1 Mansɛnu 4:22 - ALLALA KUMƐ

²² Mansa Silamɛni anubɛ ala bonna-mɔgɛnu duruta dɔn-fen min nyɔgɔn dɔnna ala bɔn la tele kelan kɔrɔ, wonu yirika le kɛ la. Anu si dɛgɛ-munke bɔrɔ kɛmɛ ani bɔrɔ bi-loli (150) dɔn. Anu si dɛgɛ-munku-hakikɛ bɔrɔ bi-wɔrɔnfila ani bɔrɔ wɔrɔnfila (77) dɔn.

1 Mansɛnu 4:22 ပူးပေါင်းရင်းမြစ်များ

1 Mansɛnu 10:5

Mansɛ ye dɔn-fen-sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

1 Mansɛnu 4:23

Ninki tan, anu bi binyɛ sala minnu kɔrɔ anubɛ ninki mogan minnu si anu de-nyini binyɛ rɔ anubɛ saga kɛmɛ, anu si wonu dɔn tele-wo-tele. Mina anubɛ gbɔndan anubɛ sensɛ anubɛ kanbanma-fannu bɔnɛ a la.

1 Mansɛnu 5:11

Mansa Silamɛni fanan ya dɔn-fan di Hairam ma. A ya fui-fan bɔrɔ waga bi-loli (50,000) di anu ma. A ya tulu-durɔmu waga fila, durɔmu kɛmɛ sawa (2,300) di anu ma. San-bo-san, a tora dɔn-fan kɛ nyɔgɔn dila a ma.

2 Ko-Kɔrɔta-Karan 9:4

Mansɛ ye dɔn-fan sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya ale mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

Nihɛmaya 5:18

Tele-wo-tele, n si tura kelen, saga-hakika wɔrɔ ani sisi-siyaman faga mɔgɛnu ye. Tele-tan wo tele-tan, n si na minni-fen-kurɛ la anu ye. A bɛnta, kun-tigi ni min nyɔgɔn sɔrɔn, n ma wo makele mɔgɛnu na bawo dunɛ kolo anu kuma.

Hɛnkilimaya-Kumɛnu 24:4

Lɔnnɛ ye kan-bo-kan, nyɔ-bɔn la si fa fen-kolomɛ la.

Makawandili Kumɛnu 5:11

Ila nɔnfuli ye siyayala nya min, a dɔnnɛnu bi siyayala wo nya na le. Tɔnɔ-nyamintan bi nɔnfulu-tigiya-su wo la, fɔ yala-tɔnɛ dɔrɔn?

Daniyɛli 1:5

Mansɛ wo ya a fɔ tun ko ala mɔgɔ-banu bi dɔn-fan anubɛ baan min sufa sɔrɔnna, a bɛnta, Isirɛla mɔgɔ-yabɔnɛ wonu fanan ni wo nyɔgɔn sufa sɔrɔn. Yanni anu ni to kofula mansɛla mɔgɔ-banu ma, anu si karan san sawa dɛgɛdɛgɛ!

1 Samuwɛli 8:12

A si donu sigi mɔgɔ waga kelen-kelannu kun na. Donu si sigi mɔgɔ bi-loli bi-lolɛnu kun na. A si wola dan donu ma ala sɛnita keminɛnu na. A si donu ma ala kɛlɛ-kɛ-fen nadannɛnu na. A si donu fanan ma ala kirindi-miran nadannɛnu na.