1 Mansɛnu 3:9 - ALLALA KUMƐ

⁹ Awa, i ni hɛnkili di n ma alako n si ke nya min ka mɔgɛ wonu kiti ka ko-nyimɛ anubɛ ko-yogomɛ dan-nafarɛ lɔn. Ni wo ma, n si ke mɔgɔ-sɛrɛ-wɛ kɛnu kitila kama ka mansayɛ kɛ?”

1 Mansɛnu 3:9 ပူးပေါင်းရင်းမြစ်များ

2 Samuwɛli 14:17

N ya n miri n nyɛrɛ ma n ko hali ita kuman-kan wo si a ma, n ni kisi. Mansɛ mani de iko Allata melika bawo a ya ko-nyimɛ anubɛ ko-yogomɛ dan-nafarɛ lɔn. Mansɛ, alamɛ ita Mari Alla tora i fɛ.”

1 Mansɛnu 10:24

Alla ya hɛnkilimaya-kumɛ min di Mansa Silamɛni ma, a sɔgɛ ya duninya-mɔgɛnu bira ka ta anu tole masɔ wo la.

1 Mansɛnu 3:10

Mansa Silamɛni ya Alla manyinika minna ko la, wo ya Mari hɛnɛ.

1 Mansɛnu 3:28

Isirɛla mɔgɛnu ya kiti wo lamɔɛn tumɛ min, mansɛ ya min tɛgɛ, anu kawara mansɛ ma. Anu ko, “Alla le ya kiti-tɛgɛ-hɛnkili kɛ di a ma.”

1 Ko-Kɔrɔta-Karan 22:12

Alamɛ ita Mari Alla ya lɔnnɛ anubɛ hɛnkili di ile ma woletɔ i tenbi Isirɛla nyamanɛ kun na, i si ata tɔnnu bira.

1 Ko-Kɔrɔta-Karan 29:19

Mari, i ni yili-latɛgɛ di nna den Silamɛni ma. Wo si a ma, a ni ita kumɛ bira, ado n bara miran min bɛɛsi ladɛn Bato-Bɔn sɔ-koe rɔ, a si wonu bi ka bɔn sɔ i ye.”

2 Ko-Kɔrɔta-Karan 1:10

Woletɔ i ni hɛnkilimayɛ anubɛ ko-kɔrɔ-lɔn di n ma alako n ni nna mɔgɛnu bira boloko-nyimɛ-kɛ. Ni wo ma, nde si ke kunna mɔgɔ-siyamɛ kɛnu ma kama?”

Yaburi 119:144

Ila karan bɛɛ latelennɛ le! Hɛnkilimayɛ di n ma woletɔ n si to n niyi la.

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Yaburi 119:73

Ile le ya n dan i bole la. I ni ila sereyanu-kɔrɔ-lɔn-hɛnkili di n ma woletɔ n si ita tɔnnu karan.

Hɛnkilimaya-Kumɛnu 14:8

Nfenna hɛnkilimɛ bolo la ti bira? Bawo yanni a ni ko-wo-ko ma, fɔ a wa a miri fɔlɔn. Nfenna kuntan si yuwaya-koe ladan? Bawo a ye ko-wo-ko ladanna, a ya a lɔn ko a ye tonyɛ le tɔ kɔnɔ wo fɛ-yan a la.

Hɛnkilimaya-Kumɛnu 16:16

Yanni i ni sɛnɛ-siyamɛ sɔrɔn, a fisa, i ni hɛnkili sɔrɔn. Yanni i ni wodi-gbɛ-siyaman sɔrɔn, a fisa, i ni lɔnnɛ sɔrɔn.

Hɛnkilimaya-Kumɛnu 20:12

Mari ya tole di ma ma alako ma ni ko lamɔɛn. A ya yɛ fanan di ma ma alako ma ni fen yen.

Makawandili Kumɛnu 7:11

A bɛnnɛ hɛnkili ni taran mɔgɛ bɛɛ bolo. A si mɔgɔ dɛnbɛ iko kɛɛ-tonɛ.

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.

Yɛrɛmaya 1:6

N ya a fɔ wo rɔ ko, “Kɔnɔ n Tigi Mari, dennɛ le nde la. N ma kusan kumala.”

Yɛrɛmaya 45:5

Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Matiyu 3:11

“N bi wo batasila yi rɔ alako mɔgɛnu ni a lɔn ko wo ara tubi ka wo kɛ-nyanu yɛlɛma. Kɔnɔ ale min bi nala nde kɔma, wo si wo batasi Allala Ni-Sɛnimɛ la anubɛ tɛ min si wo sɛninya. A makawara nde ko pirr! Nde ma bɛn, hali ka ala sanbarɛ bi a ye.

Matiyu 3:14

Kɔnɔ Yɔni ya a raya ko Yisa ni a miriya wo yɛlɛma. Yɔni ko, “A ma bɛn, nde ni ile batasi. Ile ni nde batasi!”

Yɔni 5:30

Yisa ko, “N ti ke ko-wo-ko mala n nyɛrɛ ma. N bi kiti tɛgɛla iko Alla ya a fɔ n ye nya min. Woletɔ nna kiti-tɛgɛ-nya telenta. N sa n tayala ka n nyɛrɛ diyana-koenu kɛ. Min ya n sɔ, n bi wo diyana-koenu denu kɛla.

2 Kɔrɛnti 2:16

A ara ma saya-sumɛ la wonu ye minnu bi nala halakila. Kɔnɔ a ara ma nimaya-sumɛ la wonu ye minnu bi nala kisila. Wo mɔgɔ sa min si ke wonu kɛla a nyɛrɛ ma.

2 Kɔrɛnti 3:5

Fenfen sa male rɔ min si a ma, ma ni a fɔ ko ma si ke wɔlɛ kɛ kɛla. Min bɛɛ ye ma bolo, wo bɔnɛ Alla le bolo.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

Filipai 1:10

Wo wa wonu sɔrɔn tumɛ min, wo si ke ka ko kɛndɛ yabɔ. Kirasiti wa na kiti tɛgɛ tinɛ lunyɛ min, alamɛ wo tankara ko-nɔgɔnɛ bɛɛ ma woletɔ mɔgɔ ti fɛɛ yen wo la.

Hiburunu 5:14

Kɔnɔ kinanu si dɔn-fen-bɛrɛ dɔn. Minnu bara koloya, wonu bara ko-nyimɛ anubɛ ko-yogomɛ dan-nafarɛ makaran.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.