1 Mansɛnu 3:4 - ALLALA KUMƐ

⁴ Lunyɛ do, Mansa Silamɛni tara Kibiyon soe burɔ ka sarakɛ bɔ Mari ye saraka-bɔ-tina-wɛ wo rɔ. A taranta saraka-mintantɛ-siyaman bɔla nyɔ nun!

1 Mansɛnu 3:4 ပူးပေါင်းရင်းမြစ်များ

1 Mansɛnu 8:4

Anu ya a bi ka ta a la Mari Bato-Bɔn dafɛ. Lifayi bɔnsɔn-mɔgɛnu anubɛ saraka-masɔlɛnu tara Marita Fani-Bɔn nyɛrɛ bi anubɛ a miran bɛɛsi ka ta anu to Bato-Bɔn la.

1 Mansɛnu 8:63

Mansa Silamɛni ya ninki waga mogan-ni-fila (22,000) anubɛ saga waga kɛmɛ kelen ani saga waga mogan (120,000) ma yisi-kima-sarakɛnu na. Mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

1 Mansɛnu 9:2

Mari ya a nyɛrɛ yira a la kiyo rɔ tun iko a bɔra gbɛ rɔ a ye nya min nun Kibiyon soe burɔ.

1 Ko-Kɔrɔta-Karan 16:39

Mansɛ ya Saraka-Masɔla Sedoki anubɛ a ta-nyɔgɔ-saraka-masɔlɛ donu sɔ mɔgɛnu yakɔrɔ Mari bato tinɛ fani-bɔn la Kibiyon soe burɔ.

1 Ko-Kɔrɔta-Karan 21:29

Nɛbi Musa ya Marita Fani-Bɔn anubɛ saraka-mintan-tinɛ min nadan wulɛ rɔ, wonu bi Kibiyon soe burɔ nun kɛ wati rɔ.

2 Ko-Kɔrɔta-Karan 1:2

Kɛlɛ-den-kunyɛ minnu bi waga kelen-kelannu kun na wo, anubɛ minnu bi kɛmɛ kelen-kelannu kun na wo, ala nyamanita-mɔgɔ-banu wo, anubɛ kebila-kunyɛnu wo, anubɛ a mɔgɛ toenu wo, Mansa Silamɛni ya anu kele ka anu damasi kundɛn Kibiyon soe burɔ Mari bato tinɛ. Allata wɔli-kɛlɛ Nɛbi Musa ya Marita Fani-Bɔn min nadan wulɛ rɔ nun, wo ye ale Kibiyon soe burɔ nyɔ.

2 Ko-Kɔrɔta-Karan 30:24

Mansa Hɛsakaya ya tura waga kelen (1,000) anubɛ saga waga wɔrɔnfila (7,000) labɔ ala nyamanita-mɔgɛnu ye. Ala mɔgɔ-banu ya tura waga kelen (1,000) anubɛ saga waga tan (10,000) sa mansatɛ wo kuma. Saraka-masɔla-wa-siyaman ya anu nyɛrɛ sɛninya iko tɔn ya a fɔ nya min.

2 Ko-Kɔrɔta-Karan 7:5

Mansa Silamɛni ya ninki waga mogan-ni-fila (22,000) ma sarakɛ la. Wo kɔma, a ya saga waga kɛmɛ ani saga waga mogan (120,000) ma yisi-kima-sarakɛ la fanan. Ale mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

Aiseya 40:16

Soge min bɛɛsi ye Lɛbanan gbɔngbɔn rɔ, wonu ti saraka bɔ, ado kɔn wonu ti saraka-mintan-sɔgɔ bɔ.

Yɛrɛmaya 28:1

San kelan wo le ma, Sɛdɛkayala mansayɛ san nani nyɔgɛ, kɔni, wo karɛ lolɛ ma, Esurila den Hananaya min bi nɛbiyɛ la ka bɔ Kibiyon nyamanɛ soe do rɔ, wo kumara n ye Bato-Bɔn la. A kumara n ye saraka-masɔlɛnu anubɛ wole, mɔgɛ bɛɛ yala.

Yasowa 10:2

Mansɛ wonubɛ ala mɔgɛnu bara kilan bawo Kibiyon soe kolo iko mansa-soe. A kolo Eyai ko, ado kɛlɛ-kɛla-wɛnu bi a rɔ fanan.

Yasowa 18:21

Soe minnu dira Bɛnyamɛ bɔnsɔn ma, wo le kɛnu na, Yɛrikɔ, Bɛti-Hɔgala, Ɛmɛki-Kisisi,

Yasowa 9:3

Kɔnɔ Hefa do minnu bi Kibiyon soe burɔ, wonu ya a lamɔɛn min bara ma Yɛrikɔ anubɛ Eyai soenu na Yasowa bolo tumɛ min,

1 Samuwɛli 13:9

Woletɔ Mansa Sɔli ya a fɔ anu ye ko, “Wo na saraka-mintantɛ anubɛ yisi-kima-sarakɛnu na n ye.” A ya saraka-mintantɛ wo mintan.