako anu ni bɔ ala dan Isiyaka dafɛ.

Ko-Dabirɛnu 29:1

Nba, Yakoba tara tagamana ka ta ke nyamanɛ do ma min bi tele-bɔɛ wara la.

1 Mansɛnu 10:23

Mansa Silamɛni mara fen-tigi anubɛ hɛnkilimɛ la ka tenbi mansɛ bɛɛ la duninya rɔ.

Yobu 1:3

Saga waga wɔrɔnfila (7,000) ye a bolo anubɛ nyomo waga sawa (3,000). Wo kɔma, sara-ninki waga kelen (1,000) taranta a bolo anubɛ sofɛlɛ kɛmɛ loli (500). Wo kɔma, wɔli-kɛ-den-siyaman bi a bolo duk! Mɔgɛ min bɛɛ ye Yorodan bɛ tele-bɔɛ wara la, ata fen-tigiyɛ kolo wonu bɛɛtɛ ko.

Makawandili Kumɛnu 1:16

N ya a fɔ n nyɛrɛ ma, n ko, “N ya hɛnkilimayɛ anubɛ ko-kɔrɔ-lɔn-burɛ anubɛ a kɔmɛ bɛɛ lɔn. N mankan ara ta wuu, ado mansa fɔlɔtɛ minnu bara sɔ n yarɔ Yerusalɛm soe burɔ, nta hɛnkilimayɛ anubɛ ko-kɔrɔ-lɔn kolo wo bɛɛtɛ ko.”

Isikiyɛli 25:4

Anu sewanɛ min kɛ, sibolo-gbɛrɛ minnu bi tele-bɔɛ wara la wulɛ rɔ, n si a ma, wonu ni na anu nɔ. Wonu si na anu dagɛ makɛ ale Amonnuna nyamanɛ rɔ ka sigi nyɔ. Kɔn-gbɔɛ anubɛ nonɛ minnu bi nyɔ anuna ko la, wonu si na wonu bɔ anu bolo ka wonu ma anu beli-fan la.

Daniyɛli 1:20

Mansɛ kɛ wa nyinikalɛ sa, ni wo ma, ka hɛnkili nyini tuma-wo-tuma, mɔgɔ nanɛ kɛnu si wo nya-yen ka tenbi nyɔ-bolo-tafɛlɛnnɛnu anubɛ nyɔ-durinu na nyamanɛ wo bɛɛ rɔ pirr!

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Matiyu 2:1

Yisa sɔrɔnta Bɛtalehɛm soe burɔ Yudiya nyamanɛ rɔ wo tumɛ Hɛrodi ye mansayɛ la nyɔ kun na. A ma mɛ wo kɔma, minnu ya lolenu-karan lɔn, wo donu bɔra tele-bɔɛ ka na Yerusalɛm.

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Kɛwɔlɛnu 7:22

A karanta Iyipiti kɛnuna hɛnkili bɛɛ la. A si kuma nya min wo, a si ko ladan nya min wo, a mara mɔgɔ-ba la wo bɛɛ rɔ.

Kɛlɛ-Kurugbɛnu 6:33

A ma mɛ wo kɔma, Midiyan kɛnuta kɛlɛ-dannu anubɛ Amalɛkinuna kɛlɛ-dannu anubɛ sibolo-gbɛrɛ minnu bi tele-bɔɛ wara la nun, wonu ya anu kundɛn ka Yorodan bɛ tɛgɛ. Anu ya anu daga makɛ Yɛsɛreli lɛɛ rɔ.