1 Mansɛnu 4:11 - ALLALA KUMƐ

¹¹ Bɛn-Abinadabu ye Dɔɔ sigisɔn-nyamanɛ kun na. Ala musi le Mansa Silamɛnina den Tapata la.

1 Mansɛnu 4:11 ပူးပေါင်းရင်းမြစ်များ

1 Mansɛnu 4:15

Ahimahasi ye Nafatali sigisɔn-nyamanɛ kun na. A ya Mansa Silamɛnina den Basimati furu.

Yasowa 11:1

Kɛlɛ min mara dugula wara la, Hesɔ Mansa Yebin ya wo wara-koe lamɔɛn tumɛ min, a ya kilaya-lakalamɛ lata a dafɛ-mansɛnu ma ko anu ni anu nadɛn Isirɛla mɔgɛnu kɛlɛ-koe la. Kilayɛ wo kera mansɛ kɛnu ma, Medon mansɛ min tɔgɛ Yobabu, anubɛ Simirɔn mansɛnu anubɛ Akisafu mansɛnu anubɛ mansɛ minnu bi kantɔ-kɔnkɔ-nyamanɛ rɔ anubɛ mansɛ minnu bi Yorodan lɛɛ Kalili dalɛ dugula Dɔɔ soe tɔgɔfɛ. Kumɛ wo kera Kenan mansɛnu ma minnu bi Yorodan bɛ tɔnkɔn filɛ bɛɛ rɔ anubɛ Amora mansɛnu anubɛ Hɛti mansɛnu anubɛ Perasa mansɛnu anubɛ Yebusi mansɛnu minnu bi kɔnkɔ-gburukulinu kuma anubɛ Hefa mansɛnu minnu siginɛ Hɛrɔman kɔnkɔ-wɛ kɔrɔ Misipa nyamanɛ rɔ.

Yasowa 17:11

Manasa ya soe donu sɔrɔn Isakari anubɛ Asɛrata nyamanɛnu tɔ. A ya soe minnu sɔrɔn, wo le kɛnu na, Bɛti-San, Ibiliyam, Dɔɔ min bi kɔgɔ-yi tina, Ɛndɔ, Teyanaka anubɛ Magidɔ ka wo sa anu dafɛ-so-nɛnu kuma.

Kɛlɛ-Kurugbɛnu 1:27

Manasa bɔnsɔn ma so-kun loli mɔgɛnu gben, Bɛti-San soe wo, Teyanaka soe wo, Dɔɔ soe wo, Ibiliyam soe wo, Magidɔ soe wo, anubɛ anu dafɛ-so-mɛsɛnɛnu. Kenan kɛnu sigini tora nyɔ

1 Samuwɛli 16:6

Anu ke saraka-bɔ-tinɛ nyɔ, Samuwɛli ya Yɛsila sarɛ yen min tɔgɛ Ɛliyabu. Samuwɛli miri nun ko keminɛ min sɔnɛ Mari yakɔrɔ wo la, wo le ye mala mansɛ la.

1 Samuwɛli 16:8

Yɛsi ya ala den Abinadabu fanan yira Samuwɛli la kɔnɔ Samuwɛli ya a fɔ ko, “Mari ma sɔn wo fanan na.”

1 Samuwɛli 16:9

Yɛsi ya ala den Sama fanan yira a la. Kɔnɔ Samuwɛli ya a fɔ tun ko, “Mari ma sɔn kɛ fanan na.”