1 Mansɛnu 4:13 - ALLALA KUMƐ

¹³ Bɛn-Kibɛri ye Ramɔti-Kaliyadi soe kun na. A ye so-nɛ donu fanan kun na minnu bi Manasa kegeyɛ do bolo min tɔgɛ Yeya. Wonu bi Kaliyadi sigisɔn rɔ. A ye Arakobi sigisɔn-nyamanɛ kun na Basan nyamanɛ rɔ, so-kinama bi-wɔrɔ ye min tɔ. Tarɛ mininɛ soe wo kelen-kelennamɛ-bɛɛ ma min dɛnu balannɛ sila-bonda-sɔgɔ-kɔnnu na.

1 Mansɛnu 4:13 ပူးပေါင်းရင်းမြစ်များ

1 Mansɛnu 22:3

Mansa Ehabu ya ala mɔgɔ-banu manyinika, a ko, “Nfenna ma ma ma raya ka Ramɔti-Kaliyadi soe bi Siriya mansɛ bolo, ado ma halalɛ le nyɔ la?”

2 Mansɛnu 9:1

Wo kɔma, Nɛbi Ilaisa ya ala nɛbi-karan-dan do kele ka a fɔ a ye ko, “I rabɛn ta-koe ma. I ni tulu-barɛ kɛ bi ka ta Ramɔti-Kaliyadi soe burɔ.

2 Mansɛnu 9:14

Kɛ wati ya a taran, Isirɛla Mansa Yɔram ye a dandan tinɛ Yɛsɛreli soe burɔ bawo a tanbanta wo tumɛ anubɛ Siriya Mansa Hasiyɛli kɛlɛta Ramɔti-Kaliyadi soe dafɛ. Mansa Yehu ya yanfɛ kiri ka a fɔ a ta-nyɔgɔ kɛlɛ-den-kunyɛnu ye ko, “Ni wo ye n fɛ, mɔgɔ-wo-mɔgɔ kana bɔ Ramɔti soe kɛ burɔ ka ta koe kɛ rakaran Yɛsɛreli soe burɔ.”

1 Ko-Kɔrɔta-Karan 2:23

Kesa kɛnu wo, Aram kɛnu wo, wonu ya so-kun bi-wɔrɔ bi Kaliyadi nyamanɛ rɔ. Yeya soe wo, Kinati soe wo, anubɛ so-mɛsɛ minnu bi anuna foolɛnu tɔ, wonu bi so bi-wɔrɛ kɛnu denu tɔ. Mɔgɛ minnu bɛɛsi ye so-kun bi-wɔrɛ kɛnu tɔ, wonu benba le Makiri la, Kaliyadi fa, kɔni.

Yaburi 22:12

N yogenu bara a mini n ma iko mɔgɛ tenbi sɔni Basan tura-feremɛnu tɛma.

Yaburi 68:15

Basan kɔnkɛ, kɔnkɔ-kinama-wɛ le wo la min bolɔn siya a ma.

Yilan-Yilan Koe 32:41

Makiri kegeyɛ min tɔgɛ Yeya, wo fanan tara bui soe donu ma Kaliyadi nyamanɛ rɔ ka soe wonu tɔgɔ sa Yeyaya.

Tɔn-Fɔɛ-Fila-Nyɔgɛ 3:10

Ma ya kɔnkɔ-kuma-soenu bi anubɛ Kaliyadi nyamanɛ anubɛ Basan nyamanɛ ha ka ta ke tele-bɔɛ wara la ha ka ta ke so fila ma minnu tɔgɛ Salaka anubɛ Ɛdiriya. So filɛ kɛnu bi Basan nyamanɛ rɔ Mansa Ɔku le bolo nun.”

Tɔn-Fɔɛ-Fila-Nyɔgɛ 3:4

Ma ya anuna so-kun bi-wɔrɛ mumɛ bɛɛsi bira-a-la minnu bi Agabi sigisɔn rɔ Basan nyamanɛ rɔ, Mansa Ɔkuta nyamanɛ, kɔni.

Tɔn-Fɔɛ-Fila-Nyɔgɛ 3:8

“Ma ya nyamanɛ min bɛɛ sɔrɔn Yorodan bɛ tele-bɔɛ wara la mansa filɛ wonu bolo, a dabirɛ le Anɔn bɛ ma ha ka ta ke Hɛrɔman kɔnkɛ ma.

Tɔn-Fɔɛ-Fila-Nyɔgɛ 4:43

Soe wonu tɔgɛ le kɛnu na, Bisa min bi Rubɛn bɔnsɔn-mɔgɛnuta nyamanɛ rɔ kɔnkɛ kuma wula-da-rakolɔn rɔ, Ramɔti min bi Kadi bɔnsɔn-mɔgɛnuta nyamanɛ rɔ Kaliyadi nyamanɛ rɔ anubɛ Kolan min bi Basan nyamanɛ rɔ, kɔni. Manasa bɔnsɔn-mɔgɛnu sigira nyɔ.

Yasowa 20:8

Anu ya lakisi-soe minnu yabɔ Yorodan bɛ kɔma tele-bɔɛ wara la, wo le Bisa, Rubɛnta nyamanɛ rɔ wulɛ rɔ anubɛ Ramɔti min bi Kaliyadi nyamanɛ rɔ Kadita nyamanɛ rɔ anubɛ Kolan min bi Manasata nyamanɛ rɔ Basan nyamani-kɔrɛ rɔ.

Yasowa 21:38

So-kun nanɛ minnu tora anu ye Kadita nyamanɛ rɔ, wo le kɛnu na, Ramɔti min bi Kaliyadi nyamanɛ rɔ wo (lakisi-soe le wo la) Mehaneyim wo,