1 Mansɛnu 4:25 - ALLALA KUMƐ

²⁵ Ata wati rɔ, Yuda mɔgɛnu anubɛ Isirɛla mɔgɛnu tora yisi-kimɛ rɔ. Ala nyamanita-mɔgɛ bɛɛsi tora sewɛ rɔ ala mansaya-wati bɛɛ kɔrɔ. Dɔn-fen ma dasa ala nyamanita-mɔgɛ wo do-wo-do ma.

1 Mansɛnu 4:25 ပူးပေါင်းရင်းမြစ်များ

2 Samuwɛli 17:11

Nde, Husayi si min fɔ wo ye worɔ, i ni kilayɛ lata Isirɛla tonko nanɛ bɛɛ rɔ ko anu ni anu kundɛn kan-tina-kelen. Wo si a ma, ma ni siyaya iko ba-kɛnkɛn. Ma wa wuli tala kɛlɛ rɔ, ile Abasalɔm nyɛrɛ-nyɛrɛ si sɔ ma yarɔ.

2 Samuwɛli 24:15

Wo le ya a ma, Mari ya kiraya-fitinɛ layigi Isirɛla mɔgɛnu kuma ka a dabira wo wulun sɔgɔmɛ ma, fɔ a wati-latɛgɛnɛ kenɛ Mari bolo. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000) le kunyɛ tora kiraya-fitinɛ wo rɔ.

2 Mansɛnu 18:31

A ko wo kana wo tole masɔ Mansa Hɛsakaya kɛ la. Mata mansɛ ko wo dama ni bɔ soe kɛ burɔ ka wo niyi latenbi ma ma. A ko ni wo ya wo ma, a si a ma worɔ, wo ni to wola ki-fen-gbɔɛnu dɔnna anubɛ wola kɔlɔntɔ-yinu minna

1 Ko-Kɔrɔta-Karan 22:9

Kɔnɔ hali wo, a ya lanyiri kiri n ye. A ko a si dan di n ma min si mansayɛ kɛ ka nyamanɛ kɛ mara yisi-kimɛ rɔ. A ko yisi-kimɛ si taran dan wonubɛ a yogenu tɛma. A ko n si dan wo kele Silamɛni bawo a ko nyamanɛ kɛ si to yisi-kimɛ rɔ ata wati rɔ.

Aiseya 36:16

A ko wo kana wo tole masɔ Hɛsakaya kɛ la. Mata mansɛ ko wo dama ni bɔ soe kɛ burɔ ka wo niyi latenbi ma ma. A ko ni wo ya wo ma, a si a ma wo rɔ, wo ni to wola ki-fen-gbɔɛnu dɔnna anubɛ wola kɔlɔntɔ-yinu minna

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Isikiyɛli 38:11

A ko ale Kɔgi si a latɛgɛ ko a ni bui Isirɛla nyamani-kimanɛ wo ma min nafɛrɛnɛ, ado tarɛ minini ma nyamanɛ wo soenu ma.

Isikiyɛli 39:26

Anu ya anu ban n na min kɛ, n ya anu namiliya wola ko la. Anu ba ban sigila tun anuna nyamanɛ rɔ yisi-kimɛ la, ado mɔgɔ sa anu tɔrɔla tun, anu na si nyina anuna miliyɛ wo la.

Maika 4:4

Mɔgɛ bɛɛ si taran yisi-kimɛ rɔ anu nyɛrɛta sɛnɛnu tɔ. Mɔgɔ-wo-mɔgɔ sa nyɔ min si wo maban. Wota Mari Sɛnbɛ-Bɛɛ-Tigi ara lanyiri kɛ kiri wo ye.

Sakaraya 3:10

Wo tele wa ke, wole kelen-kelennamɛ-bɛɛ si a sigi-nyɔgɛ kele. Wo la wa dɛn, wonu ni nyagalen wo nyɔgɔn fɛ yisi-kimɛ rɔ. Wo wati si a taran, wola ki-fannu bara nanfa kubukubu!”

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.

1 Samuwɛli 3:20

Isirɛla nyamani-tonko-nanɛ mɔgɛ bɛɛ ya a lɔn ko Samuwɛli le nɛbiyɛ la Mari ye.