1 Mansɛnu 3:7 - ALLALA KUMƐ

⁷ E, nta Mari Alla, ile le wara nde dennɛ yabɔ ka n ma mansɛ la n fa Dawuda gbɛ rɔ kaka. N ma n don-nya lɔn, n ma n bɔ-nya lɔn.

1 Mansɛnu 3:7 ပူးပေါင်းရင်းမြစ်များ

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

1 Ko-Kɔrɔta-Karan 22:5

Mansa Dawuda ya a miri ko ala den Silamɛni ye nala Mari Bato-Bɔn min sɔla, wo ni kinya ha nyamanɛ doinu ni a gbiliya a kinyɛla ko ma. A ya a lɔn min kɛ ko ala dan wo pose le fɔlɔn, woletɔ a ya a miri ko fɔ a wa ala dan wo denbɛ bɔn wo sɔ-mirannuna ko la. Yanni Mansa Dawuda ni faga, a ya miran-siyaman nyini bɔn wola ko la.

1 Ko-Kɔrɔta-Karan 22:9

Kɔnɔ hali wo, a ya lanyiri kiri n ye. A ko a si dan di n ma min si mansayɛ kɛ ka nyamanɛ kɛ mara yisi-kimɛ rɔ. A ko yisi-kimɛ si taran dan wonubɛ a yogenu tɛma. A ko n si dan wo kele Silamɛni bawo a ko nyamanɛ kɛ si to yisi-kimɛ rɔ ata wati rɔ.

1 Ko-Kɔrɔta-Karan 29:1

Mansa Dawuda ya a fɔ nyama-ladɛnnɛ wo ye ko, “Nna den Silamɛni, Alla ara wo le yabɔ ka a ma mansɛ la. Kɔnɔ hali wo, a dɔgɔ, ado a ma duru mansaya-koe la. Bato-Bɔn sɔ-ko-wɔlɛ kɛ makawara bawo mɔgɛnuta mansa-bɔn sɔ-ko-wɔli ma kɛ la fɔ Mari Allatɛ.

Yaburi 121:8

Ma tenbi ta-ni-sɛgi kɛla, Mari si ma lakanan burubukai!

Hɛnkilimaya-Kumɛnu 18:12

Mɔgɔla wasinteyɛ le ye a labuila. Mɔgɔ-famayiginɛ le ye gbiliyɛ sɔrɔnna.

Makawandili Kumɛnu 10:16

Gbalo ye nyamanɛ wo kuma denniya-hɛnkili ye minnuna mansɛ bolo anubɛ minnuna kun-tiginu bi kila anu nyɛrɛ ladiyala.

Yɛrɛmaya 1:6

N ya a fɔ wo rɔ ko, “Kɔnɔ n Tigi Mari, dennɛ le nde la. N ma kusan kumala.”

Yɛrɛmaya 1:7

Ale Mari ya a fɔ n ye ko n kana a fɔ ko dennɛ le nde la. A ko a wa n nata kan-bo-kan, n ni ta nyɔ. A ko a wa fenfen fɔ n ye, n ni wo rakaran nyɔ-mɔgɛnu ye.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Daniyɛli 4:32

I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Daniyɛli 5:21

Mɔgɛnu ya a gben anu kurun tɔ. A hɛnkili mara iko sogenutɛ. A tora tagamana sogenu fɛ binyɛ rɔ ka binyɛ dɔn iko ninki. A tora kila gbɛkole ma. Duri tora yigila a ma nyɔ. Kɔnɔ tɔ-a-la, a sɔnta ko Alla Min Bi Fan Bɛɛ Kun Na, wo le ye duninya-mansɛ-bɛɛ kun na. Min ba diya a ye, a si mansayɛ di le wo ma.

Yilan-Yilan Koe 27:17

Isirɛla mɔgɛ kɛnu kana ma iko sagɛ minnu kandanna sa.”

Yɔni 10:9

Nde le anu don-dɛ la. Min ba don nde fɛ, wo si kisi. A si ta-ni-sɛgi kɛ a de-nyini tinɛ.

Tɔn-Fɔɛ-Fila-Nyɔgɛ 31:2

“N bara san kɛmɛ ani san mogan bɔ. N ti ke wola kun-tigiyɛ nɔla tun. Min sanɛ wo kuma, Mari ara a fɔ n ye ka a gbɛ feu, ko n ti Yorodan bɛ tɛgɛ tun.

1 Samuwɛli 18:16

Dawuda wara-koe diyara Isirɛla mɔgɛnu anubɛ Yuda nyamanita-mɔgɛnu ye bawo a ye tola nɔ-ko sɔrɔnna kɛlɛ rɔ.