1 Mansɛnu 4:21 - ALLALA KUMƐ

²¹ Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

1 Mansɛnu 4:21 ပူးပေါင်းရင်းမြစ်များ

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

2 Samuwɛli 8:2

Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Mansɛnu 12:4

“I fa Mansa Silamɛni ya ma bira boloko-yogomɛ-kɛ ka a lagbɛlɛya ma kuma. Ni ile ya do bɔ dunɛ la ma ye ka ma kun-nadiya, i ya ko-wo-ko fɔ ma ye, ma si wo ma.”

1 Mansɛnu 3:13

Hali i ma n manyinika fan minnuna ko ma, n si wonu fanan di i ma, fen-tigiyɛ anubɛ gbiliyɛ, kɔni. I nyɔgɔn-takɛn ti taran mansɛnu tɛma i siyi-tele-bɛɛ kɔrɔ.

1 Mansɛnu 4:22

Mansa Silamɛni anubɛ ala bonna-mɔgɛnu duruta dɔn-fen min nyɔgɔn dɔnna ala bɔn la tele kelan kɔrɔ, wonu yirika le kɛ la. Anu si dɛgɛ-munke bɔrɔ kɛmɛ ani bɔrɔ bi-loli (150) dɔn. Anu si dɛgɛ-munku-hakikɛ bɔrɔ bi-wɔrɔnfila ani bɔrɔ wɔrɔnfila (77) dɔn.

1 Mansɛnu 4:24

Mansa Silamɛni ya kun-tigiyɛ kɛ nyamanɛ wo bɛɛ kun na. Ale le ye Yufereti bɛ tele-yigi waralɛ bɛɛ kun na ka a bi Tifisa soe ma ha ka ta sigi Kesa soe la. Mansɛ min bɛɛ ye Yufereti bɛ tele-yigi wara la, wonu bi ale le kɔrɔ. A ya yisi-kimɛ sɔrɔn a sigi-nyɔgɛ bɛɛsi bolo.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

2 Ko-Kɔrɔta-Karan 17:5

Mari ya Yuda nyamanɛ lasabati Yɛhosafati ye. Ala mɔgɛnu tora a sanbala ha a mara nɔnfulu-tigi anubɛ tɔgɔlamɛ la.

2 Ko-Kɔrɔta-Karan 32:23

Mɔgɔ-siyaman nara kɔ-fannu na Mari ye anubɛ fen-kolomɛnu na Mansa Hɛsakaya ye Yerusalɛm soe burɔ. Ka a dabira wati wo ma, sibolo-gbɛrɛnu tora Mansa Hɛsakaya gbiliyala kosɛbɛ!

Ɛsira 4:20

Tonyɛ le, mansa-makawanɛ donu bi nyɔ nun. Sɛnbɛ ye anu na Yufereti bɛ tele-yigi damasi kun na nun. Anu taranta duti makelela nyɔ-mɔgɛnu bolo.

Yaburi 68:29

Mansɛnu bi nala i kɔ-fannu na ka a tɛgɛ i Bato-Bɔn ma Yerusalɛm soe burɔ.

Yaburi 76:11

Ni i ya min di-koe fɔ ita Mari Alla ma, i ni wo di a ma. Wole sibolo-gbɛrɛ minnu gbɛrɛnnɛ Isirɛla ma, wo ni na kɔ-fannu na a ye. Alla ye a mala, mɔgɛ bɛɛ ye kilanna a la.

Bɔ-Koe-Iyipiti 23:31

“N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Makawandili Kumɛnu 2:25

bawo yon si dɔntɛ sɔrɔn ka i nyɛrɛ ladiya ale Alla kɔma? Wo sa!

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Isikiyɛli 16:13

I makirinɛ sɛnɛ anubɛ wodi-gbɛ la. I ya linɛn-kura-bonnɛ anubɛ kura-da-gbɛlɛ do don. I wara biredi don min nadannɛ dɛgɛ-munku-hakikɛ anubɛ liyi anubɛ tulu-hakikɛ la. Ila kinyɛ bɔra gbɛ ma. I mara musu-mansɛ la.

Tɔn-Fɔɛ-Fila-Nyɔgɛ 11:24

Wo tagamanta nyamanɛ wo kan-tina wo kan-tina rɔ, wo si ma wotɛ la. Wola nyamanɛ min ya a dabira dugula wara la wulɛ rɔ ha ka ta ke Lɛbanan kɔnkɛnu ma, wo dugi si ma wotɛ la. Ka a fɔlɔ Yufereti bɛ ma tele-bɔɛ wara la ha ka ta a sigi Mɛdetereniyan kɔgɔ-yi la tele-yigi wara la, wo dugi fanan si ma wotɛ la.

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.