1 Mansɛnu 3:6 - ALLALA KUMƐ

⁶ Mansa Silamɛni ya a fɔ Alla ye ko, “I ya keninteya-wɛ yira n fa Dawuda la bawo a mara mɔgɔ-nyimɛ anubɛ mɔgɔ-telennɛ la i yala. I wara den-kei di a ma min bara mansayɛ kɛ a gbɛ rɔ. Wo fanan bara a yira ko a di i ye.

1 Mansɛnu 3:6 ပူးပေါင်းရင်းမြစ်များ

Ko-Dabirɛnu 24:40

Kɔnɔ a ya a fɔ n ye ko a ye tagamana Mari min baraka rɔ, wo si ala melika bila n fɛ ka nna kilɛ ma hɛrɛ la alako n si musi sɔrɔn ala dan ye a fa bɔnsɔn rɔ nya min.

2 Samuwɛli 22:21

“Mari ya n sara nta telenbagayɛla ko la. A ara ata duwɛ layigi n kuma bawo fɛɛ sa n na.

2 Samuwɛli 22:25

Nna telenbagayɛ le ya a ma, Mari ye n sarala, ado a ya a lɔn fanan ko fɛɛ-wo-fɛɛ sa n na.

2 Samuwɛli 7:5

“Ta a fɔ nna wɔli-kɛla Dawuda ye ko ale ti nna bɔn sɔ.

1 Mansɛnu 1:48

Ale mansɛ nyɛrɛ ya a fɔ ko Isirɛlata Mari Alla ni tanto bawo a ara mɔgɛ do yabɔ ka a ma mansɛ la ale Mansa Dawuda nyɛrɛ yala.”

1 Mansɛnu 15:5

Mari ya kɛ ma le bawo Mansa Dawuda taranta a sako kɛla nun fɔ Yuraya Hɛti kɛ wara-koe dɔrɔn.

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

1 Mansɛnu 3:14

Ni i tagama-nya telenta n yala ka nta tɔnnu bira iko i fa Dawuda tagamanta nya min, n si siyi-yan di i ma.”

1 Mansɛnu 9:4

Ni i tora telenbagayɛ rɔ ka nna kumɛ anubɛ nna tɔnnu bira iko i fa Dawuda taranta a mala nya min,

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

2 Ko-Kɔrɔta-Karan 1:8

Mansa Silamɛni ya a fɔ a ye ko, “I tora ila keninteya-wɛ yirala n fa Dawuda la, ado kaka, i wara a ma, nde ara sigi a gbɛ rɔ.

Yaburi 116:7

N ya a fɔ n nyɛrɛ ma ko, “N bi hɔnna nfenna gbɛ?” Mari nyimayanɛ n ye.

Yaburi 119:17

Ila wɔli-kɛlɛ le nde la. Kinikini n ma. Wo le si a ma, n ni to n niyi la ka ila kumɛ bira.

Yaburi 13:6

Mari, n si sigi sa i ye ka a tɛgɛ ila nyimayɛ ma n bara la.

Yaburi 15:2

Min bi Alla sako mumɛ bɛɛ kɛla ka ko-latelennɛ kɛ wati bɛɛ rɔ, ado a ti foninya fɔ.

Yilan-Yilan Koe 12:7

Kɔnɔ nta lanaya-mɔgɛ le Musa la, woletɔ n ya a sigi Isirɛla mɔgɛ bɛɛsi kun na.

2 Kɔrɛnti 9:11

A si wo ma fen-tiginu na alako wo ni to mɔgɛnu kɔla wati bɛɛ. Ma wa wola kɔ-fannu natenbi anu ma, wo si a ma, mɔgɔ siyaman ni baraka bira Alla ye wola kɔ-fan wonuna ko la.

2 Kɔrɛnti 9:5

Woletɔ n ya n miri ko a bɛnnɛ n na-kelen-nyɔgɛ kɛnu ni sɔ ma yarɔ. Wo ya lanyiri kiri kɔ-fan minna ko la, yanni n ni ke nyɔ, wo ni wonu nadɛn. Woletɔ, n ba ke tumɛ min, n si koe bɛɛ rabɛnnɛ taran. Wo si a yira ko wo bolenu fulenta bawo a di wo ye. Wo ye a bɔla wo yisi bɛɛ la. Mɔgɔ ma wo fɔrɔsɛ.